Regulation on the form, content and manner of keeping the register of wine importers, the form and content of the application form for registration in the register of wine importers, as well as the necessary documentation for registration in the register of wine importers

МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 36 став (4) од Законот за виното (,,Службен весник на Република Македонија" бр. 50/10, 53/11, 6/12 и 23/13), министерот за земјоделство, шумарство и водостопанство, донесе ПРАВИЛНИК ЗА ФОРМАТА, СОДРЖИНАТА И НАЧИНОТ НА ВОДЕЊЕ НА РЕГИСТАРОТ НА УВОЗНИЦИ НА ВИНО, ФОРМАТА И СОДРЖИНАТА НА ОБРАЗЕЦОТ НА БАРАЊЕТО ЗА ЗАПИШУВАЊЕ ВО РЕГИСТАРОТ НА УВОЗНИЦИ НА ВИНО КАКО И ПОТРЕБНАТА ДОКУМЕНТАЦИЈА ЗА УПИС ВО РЕГИСТАРОТ НА УВОЗНИЦИ НА ВИНО Член 1 Со овој правилник се пропишува формата, содржината и начинот на водење на Регистарот на увозници на вино, формата и содржината на образецот на барањето за запишување во Регистарот на увозници на вино, како и потребната документација за упис во Регистарот на увозници на вино. Член 2 Увозникот на вино пријавувањето за упис во Регистарот на увозници на вино (во натамошниот текст: Регистарот) го врши со барање на образец во А4 формат даден во Прилог кој е составен дел на овој правилник. Член 3 (1) Со барањето од член 2 на овој правилник увозникот на вино до Министерството за земјоделство, шумарство и водостопанство ги поднесува и следните документи: Извод за тековна состојба на правно лице издадена од Централниот Регистар на Република Македонија кој не може да биде постар од 30 дена, со назнака „Општа клаузула за бизнис" и/или шифра на дејност „46.34 - Трговија на големо со пијалоци" и/или „47.25 - Трговија на мало со пијалоци во специјализирани продавници". Известување за започнување на вршење на дејност издадено од Министерство за труд и социјална политика - Државен инспекторат за труд, Пријава за исполнетост на минимално технички услови и други услови пропишани со закон за вршење на трговија на големо и мало заверена од Државен пазарен инспекторат Министерство за економија и од надлежниот орган на општината односно Градот Скопје, доказ за платени административни такси, и доколку правниот субјект е регистриран за дејност „47.25 - Трговија на мало со пијалоци во специјализирани продавници" важечка Лиценца за продажба на алкохолни пијалоци издадена од Министерството за економија. (2) Документацијата од став (1) на овој член се доставува во оригинал или копија заверена на нотар. Член 4 Заради ажурирање на евиденцијата на Регистарот, увозниците на вино ги пријават промените на податоците од член 6 на овој правилник во Министерството за земјоделство, шумарство и водостопанство во рок од 30 дена од нивното настанување. Член 5 (1) Регистарот се води во пишана и во електронска форма. (2) Регистарот во пишана форма се води во папки по азбучен ред на општини каде што се наоѓа седиштето на увозниците на вино. {3) Регистарот во електронска форма се води во excel формат. Член 6 Регистарот ги содржи следниве податоци: назив на увозникот на вино, седиште на увозникот на вино, адреса на главниот капацитет за чување на вино на увозникот на вино, ЕМБС на увозникот на вино, капацитет за чување на вино во литри, име и презиме на одговорното лице во правното лице, и вкупен број на вработени лица. Член 7 Овој правилник влегува во сила наредниот ден од денот на објавувањето во „Службен весник на Република Македонија". Бр. 29-13208/1 15 април 2013 година Скопје Министер за земјоделство, шумарство и водостопанство, Љупчо Димовски, с.р. РЕПУБЛИКА МАКЕДОНИЈА МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО БАРАЊЕ ЗА УПИС ВО РЕГИСТАРОТ НА УВОЗНИЦИ НА ВИНО Назив на увозникот на вино: Седиште на увозникот на вино: Адреса на главниот капацитет за чување на вино на увозникот на вино: (доколку е различна на адресата на седиштето) ЕМБС на увозникот на вино: Капацитет за чување на вино ( во литри) Име и презиме на одговорното лице во правното лице: Вкупен број на вработени лица: (место ) (датум) Подносител : ( потпис) Прилог