Regulation on the manner of performing activities through cooperation services with agricultural associations for irrigation of agricultural surfaces with the use of irrigation systems on the basis of a previously concluded agreement with a competent subject for performance of water economic activity

"Службен весник на РМ" бр. 52 од 18.03.2016 Врз основа на член 5 став (3) од Законот за земјоделски задруги (“Службен весник на Република Македонија” бр.23/13, бр.51/15, 193/15 и 39/16), министерот за земјоделство, шумарство и водостопанство, донесе ПРАВИЛНИК ЗА НАЧИНОТ НА ВРШЕЊЕ НА ДЕЈНОСТА ПРЕКУ СОРАБОТКА ВО ВРШЕЊЕТО НА УСЛУГИТЕ ОД СТРАНА НА ЗЕМЈОДЕЛСКАТА ЗАДРУГА ЗА НАВОДНУВАЊЕ НА ЗЕМЈОДЕЛСКИ ПОВРШИНИ ПРЕКУ КОРИСТЕЊЕ НА СИСТЕМИ ЗА НАВОДНУВАЊЕ ВРЗ ОСНОВА НА ПРЕДХОДНО СКЛУЧЕН ДОГОВОР СО НАДЛЕЖЕН СУБЈЕКТ ЗА ВРШЕЊЕ НА ВОДОСТОПАНСКА ДЕЈНОСТ Член 1 Со овој правилник се пропишува начинот на вршење на дејноста преку соработка во вршењето на услугите од страна на земјоделската задруга за наводнување на земјоделски површини преку користење на системи за наводнување врз основа на предходно склучен договор со надлежен субјект за вршење на водостопанска дејност. Член 2 Договорот со надлежен субјект за вршење на водостопанска дејност се склучува за користење и одржување на дефинирана хидро-мелиоративна единица. Член 3 За наводнување на хидро-мелиоративната единица, Земјоделската задруга ги врши следните работи:  Набавка на вода за наводнување;  Распределба на водата за наводнување на членовите и нечленовите на задругата во рамките на хидротехничка целина врз основа на договор  Одржување на инфраструктурата за наводнување  Утврдување на висината на надоместокот за наводнување и негова наплата  Активности кои се неопходни за вршење на овие дејности Член 4 Земјоделската задруга обезбедува вода за водокорисниците со кои има склучено договор за обезбедување на услуги. Во случај на одреден дефект на дел од системот за наводнување, земјоделската задруга треба да го отстрани дефектот и да им обезбеди вода на водокорисниците. Водокорисниците треба да ги пријават потребите за вода и земјоделските култури што ќе бидат засејувани на тоа земјиште во претходно утврден период за наредната година. Земјоделската задруга треба да изготви план за наводнување на земјоделски култури за наредната година. Секој водокорисник треба да ги наводнува земјоделските површини наведени во договорот за обезбедување на услуги. "Службен весник на РМ" бр. 52 од 18.03.2016 Член 5 Овој правилник влегува во сила наредниот ден од денот на објавувањето во “Службен весник на Република Македонија”. Бр.02-3396/1 МИНИСТЕР, 11 март 2016 година м-р Михаил Цветков Скопје