Regulation determining the categories of sheep and goats and the classification of carcasses of sheep and goats or lambs on the slaughter line

Службен весник на РМ, бр. 18 од 8.2.2012 година 1 од 5 20120180574 МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 103, став (4) од Законот за квалитетот на земјоделските производи („Службен весник на Република Македонија“ бр. 140/10 и 53/11), министерот за земјоделство, шумарство и водостопанство, донесе П Р А В И Л Н И К ЗА НАЧИНОТ НА ОДРЕДУВАЊЕ НА КАТЕГОРИИ ОВЦИ И КОЗИ И КЛАСИРАЊЕ НА ТРУПОВИТЕ ОД ОВЦИ И КОЗИ ОДНОСНО ЈАГНИЊА И ЈАРИЊА СО ОЦЕНУВАЊЕ НА ЛИНИЈА НА КОЛЕЊЕ (∗) Член 1 Со овој правилник се пропишува начинот на одредување на категории овци и кози и класирање на труповите од овци и кози односно јагниња и јариња со оценување на линија на колење. Член 2 (1) Класирање на труповите од овци и кози односно јагниња и јариња согласно овој правилник се врши во кланичните капацитети. (2) Заради одредување на категоријата и класирање, труповите од овци и кози односно јагниња и јариња примарно се обработуваат после искрвавувањето, вадењето на внатрешните органи-евисцерацијата и дерењето. (3) Примарно обработениот труп од овци и кози односно јагниња и јариња е труп или половинка без нозе, со или без глава, со или без органите од торакалната и стомачната празнина (срце, бели дробови, црн дроб, бубрези и стомачна марамица), без сексуалните органи и за нив врзаните мускули и без вимето и мамарната маст. Воколку трупот/половинката е без глава, главата треба да е одвоена од трупот или половинката во атлоидо-окципиталниот зглоб а нозете треба да се отстранети во карпо-метакарпалниот или тарзо-метатарзалниот зглоб. (4) Примарно обработениот труп или половинка од овци и кози или јагниња и јариња може да е со или без бубрезите, бубрежната и пелвичната маст. Член 3 (1) Одредувањето на категории и класирањето на труповите и половинките од овци и кози односно јагниња и јариња се врши со одредување на возраста, мерење на масата (за лесни јагниња) и со оценување на меснатоста (конформација на трупот) и покриеноста на трупот со лој (степен на масна обвивка). (2) Одредувањето на категориите и класирањето на труповите во соодветните класи со оценување на меснатоста (конформација) на труповите и покриеноста на трупот со лој (степен на масна обвивка) се врши врз основа на критериумите за меснатост и степен на масна обвивка на профилите на труповите наведени во Прилог 1 кој е составен дел на овој правилник. (∗) Со овој правилник се врши усогласување со Регулативата на Комисијата за утврдување на детални правила за примена на Регулатива (ЕК) бр. 1234/2007 на Комисијата во однос на пазарните стандарди за месо од говеда, свињи, овци и кози, CELEX бр. 32008R1249. Службен весник на РМ, бр. 18 од 8.2.2012 година 2 од 5 Член 4 Дополнително одредување на категориите и класирањето на труповите во соодветни класи со оценување на меснатоста (конформација) на труповите и покриеноста со лој (степен на масна обвивка) се врши врз основа на критериумите за меснатост на есенцијалните (основните делови) на трупот или половинката (задната четвртина, грбот и плешката) и степенот на масна обвивка на надворешната и внатрешната страна на трупот, наведени во Прилог 2 кој е составен дел на овој правилник. Член 5 Дополнително одредување на категориите и класите на труповите од јагниња и јариња со маса на труп помала од 13 кг според масата на трупот/половинката, бојата на месото одредена на местото rectus abdominis во согласност со стандардизиран дијаграм на бои и покриеноста на трупот со лој (степен на масна обвивка) се врши врз основа на критериумите наведени во Скалата за класификација од Прилог 3 кој е составен дел на овој правилник. Член 6 Со денот на отпочнувањето на примената на овој правилник престанува да се применува Правилникот за квалитетот на месото од добиток за колење, од живина и од дивеч („Службен лист на СФРЈ“ бр. 34/74, 26/75 и 13/78). Член 7 Овој правилник влегува во сила осмиот ден од денот на објавувањето во „Службен весник на Република Македонија“, а ќе отпочне да се применува од 1 jануари 2013 година. Бр. 08-10178/4 23 јануари 2012 година Министер, Скопје Љупчо Димовски, с.р. Службен весник на РМ, бр. 18 од 8.2.2012 година 3 од 5 Службен весник на РМ, бр. 18 од 8.2.2012 година 4 од 5 Службен весник на РМ, бр. 18 од 8.2.2012 година 5 од 5