Regulation on professional competences for performers of additional activities and on appropriate technical equipment for performance of additional activities in agricultural economies

1 МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 83 став 3 од Законот за земјоделство и рурален развој („Службен весник на Република Македонија” бр. 49/10) министерот за земјоделство, шумарство и водостопанство донесе ПРАВИЛНИК ЗА СТРУЧНАТА ОСПОСОБЕНОСТ НА ВРШИТЕЛИТЕ НА ДОПОЛНИТЕЛНА ДЕЈНОСТ И СООДВЕТНАТА ТЕХНИЧКА ОПРЕМА ЗА ВРШЕЊЕ НА ДОПОЛНИТЕЛНА ДЕЈНОСТ НА СЕМЕЈНО ЗЕМЈОДЕЛСКО СТОПАНСТВО Член 1 Со овој правилник се пропишува стручната оспособеност на вршителите на дополнителна дејност и соодветната техничка опрема за вршење на дополнителна дејност на семејно земјоделско стопанство. Член 2 Вршителот на дополнителната дејност на семејно земјоделско стопанство може да врши дополнителна дејност доколку за: преработувач на месо и млеко има тригодишно или четиригодишно стручно образование или стручно оспособување за месни и млечни преработки; преработувач на жито, брашно, шеќер, леб, бели пецива и кандиторски производи има тригодишно или четиригодишно стручно образование или стручно оспособување од областа на производство на храна или угостителство; преработувач на овошје и зеленчук има тригодишно или четиригодишно стручно образование или стручно оспособување од областа на прехрамбената и угостителска насока; столар, тапетар - декоратер, резбар има тригодишно или четиригодишно стручно образование или стручно оспособување на дрвната индустрија и шумарската насока преработувач на дрво-дрво преработувачка струка; ракувач со кетеринг активности на фарма има тригодишно или четиригодишно стручно образование или стручно оспособување од областа на угостителството, туризмот или земјоделството; ракувач со рурален туризам има тригодишно или четиригодишно стручно образование или стручно оспособување од областа на угостителството, туризмот, земјоделството и руралниот развој и ракувач на услуги во шумарството и земјоделски машини и опрема има тригодишно стручно или четиригодишно образование или стручно оспособување од областа на механизацијата во земјоделството и шумарството. Член 3 Соодветна техничка опрема за вршење на дополнителна дејност е онаа опрема со која располага семејното земјоделско стопанство и кое е во рамките на максималниот обем на дополнителна дејност на семејно земјоделско стопанство утврден со актот со кој се 2 пропишуваат видовите на дејности кои можат да се вршат како дополнителни дејности на семејните земјоделски стопанства и нивниот обем. Член 4 Овој правилник влегува во сила наредниот ден од денот на објавувањето во „Службен весник на Република Македонија”. Бр. 02-5681/11 15 јули 2010 година Министер, Скопје Љупчо Димовски, с.р