Regulation on the content and the manner of keeping the register of tobacco buyers

МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 26 став 10 од Законот за тутун, производи од тутун и сродни производи (*) („Службен весник на Република Северна Македонија“ бр.98/19), министерот за земјоделство, шумарство и водостопанство донесе ПРАВИЛНИК ЗА СОДРЖИНАТА И НАЧИНОТ НА ВОДЕЊЕ НА РЕГИСТАРОТ НА ОТКУПУВАЧИ НА ТУТУН Член 1 Со овој правилник се пропишува содржината и начинот на водење на регистарот на откупувачи на тутун. Член 2 Регистарот на откупувачи на тутун ги содржи следните податоци: година на евидентирање, архивски број и датум на барањето, единствен даночен број на субјектот, седиште и адреса, општина и дејност на правниот субјект, број и датум од решението со кое е извршен упис во трговскиот регистар, број и датум на записникот за извршен увид од Државниот инспекторат за земјоделство, број и датум на решението за упис во регистарот на откупувачи, број и датум на пријавата за промена на назив, адреса, седиште или дејност, број и датум на решението за забрана за вршење на дејност (откуп или обработка на тутун, производство и промет на ферментиран тутун) и број и датум на решението за бришење од регистарот на откупувачи. Член 3 Водењето на евиденцијата во регистарот на откупувачи на тутун се врши во пишана или електронска форма. Член 4 Со денот на влегувањето во сила на овој правилник престанува да важи Правилникот за формата, содржината и начинот на водење на регистарот на откупувачи на тутун („Службен весник на Република Македонија“ бр. 16/07). Член 5 Овој правилник влегува во сила наредниот ден од денот на објавувањето во „Службен весник на Република Северна Македонија“. Бр. 29-6192/3 Министер за земјоделство, 29 јули 2019 година шумарство и водостопанство, Скопје Трајан Димковски, с.р.