Regulation on the form and content of inspector's identification form, as well as the method of issuing and confiscation

МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 19 став (4) од Законот за шумарска и ловна инспекција ("Службен весник на Република Македонија" 88/08, 6/10, 36/11, 74/12 , 164/13, 43/14 и 33/15), министерот за земјоделство, шумарство и водостопанство донесе ПРАВИЛНИК ЗА ФОРМАТА И СОДРЖИНАТА НА ОБРАЗЕЦОТ НА ЛЕГИТИМАЦИЈА НА ИНСПЕКТОР КАКО И НАЧИНОТ НА ИЗДАВАЊЕ И ОДЗЕМАЊЕ Член 1 Со овој правилник се пропишува формата и содржината на образецот на легитимацијата на инспектор како и начинот на издавање и одземање. Член 2 Образецот на легитимацијата на инспекторот е со димензии 6,5 х 10 см, изработена од кожа со кафеава боја. На првата внатрешна страна на легитимацијата на инспекторот во горниот дел стои: „РЕПУБЛИКА МАКЕДОНИЈА", во средина грбот на Република Македонија на метална површина во златно жолта боја , и во долниот дел е испишан текст: ,,Легитимација на инспектор за шумарство и ловство". Втората внатрешна страна на легитимацијата на инспекторот изработена е на хамер хартија со светложолта боја и е заштитена со пластична фолија. Во горниот дел стои: Државен инспекторат за шумарство и ловство, на средина има место за фотографија во боја со димензии 3 х 3,5 см, а под неа се впишуваат податоци за име и презиме на инспектор, регистарски број на легитимацијата, датум, потпис на директорот на Државен инспекторат за шумарство и ловство и место за печат. Формата и содржината на образецот на легитимацијата од ставот (1) на овој член се дадени во Прилог кој е составен дел на овој правилник. Член 3 Легитимацијата на инспекторот има важност се додека лицето на кое му е издадена има службено својство на инспектор. Инспекторот ја враќа легитимацијата по престанок на службеното својство. Член 4 Во случај на губење на легитимацијата, инспекторот ја огласува за неважечка и за тоа го известува директорот на Државниот инспекторат за шумарство и ловство кој му издава нова легитимација. Член 5 Легитимацијата се заменува со нова и во случај на: дотраеност или оштетување и промена на личните податоци на имателот. Член 6 Легитимацијата што се одзема, враќа или се заменува, се поништува. Член 7 Со денот на влегување во сила на овој правилник престанува да важи Правилникот за образецот и начинот на издавање на легитимацијата на шумарскиот инспектор ("Службен весник на Република Македонија" број 23/98). Член 8 Овој правилник влегува во сила осмиот ден од денот на објавувањето во „Службен весник на Република Македонија". Бр.02-7804/1 9 јули 2015 година Скопје Министер за земјоделство, шумарство и водостопанство, м-р Михаил Цветков, с.р. Прва внатрешна страна РЕПУБЛИКА МАКЕДОНИЈА ЛЕГИТИМАЦИЈА НА ИНСПЕКТОР ЗА ШУМАРСТВО И ЛОВСТВО Втора внатрешна страна ДРЖАВЕН ИНСПЕКТОРАТ ЗА ШУМАРСТВО И ЛОВСТВО 3 х 3,5 см Име 11 презиме Бр. Дата Д11ректор на државен инспекторат за шумарство н ловство м.п. Пр1mог