Regulation No. 9 on the procedure for establishing zoning
颁布于 2025-02-03 · 文本截至 2026-10-01
以研究形式发布的公开法律与官方指引，不构成法律、税务或金融建议。
研究内容本身以英文撰写。标题和标签已翻译，调查结果和引文未翻译。
关于这部法律
- 原标题
- Zonenut immikkoortiterinerit aalajangersarneqarnissaannut ingerlatseriaaseq pillugu Namminersorlutik Oqartussat nalunaarutaat.
- 语言
- Greenlandic
- 类型
- 条例
- 国家
- 格陵兰
- 主题
- Environment, Land and soil, Wild species and ecosystems, General
- 关键词
- business/industry/corporations, protection of environment, land-use planning, zoning, enforcement/compliance, procedural matters, public participation, use restrictions, tourism
- 类别
- *
在哪里阅读
文本
所收录的法律原文，按条款排列。每个条款都有自己的链接。
§ 1. Takornariartitsinermik ingerlataqarneq aamma inuussutissarsiutigalugu ingerlatsinermi zonenut immikkoortiterinefq il.il. pillugit Inatsisartut inatsisaat malillugu zonenut immikkoortiterinerit aalajangersarneqarnissaannut ingerlatseriaaseq nalunaarutip malittarisassiuuppaa. Nassuiaatit
§ 2. “Zonenut immikkoortiterineq” nunami sumiiffittut paasineqassaaq, Takornariartitsinermik ingerlataqarneq aamma inuussutissarsiutigalugu ingerlatsinermi zonenut immikkoortiterineq il.il. pillugit Inatsisartut inatsisanni, §15 naapertorlugu, inuussutissarsiutigalugu ingerlatsinerup inerteqqutigineqarnera imaluunniit killilersorneqarnera Naalakkersuisunut nalunaarut manna malillugu aalajangersassavaat. Akisussaaffik aamma piginnaasaqarnerup agguarneqarnera
§ 3. Nalunaarummik atulersitsinikkut sumiiffiit zonenut immikkoortiterinermi ilaatinneqartut Naalakkersuisut aalajangersassavaat. Imm. 2. Ingerlatseriaaseq nalunaarummi matumani takuneqarsinnaasoq tunngavigalugu, zonenut immikkoortiterineq Naalakkersuisut aalajangersassavaat. Imm. 3. Tamarmik immikkut kommuniminni nunap ilaasa iluanni zonenut immikkoortiterinerup pilersinneqarnissaa pillugu kommunit Naalakkersuisut noqqaavigisinnaavaat. Zonenut immikkoortiterineq pillugu aalajangersaanermut ingerlatseriaaseq
§ 4. Sumiiffinni immikkut ittuni Naalakkersuisut imaluunniit kommunit malittarisassiortoqarnissaanik pisariaqartitsisoqartoq nalilerpassuk, zonenut immikkoortiterineq pillugu aalajangersaanermut ingerlatseriaaseq aallartinneqassaaq. Imm. 2. Sumiiffimmi zonenut immikkoortiterinerup Naalakkersuisunit aalajangersaavigineqarnissaa sioqqullugu, sumiiffimmi zonenut immikkoortiterinissamik pisariaqartitsinerup qulaajaaffigineqarnissaa siunertaralugu, matumani taamaattoqassappat killilersuinerit suut sumiiffimmut pineqartumut naleqquttuunersut ilanngullugu, kommunit attuumassuteqartut tusarniaavigineqassapput. Imm. 3. Sumiiffiup zonenut immikkoortiterivigineqarnissaa kommunip suliniutigalugu aallartippagu, kommunip taassuma imaluunniit kommuniit attuumassuteqartut, allakkatigut Naalakkersuisunut siunnersuut nassiutissavaat, taannalu sumiiffimmut pineqartumut naleqqanik, sumiiffiup taaguutaanik, kiisalu malittarisassatut siunnersuutigineqartut imaasa allaaserineqarnerannik imaqassaaq, matumani killilersuinerit suut aalajangersarneqartussatut siunnersuutigineqartut ilanngullugit Imm. 4. Zonenut immikkoortiterinissamik siunnersuut, sumiiffimmi zonenut immikkoortiterinissamik pisariaqartitsineq pillugu nassuiaammik naatsumik imaqassaaq, matumani mianerisassat pingaaruteqarnerpaat, soorlu avatangiisit, pinngortitaq, uumasut, nunalerineq, suliniutit ingerlanneqareersut, kulturikkut eriagisassat aamma isumannaatsuunissaq ilanngullugit. Imm. 5. Inaarutaasumik zonenut immikkoortiterinermi sumiiffimmi pineqartumi malittarisassat atuuttut isiginiarneqassapput. Tamanut ammasumik tusarniaaneq
§ 5. Zonenut immikkoortiterinissaq pillugu siunnersuut tamanut saqqummiunneqassaaq aamma tusarniaanermut piffissaliussaq minnerpaamik sapaatit akunnerinik 4-nik sivisussusilerlugu akuusunut attuumassuteqartunut aamma soqutiginnittunut attuumassutilinnut tusarniutigalugu nassiunneqassaaq. Akuersissuteqarnissamut ingerlatseriaaseq
§ 6. § 5 malillugu tusarniaanermut piffissaliussap naanerata kingorna, zonenut immikkoortiterinissaq pillugu aalajangersaaneq pillugu Naalakkersuisut aalajangiissapput. Naammagittaalliorsinnaaneq
§ 7. Kialluunniit, inuttut ataasiakkaatut aamma inatsisitigut pingaarutilimmik soqutiginnittup zonenut immikkoortiterineq pillugu aalajangiineq naammagittaalliutigisinnaavaa. Zonenut immikkoortiterinerup tamanut saqqummiunneqarnerata kingorna kingusinnerpaamik sapaatit akunneri 4 qaangiunneranni naammagittaalliut Naalakkersuisunut tunniunneqassaaq. Atuutilersitsineq
§ 8. Nalunaarut manna ulloq 4. februar 2025 atuutilissaaq. Kalaallit Nunaanni Namminersorlutik Oqartussat, ulloq 3. februar 2025 Naaja H. Nathanielsen (atsior.) Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq / Jørgen T. Hammeken-Holm (atsior.) Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut