Regulation on work clothes, the appearance of the emblem, work equipment and the type of weapons carried by inspectors

МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 20 став 2 од Законот за шумарска и ловна инспекција (,,Службен весник на Република Северна Македонија" бр. 88/08, 6/10, 36/11, 74/12, 164/13, 43/14, 33/15, 149/15, 53/16 и 83/18) министерот за земјоделство, шумарство и водостопанство, донесе: ПРАВИЛНИК ЗА РАБОТНАТА ОБЛЕКА, ИЗГЛЕДОТ НА АМБЛЕМОТ, ОПРЕМАТА ЗА РАБОТА И ВИДОТ НА ОРУЖЈЕТО ШТО ГО НОСАТ ИНСПЕКТОРИТЕ Член 1 Со овој правилник се пропишува работната облека, изгледот на амблемот, опремата за работа и видот на оружјето што го носат инспекторите. Член 2 Инспекторите имаат работна облека. Член 3 Работната облека на инспекторите се состои од: сако, панталони (за машки и женски пол}, кошула со долги ракави, кошула со кратки ракави сите со маслинасто зелена боја, чевли со потенок ѓон, кожен ремен, виндјакна, елек, POLO маица со долг ракав, POLO маица со краток ракав, маица со кратки ракави сите со маслинасто зелена боја, теренски чевли, опасач и футрола за пиштол . Член 4 Изгледот на амблемот на инспекторите е во облик на штит, извезен на чоја со боја. Во горниот дел од амблемот, со букви, со боја на старо злато е извезено „РСМ", ,,ДИШЛ". Образецот на амблемот на инспекторите е даден во Прилог кој е составен дел на овој правилник. Член 5 Амблемот е вшиен на левиот ракав од работната облека, на растојание од 8 см од горниот раб на ракавот на виндјакната, POLO маица со долг ракав, POLO маица со краток ракав и кошулата. Член 6 Опремата за работа на инспекторите се состои од: теренска ташна, двоглед, GPS апарат и дигитален фотоапарат. Член 7 Опремата за работа се заменува со нова во случај на дотраеност или оштетување. Член 8 Инспекторите се вооружени со пиштол. Член 9 Со денот на влегувањето во сила на овој правилник престанува да важи „Правилник за работната облека, изгледот на амблемот, опремата за работа и видот на оружјето што го носат инспекторите" (,,Службен весник на Република Македонија" бр.154/08). Член 10 Овој правилник влегува во сила наредниот ден од денот на објавувањето во „Службен весник на Република Северна Македонија". Бр. 03-277 /5 28 октомври 2019 година Скопје Министер за земјоделство, шумарство и водостопанство, Трајан Димковски, с.р. Прилог: