Regulation No. 21 on the capture and protection of polar bears

Allaf�ssornikkut najoqqutassiat Nr. 21 22. septembari 2005 Atorunnaartut Nannunik illersuineq piniarnerlu pillugit Namminersornerullutik Oqartussat nalunaarutaat Piniarneq aallaaniarnerlu pillugit inatsisartut inatsisaanni nr. 12-imi, 29. oktober 1999-imeersumi § 2, imm. 4, § 8, §§ 11-13, § 15, imm. 4 aamma § 17 kiisalu Pinngortitamik illersuineq pillugu Inatsisartut inatsisaanni nr. 29-mi, 18. december 2003-meersumi § 5, § 35, § 36, imm. 2, § 60, imm. 2 aamma § 61 malillugit aalajangersarneqarpoq: Atuuf�i § 1. Nalunaarummi matumani nunami aalisarnikkullu imartami Kalaallit Nunaata oqartussaaf�gisaanni nannup (Ursus maritimus) illersugaanera piniagaaneralu pineqarpoq. Imm. 2. Avannaarsuani Tunumilu Nunamut Allanngutsaaliukkamut kiisalu Qimusseriarsuarmi Uumasunik eqqissisimatitsivimmut appakaassinnaanermut, tassunga ilanngullugu sumiif�nni pineqartuni piniarsinnaatitaasut piniarnerannut, immikkut aalajangersakkat atuupput. Aalajangersakkat sumiif�it taakku marluk pillugit immikkut nalunaarutini aalajangersarneqarput. Eqqissisimatitsineq § 2. Nannut nunami aalisarnikkullu imartami Kalaallit Nunaata oqartussaaf�gisaani eqqissisimatitaapput, taamaattorli § 3 takuuk. Imm. 2. Nanuaqqat arnavissallu ataatsimik amerlanerusunilluunniit piaqqisartut nunami aalisarnikkullu imartami Kalaallit Nunaata oqartussaaf�gisaani eqqissisimatitaalluinnarput. Imm. 3. Imm. 2 naapertorlugu "nanuaqqat" tassaapput nanuaqqat utoqqaassusiat apeqqutaatinnagu arnaminnik pinngitsuuisinnaanngitsut. Imm. 4. Nannut apissiminniittut akornusersornissaat, tassunga ilanngullugu apissiinik assaanissaq, inerteqqutaavoq. Pisassiissutinik pif�ssanillu piniar�usinnaasunik aalajangersaaneq § 3. Naalakkersuisut nannunik ukiumut pisassiissutinik aalajangersaasassapput. Pisassiissutit aalajangersarneqassapput nunat tamalaat isumaqatigiissutaat, uumassusilinnik misissuisut siunnersuinerat, atuisut ilisimasaat kiisalu Piniarneq Pillugu Siunnersuisoqatigiinnik tusarniaasimaneq eqqaamaniarlugit. Imm. 2. Imm. 1 naapertorlugu pisassiissutit ilaat akiliisitsilluni piniartitsinermut atorneqassasut Naalakkersuisut aalajangersarsinnaavaat. Akiliisitsilluni nannunniartitsinermut immikkut aalajangersakkat akiliisitsilluni piniartitsineq pillugu nalunaarummi aalajangersarneqassapput. Imm. 3. Pinngortitaassutsimut tunngasut pissutigalugit angutiviaannarnut arnaviaannarnulluunniit utoqqaassutsinullu aalajangersimasunut pisassiissutit killilerneqarsinnaapput, pisassiissutillu pisassiissutinut ikinnerusunut sumiif�nni killilinni pisarineqarsinnaasunut agguataarneqarsinnaallutik. Imm. 4. Nannut pisassiissutigineqartut taamaallaat pif�ssami septembarip ulluisa aallaqqaataannit juunip ulluisa 30-annut, ullut taaneqartut ilanngullugit, piniarneqarsinnaapput. Tamatumanili pineqanngillat Ittoqqortoormiit Ammassaliullu Kommunii, taakkunani nannut pisassiissutigineqartut taamaallaat pif�ssami oktobarip ulluisa aallaqqaataannit juulip ulluisa 31-annut, ullut pineqartut ilanngullugit, piniarneqarsinnaapput. Imm. 5. Ukiumut pisassiissutit tamatumunngalu atatillugu atugassarititaasut tusagassior�nnut nalunaarutikkut Namminersornerullutik Oqartussallu internettimi nittartagaatigut tamanut nalunaarutigineqassapput. Imm. 6. Ukioq pisassiiviusoq tassaavoq januaarip ulluisa aallaqqaataanit decembarip ulluisa 31-annut, ullut pineqartut ilanngullugit. Pisassiissutinik agguaassineq § 4. Piniarneq pillugu Siunnersuisoqatigiit pisassiissuteqarluni nannunniarnermut killiliussat pillugit tusarniaavigineqassapput. Pisassiissutit kommuninut pisassiissutinut agguataarneqarnerat Kalaallit Nunaanni Aalisartut Piniartullu Kattuf�ata (KNAPK) aamma Kalaallit Nunaanni Kommuneqar�it Kattuf�ata (KANUKOKA) tusarniaavigineqareernerisigut Aalisarnermut Piniarnermullu Naalakkersuisumit aalajangerneqassaaq. Imm. 2. Aalisarnermut Piniarnermullu Naalakkersuisup kommuninut pisassiissutinut atatillugu pisariaqartumik allaf�ssornikkut aqutsineq kommuninut isumagisassanngortissinnaavaa. Imm. 3. Paasineqarpat kommunimi pineqartumi unioqqutitsilluni nannuttoqarsimasoq ukiumi pineqartumi ukiumiluunniit pisassiivimmi tullermi kommunimut pisassiissutit Aalisarnermut Piniarnermullu Naalakkersuisup ikilisinnaavai. Akuersissutinik tunniussineq agguaassinerlu § 5. Inuit § 6 naapertorlugu akuersissummik tunineqarsimasut kisimik nannussinnaatitaapput. Imm. 2. Taamaattoq inuit imm. 1 naapertorlugu akuersissummik pillit nannussinnaatitaanngillat inunnit atuuttumik inuussutissarsiutigalugu piniarsinnaanermut allagartaqanngitsunit assartorneqarunik akissarsiaqarlutilluunniit ingiallortaagunik. § 6. § 4 naapertorlugu kommunimut pisassiissutit eqqarsaatigalugit akuersissutinik normulersukkanik qinnuteqaateqartunut atuuttumik inuussutissarsiutigalugu piniarnermut allagartalinnut kommunimilu tassani najugaqartutut inuit nalunaarsorsimaf�anni nalunaarsorsimasunut kommunalbestyrelse agguaassissaaq. Qinnuteqaateqartut akuersissutinik agguaassinermi peqataasinnaassagunik qinnuteqaateqarnerminni atuuttumik inuussutissarsiutigalugu piniarsinnaanermut allagartaqassapput. Imm. 2. Kommunimut nannunniarsinnaanermut akuersissutit tunniunneqartut nannunniarsinnaanermut qinnuteqaatinit ikinneruppata, imm. 1 takuuk, kommunalbestyrelsip aalajangissavaa akuersissutit qanoq agguataarneqassanersut. Imm. 3. Kommunalbestyrelsip akuersissummik tunniussinermut atatillugu immersuivissaq nalunaarummut ilanngunneqartoq tunniuttassavaa. Imm. 4. Kommunalbestyrelse pisassiissutigineqartunik isumannaatsumik nakkutilliisitsissaaq. Pisassiissutigineqartunik atuineq malittareqqissaarneqassaaq piniarnerlu ingerlaannartumik unitsinneqassalluni kommunimut pisassiissutigineqartut tamakkerneqarniariarpata. Imm. 5. Kommunalbestyrelsip kommunimut pisassiissutigineqartut tamakkerneqarpata Aalisarnermut Piniarnermullu Pisortaqar�k allakkatigut saaf�gissavaa. § 7. Akuersissutinik agguaassinermut oqartussaasup aalajangissavaa akuersissutit tunniunneqartut qaqugu aaneqareersimassasut. Akuersissummik pisimagaluartut atorsinnaanaguli imaluunniit atuiumanngitsut, piaarnerpaamik akuersissut atorneqanngitsoq akuersissutinik agguaassinermi oqartussaasumut utertissavaat. Imm.2. Akuersissutit aaneqanngitsoortut agguaateqqinneqarsinnaapput. § 6, imm. 2 naapertorlugu agguaasseqqittoqassaaq. Qaqugu agguaasseqqittoqassanersoq piniar�ssaq aallartitsinnagu kommunalbestyrelsip nalunaarutigissava. § 8. Akuersissut inummut namminermuinnaq atuuppoq allanullu tunniunneqassanani tunineqassananilu. Imm. 2. Akuersissut ataaseq ukiumi pisassiivimmi akuersissummik tunniussiviusumi nannumik ataaseraarsinnaatitsivoq. Pif�ssaq piniar�usinnaasoq akuersissummi takuneqarsinnaavoq. Piniariaatsit § 9. Timmisartut, helikopterit qamutillu motoorillit, snescooterit ilanngullugit, kiisalu angallatit 20 BRT/15 BT sinnerlugu angitigisut nannunniarnermi imaluunniit piniar�ssamut piniar�ssamiillu angallatigineqassanngillat. Imm. 2. Toqunartut, nammineq seqqortussiat, kiisartut, nigarsiniutit nannumilluunniit unin-ngatitsiniutitut teknikikkut atortut allat atoqqusaanngillat. Imm. 3. Nannunniarnermi taamaallaat qoorortuut minnerpaamik 30.06-imik (7,62 mm) sulloqqortussusillit atorneqaqqusaapput. Qoorortuut eqqarasuartartut nutsuinnartakkalluunniit nannunniarnermi atoqqusaanngillat. Imm. 4. Nannup pisarineqartup neqaa, amia atorneqarsinnaasortaalu allat tamarmik piniar�mmiit angerlaanneqassapput qimatulineqarlutilluunniit. Piniar�k qimatsinnagu sinnikut peerneqarnissaat sapinngisamik isumaginiarneqassaaq. Pisanik atuineq, tunisineq tuniniaanerlu § 10. Nannuttat tuniniaqqusaanngillat akuersissut naqissuserlugu kommunip allaf�a nunaqar�mmiluunniit immikkoortortaq pisamik nalunaarsuereertinnagu, taamaattorli imm. 3 takuuk. Imm. 2. Pisanik taakkualuunniit ilaannik tunisisoqassanngilaq pisisoqaraniluunniit akuersissummik piginnittoq akuersissutip assilineranut atsiorsimatinnagu. Akuersissutip assilinerani pisaq kommunimi oqartussanit nalunaarsorneqarsimasoq takuneqarsinnaassaaq. Imm. 3. Taamaattoq kommunip allaf�ata nunaqar�mmiluunniit immikkoortortap ammanerisa avataatigut tuniniaaneq aallartinneqarsinnaavoq allaf�k ammarniariartoq nalunaarsuisoqarsinnaappat. Imm. 4. Nannup ilaanik tuniseqqiinermi tunisinermiluunniit tunisinermut atatillugu akuersissutip assilinera atsiorneqarsimasoq naqissuserneqarsimasorlu ilaatinneqartassaaq. Imm. 5. Unioqqutitsilluni nannutaasimasup neqaa, amia pisataalu allat tunissutitut tigoqqusaanatillu pisiareqqusaanngillat. Pisanik nalunaaruteqarneq nakkutilliinerlu § 11. Nannuttat tamarmik immersuivissaq nalunaarummut ilanngussaq atorlugu tikinnermi najukkami kommunimut nalunaarutigineqartassapput. Taamatuttaaq pissatat tamarmik nalunaarutigineqassapput. Pisaq nalunaaqutaqarsimappat radiukkulluunniit aallakaatitsissuteqarluni, taakku immersukkamut ilanngullugit tunniunneqassapput. Immersuivissaq immersugaq § 10 naapertorlugu akuersissutip naqissuserneqarneranut peqatigitillugu tunniunneqassaaq. Imm. 2. § 10 naapertorlugu nannup ilaanik tunisisoqassanngippat pisaq immersuivissaq atorlugu piaartumik najukkami kommunimut nalunaarutigineqassaaq. Imm. 3. Nannuttat tamarmik taamatuttaaq PINIARNEQ-mut nalunaarutigineqassapput ukiumoortumik immersuif�ssaq atorlugu. Imm. 4. Piniaqatigiittoqarsimatillugu pisaq nalunaaruteqartussaatitamit toqqakkamit ataasiinnarmit, assersuutigalugu akuersissummik piginnittumit, nalunaarutigineqassaaq, piniaqataasimasut tamarmik aqqi inuttullu normui nalunaarlugit. Immersuivissakkut nalunaaruteqartussaatitap kisimi pisaq PINIARNEQ-mut nalunaarutigissavaa. Imm. 5. Kommunalbestyrelsip qaammatit naaneri tamaasa immersukkat tigusimasani Aalisarnermut Piniarnermullu Pisortaqar�mmut nassiuttassavai. § 12. Pinerluttulerinermi inatsimmi tamanna pillugu malittarisassat naapertorlugit imminut illersortariaqarluni iliortoqartariaqarluniluunniit nannuttoqarpat nannutaq tamarmi Namminersornerullutik Oqartussanut pigisassanngortinneqassaaq. Imm. 2. Pigisat illersorniarlugit imminulluunniit illersorniarluni nannuttup tamanna ingerlaannaq Aalisarnermut Piniarnermullu Pisortaqar�mmut nalunaarutigissavaa. Kommunimi ileqqoreqqusat § 13. Kommunalbestyrelse kommunalbestyrelsilluunniit arlallit peqatigiillutik kommunip ileqqoreqqusaatigut nalunaarummi §§ 6-7 aamma §§ 9-10-mi aalajangersakkanit sakkortunerusunik aalajangersaasinnaapput kiisalu kommunip iluani sumiif�nni aalajangersimasuni piniarnerup qanoq ingerlanneqarnissaanut najoqqutassiorsinnaallutik. Kommunit ileqqoreqqusaat Aalisarnermut Piniarnermullu Naalakkersuisumit atuutilersinneqartassapput. Nalunaaqutsiineq annissinerlu § 14. Nannunik nikinnaveersitsineq nalunaaqutsiinerlu aatsaat pisinnaapput Aalisarnermut Piniarnermullu Naalakkersuisup akuersissuteqarneratigut. Imm. 2. Nannut, nanuaqqat ilanngullugit, Naalakkersuisut akuersissuteqarsimatinnagit uumasuutigeqquneqanngillat. Imm. 3. Nanuaqqat Kalaallit Nunaanniit anniseqqusaanngillat. Nannut inersimasut Kalaallit Nunaanniit anniseqqusaanngillat Naalakkersuisut akuersissuteqarsimatinnagit. Imm. 4. Nannup sungaata puua taassumaluunniit ilaa nunanut allanut anniseqqusaanngilaq. Immikkut akuersissuteqarneq piniarnermullu piumasaqaatit sukumiinerusut § 15. Aalisarnermut Piniarnermullu Naalakkersuisoq ilisimatusarnermut imaluunniit Kalaallit Nunaata piniagassatigut pisuussutaasa nalunaarsorneqarnerannut atatillugu nalunaarummi malittarisassat atortinneqannginnissaannik immikkut akuersissuteqarsinnaavoq. § 16. Aalisarnermut Piniarnermullu Naalakkersuisoq nannunniarsinnaanermut atatillugu piumasaqaatinik aalajangersaasinnaavoq, tassunga ilanngullugu ilisimatuussutsikkut misissuinernut atugassanik nannup ilaanik tunniussisarnissamut. Pineqaatissiissutit § 17. § 2, § 3, imm. 4, § 5, §§ 8-10, § 11. imm. 1, § 12 aamma § 14-imi aalajangersakkat unioqqutinneqarnerat akiliisinneqarnermik pineqaatissiissutaasinnaavoq. Imm. 2. Arsaarinnittarneq eqqarsaatigalugu tamanna pillugu Pinerluttulerinermik inatsimmi malittarisassat atuupput. Imm. 3. Nannut taakkuluunniit ilaasa arsaarinnissutigineqartut qanoq atorneqarnissaat Aalisarnermut Piniarnermullu Naalakkersuisumit aalajangiivigineqartassaaq. Imm. 4. Nalunaarut naapertorlugu kommunip ileqqoreqqusaliaanik unioqqutitsineq akilii- sitsissutaasinnaavoq pisamillu arsaarinnissutaasinnaalluni. Atortuulersitsinermut ikaarsaariarnermilu aalajangersakkat § 18. Nalunaarut ulloq 15. oktober 2005 atuutilerpoq. Peqatigitillugu Kalaallit Nunaanni nannunniarneq pillugu nalunaarut nr. 20, 11. maj 1994-imeersoq atuukkunnaarsinneqarpoq. Imm. 2. Pif�ssami nalunaarutip atuutiler�aniit ukiup pisassiiviup siulliup ulloq 1. januar 2006 aallartinnissaanut inuit atuuttumik inuussutissarsiutigalugu piniarsinnaanermut allagartallit § 5-imi aalajangersagaq apeqqutaatinnagu nannunniarsinnaatitaapput. Namminersornerullutik Oqartussat, ulloq 22. september 2005 Hans Enoksen / Amalie Jessen Ilanngussaq (pdf-format) Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut