Regulation on form and content of the sampling request form for the purpose of obtaining a decision on placing the wine on the market

МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 32 став 5 од Законот за виното (,,Службен весник на Република Македонија" бр. 50/2010), министерот за земјоделство, шумарство и водостопанство донесе ПРАВИЛНИК ЗА ФОРМАТА И СОДРЖИНАТА НА ОБРАЗЕЦОТ НА БАРАЊЕТО ЗА ЗЕМАЊЕ НА МОСТРИ ЗАРАДИ ДОБИВАЊЕ НА РЕШЕНИЕ ЗА СТАВАЊЕ НА ВИНОТО ВО ПРОМЕТ Член 1 Со овој правилник се пропишува формата и содржината на образецот на барањето за земање на мостри заради добивање на решение за ставање на виното во промет. Член 2 (1) Барањето за земање на мостри заради добивање на решение за ставање на виното во промет се поднесува на Образец даден во Прилогот кој е составен дел на овој правилник. (2) Образецот од став 1 на овој член ги содржи следниве податоци: Назив на барателот на Решение за ставање на виното во промет (во натамошниот текст: барателот); Единствен даночен број на барателот; Тарифна ознака и опис на производот; Трговско име за ставање на виното во промет; Ознака на садот/ садовите од кој е земена мострата; Сорта/ сорти на винско грозје од кои е добиено виното за кое се бара Решение за ставање во промет; Вистинска алкохолна јачина во% вол.; Серија на производство (лот); Боја на производот; Годи на на берба; Тип и големина на пакувањето на виното за кое се бара Решение за ставање во промет; Магацин на складирање на виното и негова адреса; Вкупна количина на виното за кое се бара Решение за ставање во промет; Земја на потекло, односно земја на дестинација. Член 3 Овој правилник влегува во сила наредниот ден од денот на објавувањето во „Службен весник на Република Македонија". Бр. 08-7119-1 30 јуни 2010 година Скопје Министер, Љупчо Димовски, с.р . Прилог ДО МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО БАРАЊЕ ЗА ЗЕМАЊЕ НА МОСТРИ ЗАРАДИ ДОБИВАЊЕ НА РЕШЕНИЕ ЗА СТАВАЊЕ НА ВИНОТО ВО ПРОМЕТ 1. Назив на барателот на Решение за ставање на виното во промет 2. Единствен даночен број на барателот 3. Тарифна ознака и опис на производот 4. Трговско име за ставање на виното во промет 5. Ознака на садот/ садовите од кој е земена мострата 6. Сорта/ сорти на винско грозје од кои е добиено виното за кое се бара Решение за ставање во промет 7. Вистинска алкохолна јачина во % вол. 8. Серија на производство (лот) 9. Боја на производот 10. Година на берба 11 . Тип и големина на пакувањето на виното за кое се бара Решение за ставање во промет 12. Магацин на складирање на виното и негова адреса 13. Вкупна количина на виното за кое се бара Решение за ставање во промет 14. Земја на потекло , односно земја на дестинација Место и датум , Одговорно лице во правното лице