Regulation on the content and manner of keeping records kept by legal entities that produce, market and store plant protection products (quantified production volume, receipt and delivery of products, including products with expired shelf life)

Врз основа на член 27 став (6) од Законот за производи за заштита на растенијата („Службен весник на Република Македонија“ бр. 110/07, 20/09, 17/11, 53/11, 69/13 и 10/15), министерот за земјоделство, шумарство и водостопанство донесе ПРАВИЛНИК ЗА СОДРЖИНАТА И НАЧИНОТ НА ВОДЕЊЕ НА ЕВИДЕНЦИЈАТА КОЈА ЈА ВОДАТ ПРАВНИТЕ ЛИЦА КОИ ПРОИЗВЕДУВААТ, ПЛАСИРААТ НА ПАЗАРОТ И СКЛАДИРААТ ПРОИЗВОДИ ЗА ЗАШТИТА НА РАСТЕНИЈАТА ЗА ПРОИЗВЕДЕНИТЕ КОЛИЧЕСТВА, ЗА ПРИЕМОТ И ИСПОРАКАТА НА ПРОИЗВОДИТЕ, ВКЛУЧУВАЈЌИ ГИ И ПРОИЗВОДИТЕ СО ПОМИНАТ РОК НА ТРАЕЊЕ Член 1 Со овој правилник се пропишува содржината и начинот на водење на евиденцијата која ја водат правните лица кои произведуваат, пласираат на пазарот и складираат производи за заштита на растенијата (во понатамошниот текст: производи) за произведените количества, за приемот и испораката на производите, вклучувајќи ги и производите со поминат рок на траење. Член 2 Евиденцијата од членот 1 на овој правилник ги содржи следните податоци: трговски назив на производот; активна супстанција која ја содржи производот; намена на производот; рок на траење на производот; вид на производи со поминат рок на траење; количество на производи со поминат рок на траење; датум на кој е извршена продажбата/производството; количество на произведени/продадени производи; име и презиме на овластеното лице кое го издало производот; име, презиме, адреса и контакт на лицето (правно и/или физичко) кое го подигнало производот (согласно документ за идентификација - лична карта или електронска картичка за евиденција на производство, продажба и употреба производи за заштита на растенијата); датум на враќање на празната амбалажа од употребените производи за заштита на растенијата/амбалажа со остатоци од производи за заштита на растенијата/производи за заштита на растенијата со поминат рок на траење; име и презиме на овластеното лице кое ја примило вратената празна амбалажа од употребените производи за заштита на растенијата/амбалажа со остатоци од производи за заштита на растенијата/производи за заштита на растенијата со поминат рок на траење; и име, презиме, адреса и контакт на лицето (правно и/или физичко) кое ја вратило празната амбалажа од употребените производи за заштита на растенијата/амбалажа со остатоци од производи за заштита на растенијата/производи за заштита на растенијата со поминат рок на траење (согласно документ за идентификација - лична карта или електронска картичка за евиденција на производство, продажба и употреба производи за заштита на растенијата). Член 3 Евиденцијата од членот 1 на овој правилник се води електронски и пишано на дневна основа и се внесуваат податоци за секој производ одделно кој се произведува, пласира на пазарот или складира. Член 4 Овој правилник влегува во сила наредниот ден од денот на објавувањето во „Службен весник на Република Македонија“. Бр.17-45/3 Министер за земјоделство, 25 март 2015 година шумарство и водостопанство, Скопје м-р Михаил Цветков, с.р.