Regulation on marking of eggs intended for the market and eggs intended for incubation, labelling and use of labels

Службен весник на РМ, бр. 35 од 22.3.2011 година 1 од 1 2011035839 МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 50 став (9) од Законот за квалитетот на земјоделските производи („Службен весник на Република Македонија“ бр. 140/10), министерот за земјоделство, шумарство и водостопанство, донесува П Р А В И Л Н И К ЗА НАЧИНОТ НА ОЗНАЧУВАЊЕ НА ЈАЈЦАТА НАМЕНЕТИ ЗА ПАЗАР И ЈАЈЦАТА НАМЕНЕТИ ЗА ИНКУБАЦИЈА, ОЗНАКИТЕ И УПОТРЕБАТА НА ОЗНАКИТЕ (∗) Член 1 Со овој правилник се пропишува начинот на означување на јајцата од класите А и Б наменети за пазар и јајцата наменети за инкубација, ознаките и употребата на ознаките. Член 2 (1) Јајцата од класа А кои се пласираат на пазарот се означуваат со производен код кој е составен од најмногу 13 ознаки. Производниот код треба да e лесно видлив и јасно разбирлив со висина на ознаките од најмалку 2 mm и ширина од најмалку 1 mm. (2) Првата ознака на производниот код од став (1) на овој член се однесува на начинот на одгледување, следните три ознаки се код кој ја означува земјата на потекло, а останатите девет ознаки се однесуваат на регистарските податоци за регионот во кој е лоциран објектот, бројот на операторот кој ги обележува јајцата и производствената единица од објектот. (3) Јајцата од класа А по однос на начинот на одгледување се означуваат со: ознака 1 за слободно одгледување, ознака 2 за шталско одгледување, ознака 3 за кафезно одгледување и ознака 0 за органско производство (4) Јајцата од класа А со потекло од Република Македонија се означуваат со ознака “МК”. Член 3 Јајцата од класа Б се означуваат со ознака “B” со висина од најмалку 5 mm, околу која е исцртан круг со дијаметар од најмалку 12 mm. (∗) Со овој правилник се врши усогласување со Регулативата (ЕК) бр. 589/2008 на Комисијата од 23 јуни 2008 година со која се утврдуваат детални правила за спроведување на Регулатива (ЕС) бр. 1234/2007 на Советот во однос на трговските стандарди за јајца, CELEX бр. 32008R0589 Службен весник на РМ, бр. 35 од 22.3.2011 година 2 од 2 Член 4 (1) Јајцата за инкубација наменети за производство на пилиња се означуваат со производниот код од член 2 на овој правилник на кој ознаките треба да се од јастива црна боја. (2) Јајцата за инкубација наменети за извоз покрај означувањето од став (1) на овој член можат да бидат означени и со дополнителни ознаки на барање на увозникот, доколку се обезбеди дека истите нема да бидат помешани со ознаките од став (1) на овој член. Член 5 Со денот на отпочнување на примената на овој правилник, престануваат да важат членовите 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33 и 34 од Правилникот за квалитет на јајца и производи од јајца („Службен лист на СФРЈ“ бр. 55/89). Член 6 Овој правилник влегува во сила осмиот ден од денот на објавувањето во „Службен весник на Република Македонија“, а ќе отпочне да се применува од 1 јануари 2012 година. Бр. 02-2334/1 Министер за земјоделство, 11 март 2011 година шумарство и водостопанство, Скопје Љупчо Димовски, с.р.