Regulation on the content of the contract for the sale of state-owned agricultural land

МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 20 став (2) од Законот за продажба на земјоделското земјиште во државна сопственост ("Службен весник на Република Македонија" бр.87 /13, 106/13, 137 /13, 61/15 и 97 /15), министерот за земјоделство, шумарство и водостопанство донесе ПРАВИЛНИК ЗА СОДРЖИНАТА НА ДОГОВОРОТ ЗА ПРОДАЖБА НА ЗЕМЈОДЕЛСКОТО ЗЕМЈИШТЕ ВО ДРЖАВНА СОПСТВЕНОСТ Член 1 Со овој правилник се пропишува содржината на договорот за продажба на земјоделското земјиште во државна сопственост. Член 2 Договорот за продажба на земјоделско земјиште во државна сопственост содржи: површина на земјоделското земјиште во државна сопственост што се продава; катастарски податоци содржани во имотниот лист; состојба во која се наоѓа земјиштето (под култура или не}; одредби со кои се утврдува дека земјоделското земјиште во државна сопственост кое е предмет на продажба не смее да се продава, да се разменува со друго земјоделско земјиште и не смее да се пренаменува во градежно земјиште во период од осум години од денот на склучувањето на договорот за продажба; продажна цена; начин на плаќање; услови и постапка за раскинување на договорот; услови и постапка за ништовност на договорот и други одредби согласно Законот за облигациони односи. Член 3 Овој правилник влегува во сила наредниот ден од денот на објавувањето во "Службен весник на Република Македонија". Бр. 22-9895/3 29 септември 2015 година Скопје Министер за земјоделство, шумарство и водостопанство, м-р Михаил Цветков, с.р.