Regulation amending the Regulation on conditions for placing on the market of certain animal species and manner of official controls when placing the animals on the market

Службен весник на РМ, бр. 138 од 17.09.2014 година 1 од 1 20141384293 АГЕНЦИЈА ЗА ХРАНА И ВЕТЕРИНАРСТВО Врз основа на член 58 став (4) од Законот за ветеринарно здравство („Службен весник на Република Македонија“ бр. 113/07, 24/11, 136/11 и 123/12) директорот на Агенцијата за храна и ветеринарство, донесе ПРАВИЛНИК ЗА ИЗМЕНУВАЊЕ И ДОПОЛНУВАЊЕ НА ПРАВИЛНИКОТ ЗА УСЛОВИТЕ ЗА СТАВАЊЕ ВО ПРОМЕТ НА ОДДЕЛНИ ВИДОВИ ЖИВОТНИ И НАЧИНОТ НА ВРШЕЊЕ НА ОФИЦИЈАЛНИ КОНТРОЛИ ПРИ СТАВАЊЕ ВО ПРОМЕТ НА ЖИВОТНИ Член1 Во Правилникот за условите за ставање во промет на одделни видови животни и начинот на вршење на официјални контроли при ставање во промет на животни („Службен Весник на Република Македонија“ бр. 77/11) во членот 3 се додава нов став (2) кој гласи: „(2) Движење на животни надвор од епизотиолошка единица заради испаша (летна зимска испаша) не се смета за ставање во промет, меѓутоа одгледувачот треба да ги движи животните од едно до друго регистрирано одгледувалиште кое е во негова сопственост.“. Член 2 Во членот 6 во ставот (10) зборовите: „Одлуката за висината на надоместокот за граничните ветеринарни контроли, за сите активности и службени контроли за производи од животинско потекло, храна и производи за исхрана на животните кои се ставаат во промет во Република Македонија и за идентификација и регистрација на животните и одгледувалиштата и издавање на сертификати за здравствена состојба на животните.“ се заменуваат со зборовите „Одлуката за висината на надоместоците за спроведување на активности од областа на здравствена заштита на животните.“ Член 3 Овој правилник влегува во сила осмиот ден од денот на објавувањето во „Службен весник на Република Македонија”. Бр. 02-4663/3 Директор на Агенција 22 јули 2014 година за храна и ветеринарство, Скопје Дејан Рунтевски, с.р.