Regulation on the form of opposition to the proposed title of the application for registration of a designation of origin, geographical indication or indication of a guaranteed traditional specialty and the form for the submission of information from the contractual procedure

Врз основа на член 149 став (6) од Законот за квалитетот на земјоделските производи („Службен весник на Република Македонија“ бр. 140/10, 53/11 и 55/12), министерот за земјоделство, шумарство и водостопанство, донесе ПРАВИЛНИК ЗА ОБРАЗЕЦОТ НА ПРИГОВОРОТ НА ПРЕДЛОЖЕНИОТ НАЗИВ ОД БАРАЊЕТО ЗА РЕГИСТРАЦИЈА НА ОЗНАКА ЗА ПОТЕКЛО, ГЕОГРАФСКА ОЗНАКА ИЛИ ОЗНАКА ЗА ГАРАНТИРАН ТРАДИЦИОНАЛЕН СПЕЦИЈАЛИТЕТ И ОБРАЗЕЦОТ ЗА ДОСТАВУВАЊЕ НА ИНФОРМАЦИЈА ОД СПОГОДБЕНАТА ПОСТАПКА(*) 1 Член 1 Со овој правилник се пропишува образецот на приговорот на предложениот назив од барањето за регистрација на ознака за потекло, географска ознака или ознака за гарантиран традиционален специјалитет и образецот за доставување на информација од спогодбената постапка. Член 2 (1) Приговорот на предложениот назив од барањето за регистрација на ознака за потекло, географска ознака или ознака за гарантиран традиционален специјалитет се поднесува во писмена форма на образец со А4 формат во бела боја, кој е даден во Прилог 1 и е составен дел на овој правилник. (2) Образецот на приговорот од став (1) на овој член содржи: а) Назив на земјоделскиот или прехранбениот производ; б) Датум и број на службениот весник во кој е објавено барањето за регистрација на ознака; в) Податоци за поднесителот на приговорот: назив; адреса и број на телефон, факс и e-mail адреса. г) Причини за приговор; д) Детално објаснување на причините за приговор; ѓ) Објаснување за правниот интерес; Датум и потпис на поднесителот на приговорот. Член 3 (1) Информацијата од спогодбената постапка се поднесува во писмена форма на образец со А4 формат во бела боја, кој е даден во Прилог 2 и е составен дел на овој правилник. (2) Образецот за доставување на информацијата од став (1) на овој член содржи: а) Назив на земјоделскиот или прехранбениот производ; б) Датум и број на службениот весник во кој е објавено барањето за регистрација на ознака; в) Резултат од спогодбената постапка; г) Измени на елаборатот или спецификацијата; Датум, потпис на поднесителот на приговорот и потпис на поднесителот на барањето за регистрација. https://www.akademika.com.mk/ Член 4 Овој правилник влегува во сила наредниот ден од денот на објавувањето во „Службен весник на Република Македонија“. Бр. 11 5418/5 Министер за земјоделство, 6 јуни 2012 година шумарство и водостопанство, Скопје Љупчо Димовски, с.р.