Regulation on the content and manner of conducting trainings for self-protection in educational institutions

Врз основа на член 119 став 1 од Законот за заштита и спасување ("Службен весник на РМ" број 36/04 и 49/04), директорот на Дирекцијата за заштита и спасување и министерот за образование и наука донесуваат ПРАВИЛНИК ЗА СОДРЖИНАТА И НАЧИНОТ НА СПРОВЕДУВАЊЕ НА ОБУЧУВАЊЕТО ЗА САМОЗАШТИТА ВО ОБРАЗОВНИТЕ ИНСТИТУЦИИ Член 1 Со овој правилник се пропишува содржината и начинот на спроведување на обучува- њето за самозаштита во образовните институции. Член 2 Во наставниот процес се обработуваат наставни теми за обучување за самозаштита во услови на земјотреси, пожари и експлозии, опасни материи, епидемии и заразни болести кај животни и растенија, снежни намети, лавини и луњи, поплави, поројни дождови и лиз- гање на земјиштето атмосферски непогоди, сообраќајни несреќи, несреќи во рудници, експлозии од течен нафтен гас и природен гас. Член 3 Секоја наставна тема ги обработува следните содржини и активности: - општите поими; - причините за појава; - основните карактеристики; - последиците од нивното настанување; - мерки за заштита и спасување: превентивни и оперативни мерки (пред настанување, за време на настанувањето и после настанување на опасноста); - средства и опрема која се користи за заштита и спасување; - вежбање на постапки на превентивните и оперативните мерки за лична и колективна заштита при појава на опасностите од член 2 на овој правилник. Член 4 Во основното образование наставните теми за обучување за самозаштита се реализира: - со интегрирање во наставната Програма од наставните предмети: природа и општество, оп- штество, географија, биологија, хемија, техничко образование и здравствено и физичко образо- вание; - во слободните активности; - со планирање и одредување на ден за вежбање за заштита и спасување во годишната Програма на училиштето; - во ученичките натпревари. Член 5 Содржините и активностите на секоја наставна тема за обучување за самозаштита што се обработува во наставната Програма се определени според возраста на учениците и тоа: - во подготвително одделение; - во прво до четврто одделение; - во петто и шесто одделение; - во седмо и осмо одделение.

1 Член 6 Вкупниот број на наставни часови на кои се обработуваат содржини и активности од наставните теми за обучување за самозаштита во наставната Програма е: - oд подготвително до четврто одделение: од 8 до 12 часа; - од петто до осмо одделение: од 12 до 20 часа. Член 7 Во средното образование наставните теми за обучување за самозаштита од член 2 и со- држините и активности од член 3 се реализира во прва и втора година и тоа: - како задолжителна изборна активност со 35 часа; - со планирање и одредување на ден за вежбање за заштита и спасување во годишната Про- грама на училиштето; - во ученичките натпревари. Член 8 Наставните теми за обучување за самозаштита се обработуваат преку теоретски дел и со вежбање (вежбовни активности). Член 9 Во основното образование содржините и активностите од наставните теми за обучува- ње за самозаштита ги реализираат наставниците по соодветниот предмет каде тие ќе бидат обработувани. Во средното образование содржините и активностите од наставните теми за обучување за самозаштита ги реализираат соодветните наставници од училиштето каде тие се обра- ботуваат. Член 10 Овој правилник влегува во сила наредниот ден од денот на објавувањето во "Службен весник на Република Македонија". Министерство за Дирекција за образование и наука заштита и спасување Министер, Директор, Азис Положани, с.р. Киро Атанасов, с.р. 2