Regulation on the detailed conditions for import, form, content and manner for keeping the register of importers of fertilizers

Службен В. на Р.М. бр: 41/2011 од 01.04.2011 Влегува во сила на: 02.04.2011 Извор: МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Правилник за поблиските услови за увоз, формата, содржината и начинот на водење на регистарот на увозници на ѓубриња МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 24 став 4 од Законот за ѓубриња ("Службен весник на Република Македонија" бр. 110/07 и 20/09), министерот за земјоделство, шумарство и водостопанство донесе. П Р А В И Л Н И К ЗА ПОБЛИСКИТЕ УСЛОВИ ЗА УВОЗ, ФОРМАТА, СОДРЖИНАТА И НАЧИНОТ НА ВОДЕЊЕ НА РЕГИСТАРОТ НА УВОЗНИЦИ НА ЃУБРИЊА Член 1 Со овој правилник се пропишуваат поблиските услови за увоз, формата, содржината и начинот на водење на регистарот на увозници на ѓубриња. Член 2 Поблиски услови за увоз на ѓубриња се: увозникот да е запишан во регистарот на увозници на ѓубриња и ѓубрето да е запишано во регистар на ѓубриња. Член 3 Регистарот на увозници на ѓубриња се води во електронска и пишана форма. Регистарот се води во книга со тврди корици на евиденциски листови во бела боја со формат А3 кои се нумерирани и меѓусебно поврзани. На предната страна на книгата со златна боја е втиснат грбот на Република Македонија, а под него се впишани зборовите: Република Македонија; Министерство за земјоделство, шумарство и водостопанство; Фитосанитарна управа; Регистар на увозници на ѓубриња. Образецот на регистарот на увозници на ѓубриња е даден во Прилог, кој е составен дел на овој правилник. Член 4 Регистарот на увозници на ѓубриња ги содржи следните податоци: 1. Идентификациски број на правното лице-увозник; 2. Назив на правното лице-увозник; 3. Единствен даночен број на правното лице-увозник; 4. (БДС) број на деловниот субјект; 5. Седиште и адреса на правното лице увозник; 6. Адреса на објектот на увозникот; 7. Датум и архивски број на решението за упис во Регистарот на увозници.; 8. Датум и број на решението за упис во Регистарот на увозници, издадено од Министерството за земјоделство, шумарство и водостопанство- Фитосанитарна управа; 9. Други потребни податоци; 10. Промени и 11. Забелешки. http://www.slvesnik.com.mk/Issues/0402B710D807EA43B54AB1FB880646B5.pdf#page=5 Член 5 Овој правилник влегува во сила наредниот ден од денот на објавувањето во "Службен весник на Република Македонија ". Бр.17-323/5 Министер за земјоделство, март 2011 година шумарство и водостопанство, Скопје Љупчо Димовски, с.р.