Regulation on the method of marking the belt around a fish pond

МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 68 став 3 од Законот за рибарство и аквакултура („Службен весник на Република Македонија“ бр. 7/08), министерот за земјоделство, шумарство и водостопанство донесе ПРАВИЛНИК ЗА НАЧИНОТ НА ОБЕЛЕЖУВАЊЕ НА ПОЈАСОТ ОКОЛУ РИБНИК Член 1 Со овој правилник се пропишува начинот на обележување на појасот околу рибник. Член 2 Појасот околу рибникот се обележува со крајни и средишни пловки, јажиња и знаме за препознавање на оддалеченост не поголема од 15 метри од кафезите. Крајните пловки се пластични, со жолта флуоресцентна боја, во топчеста форма и пречник не помал од 50 сантиметри и се прицврстуваат за дното на риболовната вода. Крајните пловки помеѓу себе се поврзуваат со јажиња. Средишните пловки се пластични, со жолта флуоресцентна боја, во топчеста или цилиндрична форма и пречник не помал од десет сантиметри и се прицврстуваат на јажињата на растојание не поголемо од еден метар. Член 5 Знамето за препознавање се поставува на една од крајните пловки од член 2 став 2 на овој правилник. Знамето за препознавање е со црвена боја, во правоаголна форма со димензии 30 х 20 сантиметри. Од едната страна на знамето со црна боја е наведен називот на вршителот на аквакултура, а од другата страна бројот на дозволата за аквакултура. Член 4 Овој правилник влегува во сила со денот на објавувањето во “Службен весник на Република Македонија". Бр. 08-9545/1 Министер 24 јули 2009 година за земјоделство, шумарство и водостопанство, Скопје ЈБупчо Димовски, ср.