Regulation No. 68 on winter driving in the drinking water protection zone and the unesco world heritage area, including the associated buffer zones at Ilulissat

Allaf�ssornikkut najoqqutassiat Nr. 68 7. decembari 2024 Atuuttut Ilulissani ukiuunerani imeqar�up killeqar�ani, UNESCO-p nunarsuarmiunut kingornussarititaani aamma UNESCO-qar�up killeqar�ani tassunga atasumi qamutit assakaasullit atorlugit angallanneq pillugu nalunaarut Avatangiisinik innarlitsaaliuineq pillugu inatsisartut inatsisaanni nr. 9-mi, 22. novembari 2011-meersumi, kingusinnerusukkut Inatsisartut inatsisaatigut nr. 16-ikkut, 1. decembari 2021-meersukkut allannguuteqartinneqartumi § 10, imm. 1, nr. 6, 20 aamma 27, § 11, § 28, imm. 3, § 34, nr. 1 aamma 2, § 56, imm. 1, aamma § 66, imm. 3, aammalu pinngortitamik illersuineq pillugu Inatsisartut inatsisaanni nr. 29-mi, 18. decembari 2003-mi § 39, imm. 5, § 46, imm. 1 aamma 2 aamma § 60, imm. 2 naapertorlugit aalajangersarneqarput: Atuuf�a § 1. Nalunaarut manna Ilulissani imeqar�up killeqar�ani aammalu UNESCO-p nunarsuarmiunut kingornussarititaata ilaanni killeqar�nnilu tassungalu atasuni, ilanngussaq 1-imi takuneqarsinnaasumi, ukiukkut ingerlaarnermut atuutsinneqarpoq. Qamuteralaat illiniliuutillu atorlugit angallanneq § 2. Kommunalbestyrelsip tamanut nalunaaruteqarnerani angallavittut illiniliat 4 meterinik silissusillit, ilanngussaq 1-imi takuneqarsinnaasut iluanni qamuteralaat illiniliuutillu atorlugit angalasoqarsinnaavoq. Imm. 2. Imm. 1 naapertorlugu nalunaaruteqartoqassappat, piumasaqaatit uku naammassineqarsimassapput: 1) Nunap qaava qerisimasoq, apummik qallerneqarsimasoq, aammalu naasunik nunallu qaavanik akornusiisoqarsinnaajunnaarlugu angalasoqarsinnaasoq kommunalbestyrelsimit uppernarsarneqarpat. 2) Kommunalbestyrelsip illernit angallavissat piareersarsimappagit, aammalu ersarissumik nalunaaqutsersorsimappagit. 3) Angallannermi kuuit, imeqar�nnik pilersuisuusut ikaarlugit angallattoqalinnginnerani qerisimasut kommunalbestyrelsimit uppernarsarneqarpat. Imm. 2. Angallannermut illiniliamut tungujortoq qaamasumut, Ilulissat kangiani qaqqap innartaata ataa sinerlugu illiniliaasumut, taarsiullugu angallannermut illiniliap tunguusap, Ilulissat kujammut kangiani qoorukkoortup sapinngisamik atorneqarnissaa qulakkeerniarlugu kommunalbestyrelsi naammaginartumik iliuuseqassaaq. § 3. Angallannermut illinniliat pisareersarneqarnerini nalunaaqutsersorneqarnerinilu suliassat, illiniliornermi pisariaqartinneqartuniittut kisimik suliarineqassapput. Imm. 2. Ajutoornissaq pinaveersaartinniarlugu kommunalbestyrelsi angallannermut illiniliani illiniliuutit atorlugit ingerlaavartumik manissaasassaaq. § 4. Angallannermut illiniliani ilanngussami takuneqarsinnaasuni angallannerit taamaallaat akuerineqarsinnaapput, piumasaqaatit uku malinneqarpata: 1) Qamutit assakaasullit nakkutigineqaratik qimanneqassanngillat. 2) Angallannermi naasut ajoquserneqarsinnaassanngillat, tassungalu ilanngullugu sakkortuumik sangunerit, sukkassarnerit uneriataarnerillu pinaveersaarneqassapput. 3) Uuliamik tunisassiat akuutissallu allat mingutsitsinissamut ulorianaatillit uninngatinneqassanngillat. 4) Eqqakkanik qanorluunniit ittunik qimatsisoqassanngilaq. 5) Akuutissanik avatangiisinut ajoqusiisinnaasunik assartuussisoqassanngilaq, tassanili ikummatissanik angalanermut atugassanik assartuussinerit pineqanngillat. 6) Qamuteralaat illiniliuutillu mingutsitsisinnaanerup sapinngisamik killilerlugit ilusiligaassapput aserfallatsaalineqassallutillu. 7) Hydraulikuuliamik pinngortitami arrorsinnaasumik atuisoqassaaq. § 5. Kommunalbestyrelsi angallattoqarsinnaanersoq pillugu tamanut paasissutissiinissamut pisussaapput. Imm. 2. Kommunalbestyrelsi angallannermut, nalunaarummi matumani pineqartumut sukumiisunik piumasaqaateqarsinnaapput, taassumalu ataani angallanneq assartuussinermi siunertanut aalajangersimasunut killilersinnaallugu. Imm. 3. Kommunalbestyrelsi tamanut naammaginartunik ilitsersuissaaq, tassungalu angallannermut illiniliat atorneqarnissaat, mingutsitsinernik nalunaaruteqartarnissaq aammalu mingutsitsisoqartillugu isumaginninnissamut kommunalbestyrelsip upalungaarsimanera pillugit paasissutissiinissat ilaatinneqarput. Nakkutilliineq misissugassanillu tigusisarneq § 6. Kommunalbestyrelsi angallannernik, nalunaarummi matumani pineqartunik nakkutilliissaaq. § 7. Naalakkersuisut kommunalbestyrelsip pisinnaatitaaf�isa suliassaasalu nalunaarut manna naapertorlugu isumagineqarnerinik, aammalu § 8 naapertorlugu imermik misissugassamik tigusarnerit ingerlanneqarnerinik nakkutilliissapput. Imm. 2. Naalakkersuisut kommunalbestyrelsip pisinnaatitaaf�inut suliassaanullu sukumiinerusumik piumasaqaateqarsinnaapput, taakkununngalu piumasaqaatit ukununnga tunngasut ilaapput: 1) Angallannermut illinilianik piareersaaneq nalunaaqutsersuinerlu. 2) Inunnut tamanut ilitsersuineq. 3) Upalungaarsimanermi pilersaarutit aamma mingutsitsinermik akiuiniarluni atortut. 4) Kommunalbestyrelsi nakkutilliinerata annertussusia ingerlanneqarneralu. § 8. Naalakkersuisut imermik akuiarneqanngitsumik imerneqarsinnaasumillu misissugassanik saniatigut tigusisarnissamut piumasaqaateqassapput. Imermi misissugassat tunngavissallu misissoqqissaagassat amerlassusissaat sukumiisut kommunalbestyrelsimut, Nakorsaaneqar�mmut, Kalaallit Nunaanni Nersutit Nakorsaqarnermut Inuussutissanullu Oqartussaasut, kiisalu Nukissior�it siumoortumik tusarniaaf�gereernerisigut aalajangersarneqassapput. Imm. 2. Misissugassanik tigusisarneq imermut imerneqarsinnaasumut Namminersorlutik Oqartussat nalunaarutaanni misissugassanik tigisisarnermut piumasaqaatit naapertorlugit Nukissior�nnit isumagineqassaaq. Imm. 3. Kommunalbestyrelsip Nukissior�it misissugassanik tigusisarnermut aningaasartuutaat matussusissavai. Upalungaarsimaneq mingutsitsinernillu akiuisarneq § 9. Kommunalbestyrelsi mingutsitsisoqartillugu isumaginninnissamut upalungaarsimanermut pilersaarusiussaaq. Imm. 2. Upalungaarsimanermut pilersaarummi mingutsitsisoqartillugu imaluunniit mingutsitsisoqarnissaanut ulorianartorsiortoqartillugu pilertortumik pitsaasumillu suliniuteqarsinnaaneq qulakkeerneqassaaq. § 10. Suliat nalunaarummut matumunnga tunngassuteqartut mingutsitsinermik kinguneqarpata, tassungalu ilanngullugu uuliamik akuutissanilluunniit imerpalasunik navianaatilinnik allanik mingutsitsisoqarpat, kommunalbestyrelsi pisussaavoq erngerluni mingutsitsinerup pisup salinnissaa qulakkiissallugu. § 11. Mingutsitsisoqartillugu kommunalbestyrelsip piaarnerpaamik Naalakkersuisoqar�k avatangiisinut akisussaasuusoq nalunaar�gissavaa. Aamma imeqar�up killeqar�ata iluani mingutsitsisoqarpat kommunalbestyrelsi piaarnerpaamik Nukissior�nnut nalunaaruteqassaaq. Pineqaatissiisarnermut aalajangersakkat § 12. Akiliisitsinermik pineqaatissinneqarsinnaavoq Ilulissani imeqar�up killeqar�ani imaluunniit UNESCO-p nunarsuarmiunut kingornussatititaani killeqar�nnilu tassunga atasuni: 1) § 4, nr. 1 unioqqutillugu qamutinik assakaasulinnik nakkutigineqanngitsunik qimatsisoq. 2) § 4, nr. 2 unioqqutillugu angallannermi naasut ajoquserlugit ingerlaartoq, tassungalu ilanngullugu sakkortuumik sangulluni, sukkassarluni uneriataarluniluunniit. 3) § 4, nr. 3 unioqqutillugu uuliamik tunisassianik akuutissanilluunniit allanik mingutsitsinissamut ulorianaatilinnik uninngatitsisoq . 4) § 4, nr. 4 unioqqutillugu igitassaminik qimatsiinnartoq. 5) § 4, nr. 5 unioqqutillugu akuutissanik avatangiisinut ajoqusiisinnaasunik assartuussisoq. 6) Qamuteralannik illiniliuutinilluunniit, mingutsitsisinnaanerup sapinngisamik killilerlugit ilusiligaanngitsunik imaluunniit aserfallatsaalineqarsimanngitsunik ingerlaartoq, takuuk § 4, nr. 6. 7) Hydraulikuuliamik, § 4, nr. 7-imi piumasaqaatinik naammassinninngitsunik, atuisoq. 8) Pif�ssat kommunalbestyrelsip § 2, imm. 1 naapertorlugu tamatumunnga akuerisimasaasa avataanni ingerlaartoq imaluunniit piumasaqaatit erseqqinnerusut, kommunalbestyrelsip § 5, imm. 2 naapertorlugu piumasaqaatai unioqqutillugit ingerlaartoq. Atuuttussanngortitsinermut aalajangersakkat § 13. Nalunaarut manna 01. Januar 2025-mi atuutilerpoq. Namminersorlutik Oqartussat, ulloq 03.december 2024 Kalistat Lund (atsior.) Nunalerinermut, Imminut Pilersornermut, Nukissiutinut Avatangiisinullu Naalakkersuisoq / Natuk Lund Meire Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut