Decree implementing measures for care of affected and endangered population

Службен весник на РМ, бр. 100 од 23.07.2010 година 20101001867 ВЛАДА НА РЕПУБЛИКА МАКЕДОНИЈА Врз основа на член 50 став 3 од Законот за заштита и спасување („Службен весник на Република Македонија“ бр. 36/04, 49/04 и 86/08), Владата на Република Македонија, на седницата одржана на 13.07.2010 година, донесе УРЕДБА ЗА СПРОВЕДУВАЊЕ НА МЕРКАТА ЗГРИЖУВАЊЕ НА НАСТРАДАНО И ЗАГРОЗЕНО НАСЕЛЕНИЕ I. ОПШТА ОДРЕДБА Член 1 Со оваа уредба се уредува спроведувањето на мерката згрижување на настраданото и загрозеното население кое се остварува во рамките на системот за заштита и спасување. Планирањето и подготвувањето на активностите за спроведување на згрижувањето на настраданото и загрозеното население се врши од страна на органите на државната управа, органите на единиците на локалната самоуправа, јавните претпријатија, установи, служби и трговски друштва (во натамошниот текст: задолжени субјекти). Член 2 Згрижувањето опфаќа прифаќање, сместување и обезбедување на основните услови за живот на настраданото и загрозеното население. Републиката и единиците на локалната самоуправа обезбедуваат сместување и итно згрижување на населението, кое поради природни непогодии други несреќи, останало без дом и средства за живеење и кое поради загрозеност се задржува надвор од своето место на живеење. II. ПЛАНИРАЊЕ И ПОДГОТВУВАЊЕ НА ЗГРИЖУВАЊЕТО НА НАСТРАДАНОТО И ЗАГРОЗЕНОТО НАСЕЛЕНИЕ Член 3 Згрижувањето на настраданото и загрозеното население опфаќа планирање и подготвување на активности за спроведување на згрижувањето на настраданото и загрозеното население. а) Планирање на активности за спроведување на згрижувањето на настраданото и загрозеното население Член 4 Планирањето на активности за спроведување на згрижувањето на настраданото и загрозеното население опфаќа проценување на можните загрозувања на животот и здравјето на населението, утврдување на потребна организација за спроведување на згрижувањето на настраданото и загрозеното население и пропишување на стандардна оперативна процедура за спроведување на згрижувањето на настраданото и загрозеното население.

Член 5 Потребната организација за спроведување на згрижувањето на настраданото и загрозеното население се утврдува во плановите за заштита и спасување. 1 од 5 Службен весник на РМ, бр. 100 од 23.07.2010 година При утврдувањето на потребната организација посебно се определуваат задачите на задолжените субјекти и задачите, големината и видот на силите за заштита и спасување кои објектите во кои ќе се врши згрижување на настраданото и загрозено население, нивниот вид, местоположба, начин на уредување и обезбедување на настраданите и загрозените со основни средства за живот. Член 6 Активностите и постапките учесниците во организираното спроведување на заштитата и спасувањето на настрадано и загрозено население ги преземаат согласно стандардите оперативни процедури донесени од страна на директорот на Дирекцијата за заштита и спасување. б) Подготвување на активности за спроведување на згрижувањето на настраданото и загрозеното население Член 7 Подготвувањето на активностите за спроведување на згрижувањето на настраданото и загрозеното население опфаќа организациски и оперативни мерки и постапки со кои се обезбедуваат потребни предуслови за спроведување на потребните планирани активности. За реализација на активностите од став 1 на овој член, задолжените субјекти кои го спроведуваат згрижувањето на настраданото и загрозеното население во рамките на развојното и оперативно планирање посебно предвидуваат: - број и вид на објекти предвидени за сместување на настраданото и загрозеното население; - можности за снабдување со храна, вода, електрична енергија, телекомуникациски врски и слично; - начин на спроведување на згрижувањето на настраданото и загрозеното население; - обезбедување на материјални ресурси за потребите на згрижувањето на настраданото и загрозеното население; - проверка и сервисирање на обезбедените материјални ресурси; - склучување на потребни договори; - пополнување на силите за заштита и спасување кои ќе учествуваат во згрижувањето и - едукација, обука и вежби со задолжените субјекти, силите за заштита и спасување и на населението.

Член 8 Од страна на задолжените субјекти во подготвувањето на активностите за спроведување на згрижување на настраданото и загрозеното население, се спроведуваат планираните активности од член 7, став 2 од оваа уредба согласно планските документи и стандардните оперативни процедури. III. СПРОВЕДУВАЊЕ НА ЗГРИЖУВАЊЕТО НА НАСТРАДАНОТО И ЗАГРОЗЕНОТО НАСЕЛЕНИЕ Член 9 Во спроведувањето на згрижувањето на настраданото и загрозеното население од страна на задолжените субјекти и силите за заштита и спасување се исполнуваат задачите и должностите кои им се утврдени во плановите за заштита и спасување. 2 од 5 Службен весник на РМ, бр. 100 од 23.07.2010 година Член 10 Спроведувањето на згрижувањето на настраданото и загрозеното население опфаќа активности во функција на превенција и оперативни функции. а) Активности во функција на превенција Член 11 Од страна на задолжените субјекти за спроведување на згрижувањето на настраданото и загрозеното население во функција на превенција се воспоставува потребната организација од членот 5 од оваа уредба. Во рамките на активностите од став 1 на овој член задолжените субјекти за заштита и спасување ги обезбедуваат потребните персонални и материјални ресурси за функционирање на воспоставената организација, спроведуваат едукација, обука и вежби со персоналот на задолжените субјекти и силите за заштита и спасување, ги одржуваат и сервисираат материјалните средства наменети за спроведување на згрижувањето на настраданото и загрозеното население, ги склучува потребните договори согласно Законот за заштита и спасување и преземаат и други активности и мерки пропишани со стандардните оперативни процедури за спроведување на згрижувањето на настраданото и загрозеното население. б) Оперативни функции Член 12 Од страна на задолжените субјекти за спроведување на згрижувањето на настраданото и загрозеното население, во рамките на оперативните функции се спроведуваат активности и мерки, во случај на непосредна опасност, за време на траење на опасноста и во отстранување на последиците.

Член 13 Во услови на природни непогоди, и други несреќи од поголеми размери во мир, вонредна и воена состојба згрижувањето на настраданото и загрозеното население се спроведува надвор од зоната на влијание и тоа се додека трае опасноста, а по отстранување на последиците и обезбедување на услови на живот, населението се враќа во своите домови. б-1) Активности и мерки во случај на непосредна опасност Член 14 Кога надлежен орган ќе утврди и извести за постоење на можност за настанување на непосредна опасност, надлежните и одговорните лица во задолжените субјекти ја зголемуваат готовноста за спроведување на згрижувањето на настраданото и загрозеното население. Во рамките на активностите од став 1 на овој член Дирекцијата за заштита и спасување ги активира надлежните и одговорни лица за спроведување на згрижувањето на настраданото и загрозеното население и ги задолжува да преземат организациски, стручни, безбедносни и други мерки заради зголемување на подготвеноста за извршување на задачите во спроведувањето на згрижувањето на настраданото и загрозеното население. 3 од 5 Службен весник на РМ, бр. 100 од 23.07.2010 година б-2) Активности и мерки за време на траење на опасноста Член 15 За време на траење на опасноста од страна на задолжените субјекти за спроведување на згрижувањето на настраданото и загрозеното население се спроведуваат следните активности и мерки: - ги насочуваат и координираат самозаштитните активности; - учествуваат во спроведувањето на згрижувањето на настраданото и загрозеното население со силите за заштита и спасување и - раководат и ги координираат активностите во спроведување на згрижувањето на настраданото и загрозеното население. Член 16 За време на траењето на опасноста задолжените субјекти од член 1 став 2 од оваа уредба, продолжуваат да ги спроведуваат активностите кои им се определени или кои дополнително ќе произлезат за заштита на настраданото и загрозеното население. б-3) Активности и мерки по завршување на опасностите и отстранување на последиците

Член 17 По завршувањето на опасностите и отстранување на последиците предизвикани од природни непогоди, и други несреќи од поголеми размери во мир, вонредна и воена состојба, задолжените субјекти преземаат активности и мерки за организирано напуштање на објектите во кои било згрижено настраданото и загрозеното население и нивно враќање во постојаното место на живеење, согласно утврдената стандардна оперативна процедура за спроведување на згрижувањето на настраданото и загрозеното население. Член 18 Раководниот персонал во задолжените субјекти и командниот персонал на силите за заштита и спасување врз основа на водената евиденција за спроведување на активностите за згрижување на настраданото и загрозено население, најдоцна четири часа по завршувањето на активностите, го анализираат своето учество во спроведувањето на згрижувањето на настраданото и загрозено население. Извештајот за извршената анализа и евиденцијата за употребата на службите и силите за заштита и спасување во случај на непосредна опасност, за време на траење на опасноста и во отстранување на последиците од страна на раководниот персонал во задолжените субјекти се доставува до Дирекцијата за заштита и спасување најдоцна два дена по завршувањето на активностите. IV. ПРЕОДНА И ЗАВРШНА ОДРЕДБА Член 19 Со денот на влегувањето во сила на оваа уредба престанува да важи Уредбата за спроведување на згрижувањето на настраданото и загрозеното население („Службен весник на Република Македонија“ бр. 109/05). 4 од 5 Службен весник на РМ, бр. 100 од 23.07.2010 година Член 20 Оваа уредба влегува во сила наредниот ден од денот на објавувањето во „Службен весник на Република Македонија“. Бр.51-3020/1 Заменик на претседателот 13 јули 2010 година на Владата на Република Скопје Македонија, м-р Владимир Пешевски, с.р. 5 од 5