Regulation No. 20 on the protection and capture of walrus

Allaf�ssornikkut najoqqutassiat Nr. 20 27. oktobari 2006 Atorunnaartut Aavernik illersuineq piniarnerlu pillugit Namminersornerullutik Oqartussat nalunaarutaat Piniarneq aallaaniarnerlu pillugit inatsisartut inatsisaanni nr. 12, 29. oktober 1999-imeersumi § 2, imm. 4, § 8, §§ 12-13, § 15, imm. 4, aamma § 17, imm. 2 aamma Pinngortitamik illersuineq pillugu inatsisartut inatsisaanni nr. 29, 18. december 2003-imeersumi § 5, imm. 1, § 35, § 36, imm. 2, § 60, imm. 2, aamma § 61 naapertorlugit aalajangersarneqarpoq: Atuuf�a § 1. Nalunaarummi uani nunami immamilu Kalaallit Nunaata oqartussaaf�gisaanni aarrup (Odobenus rosmarus) illersorneqarnissaa piniarneqarneralu pineqarpoq. Imm. 2. Kalaallit Nunaata Avannaarsuani Tunumilu nunamik uumasuinillu eqqissisimatitsinissaq pillugu aammalu Qimusseriarsuarmi uumasunik eqqissisimatitsivimmut isernissamut immikkut aalajangersagaqarpoq, taakkununnga ilaallutik sumiif�nni piniarsinnaatitaasut kikkut piniarnermik ingerlatsisinnaanersut. Sumiif�nni taakkunani marlunni immikkut nalunaarutini aalajangersakkat aalajangersarneqarput. Eqqissisimatitsineq § 2. Aarrit nunami aalisarnikkullu imartami Kalaallit Nunaata oqartussaaf�gisaani eqqissisimatitaapput, taamaattorli § 3 takuuk. Imm. 2. Piaqqat arnavissanik ilaqartut arnavissallu inersimasut nunami aalisarnikkullu imartami Kalaallit Nunaata oqartussaaf�gisaani eqqissisimatitaalluinnarput, taamaattorli § 3 takuuk. Imm. 3. Qaanaap kommuniani piaqqat arnavissanik ilaqartut arnavissallu inersimasut piniaqqusaapput, taamaattorli § 3 takuuk. Imm. 4. "Arnavissat inersimasut" imm. 2 naapertorlugu tassaapput arnavissat tuugaavi kakkiviaanit nuisasut 15 cm-imik takinerusumik takinerusut. Imm. 5. "Piaqqat" imm. 2 naapertorlugu tassaapput piaqqat, angissusii apeqqutaatinnagit, arnavissanik inersimasunik ilaqartut. Pisassiissutinik pif�ssanillu piniar�usinnaasunik aalajangersaaneq § 3. Naalakkersuisut aarrinik ukiumut pisassiissutinik aalajangersaasassapput. Pisassiissutit aalajangersarneqassapput nunat tamalaat isumaqatigiissutaat, uumassusilinnik misissuisut siunnersuinerat, atuisut ilisimasaat kiisalu Piniarneq Pillugu Siunnersuisoqatigiinnik tusarniaasimaneq eqqaamaniarlugit. Imm. 2. Pinngortitaassutsimut tunngasut pissutigalugit angutiviaannarnut arnaviaannarnulluunniit utoqqaassutsinullu aalajangersimasunut pisassiissutit killilerneqarsinnaapput, pisassiissutillu pisassiissutinut ikinnerusunut sumiif�nni killilinni pisarineqarsinnaasunut agguataarneqarsinnaallutik. Imm. 3. Aarrit killilersukkamik piniarneqarsinnaapput nunap ilaani aalajangersimasuni ataani taagorneqartuni aaveqatigiit agguataar�gisimasaannut pif�ssanullu taaneqartunut: 1) Kitaani ukiukkut aarrit (Sisimiut-Attullu avataanni) 66 A-p (Kangerlussuup paavata kujataa) aamma 70°- 30’ N-p (Qeqertarsuatsiap avannamut kangimut nuua) akornanni 1. martsimiit 30. aprilimut, ullut taaneqartut ilanngullugit. 2) Kalaallit Nunaata Kitaata Avannaani aarrit sumiif�t 70° 30’N-p avannaaniittut (Qeqertarsuatsiap avannamut kangimut nuua) 1. oktoberimiit 30. junimut, ullut taaneqartut ilanngullugit. 3) Ittoqqortoormiit aamma Ammassallip kommuniini 1. oktoberimiit 30. junimut, ullut taaneqartut ilanngullugit. Imm. 4. Ukiumut pisassiissutit tamatumunngalu atatillugu atugassarititaasut tusagassior�nnut nalunaarutikkut Namminersornerullutik Oqartussallu internettimi nittartagaatigut tamanut nalunaarutigineqassapput. Imm. 5. Ukioq pisassiif�usoq 1. januarimiit 31. decemberimut atuuppoq, ullut taaneqartut ilanngullugit. Ukioq pisassiif�usoq siulleq tassaavoq 1. august 2006-imiit 31. december 2006-imut, ullut taaneqartut ilanngullugit. Pisassiissutinik agguaassineq § 4. Piniarneq pillugu Siunnersuisoqatigiit pisassiissuteqarluni killiliussat pillugit tusarniaavigineqassapput. Pisassiissutit kommuninut pisassiissutinut agguataarneqarnerat Kalaallit Nunaanni Aalisartut Piniartullu Kattuf�ata (KNAPK) aamma Kalaallit Nunaanni Kommuneqar�it Kattuf�ata (KANUKOKA) tusarniaavigineqareernerisigut piniarnermut Naalakkersuisumit aalajangerneqassaaq. Imm. 2. Piniarnermut Naalakkersuisup kommuninut pisassiissutinut atatillugu pisariaqartumik allaf�ssornikkut aqutsineq kommuninut isumagisassanngortissinnaavaa. Imm. 3. Paasineqarpat kommunimi pineqartumi unioqqutitsilluni aaffattoqarsimasoq ukiumi pineqartumi ukiumiluunniit pisassiivimmi tullermi kommunimut pisassiissutit piniarnermut Naalakkersuisup ikilisinnaavai. Akuersissutinik tunniussineq agguaassinerlu § 5. Inuit § 6 naapertorlugu akuersissummik tunineqarsimasut kisimik aaffanniarsinnaatitaapput. § 6. § 4 naapertorlugu kommunimut pisassiissutit eqqarsaatigalugit akuersissutinik normulersukkanik qinnuteqaateqartunut atuuttumik inuussutissarsiutigalugu piniarnermut allagartalinnut kommunimilu tassani najugaqartutut inuit nalunaarsorsimaf�anni nalunaarsorsimasunut kommunalbestyrelse agguaassissaaq. Qinnuteqaateqartut akuersissutinik agguaassinermi peqataasinnaassagunik qinnuteqaateqarnerminni atuuttumik inuussutissarsiutigalugu piniarsinnaanermut allagartaqassapput. Imm. 2. Kommunimut aaffanniarsinnaanermut akuersissutit tunniunneqartut aaffanniarsinnaanermut qinnuteqaatinit ikinneruppata, imm. 1 takuuk, kommunalbestyrelsip aalajangissavaa akuersissutit qanoq agguataarneqassanersut. Imm. 3. Kommunalbestyrelsip akuersissummik tunniussinermut atatillugu immersuivissaq nalunaarummut ilanngunneqartoq tunniuttassavaa. Imm. 4. Kommunalbestyrelse pisassiissutigineqartunik isumannaatsumik nakkutilliisitsissaaq. Pisassiissutigineqartunik atuineq malittareqqissaarneqassaaq piniarnerlu ingerlaannartumik unitsinneqassalluni kommunimut pisassiissutigineqartut tamakkerneqarniariarpata. Imm. 5. Kommunalbestyrelsip kommunimut pisassiissutigineqartut tamakkerneqarpata Piniarnermut Naalakkersuisoqar�k allakkatigut saaf�gissavaa. § 7. Akuersissutinik agguaassinermut oqartussaasup aalajangissavaa akuersissutit tunniunneqartut qaqugu aaneqareersimassasut. Akuersissummik pisimagaluartut atorsinnaanaguli imaluunniit atuiumanngitsut, piaarnerpaamik akuersissut atorneqanngitsoq akuersissutinik agguaassinermi oqartussaasumut utertissavaat. Imm. 2. Akuersissutit aaneqanngitsoortut utertinneqartullu agguaateqqinneqarsinnaapput imm. 1 naapertorlugu. § 6, imm. 2 naapertorlugu agguaasseqqittoqassaaq. Qaqugu agguaasseqqittoqassanersoq piniar�ssaq aallartitsinnagu kommunalbestyrelsip nalunaarutigissava. § 8. Akuersissut inummut namminermuinnaq atuuppoq allanullu tunniunneqassanani tunineqassananilu. Imm. 2. Akuersissut ataaseq ukiumi pisassiivimmi akuersissummik tunniussiviusumi aarrimik ataaseraarsinnaatitsivoq. Pif�ssaq piniar�usinnaasoq akuersissummi takuneqarsinnaavoq. Piniariaatsit § 9. Timmisartut, helikopterit qamutillu motoorillit, snescooterit ilanngullugit, kiisalu angallatit 20 BRT/15 BT sinnerlugu angitigisut aaffanniarnermi imaluunniit piniar�ssamut piniar�ssamiillu angallatigineqassanngillat. Imm. 2. Aaffanniarnermi taamaallaat qoorortuut minnerpaamik 30.06-imik (7,62 mm) sulloqqortussusillit atorneqaqqusaapput. Qoorortuut eqqarasuartartut nutsuinnartakkalluunniit aaffanniarnermi atoqqusaanngillat. Imassat aqerlortaqanngitsut (nikkilit) kisimik akuerisaapput. Imm. 3. Aaveq toqussutissaanik aallaaneqartinnagu kapineqaqqaartassaaq. Unaaq atorneqartoq avatamut puttaqummulluunniit ataatsimut arlalinnulluunniit pitunneqarsimassaaq taamaalilluni pisamik annaasaqarnissaaq pinngitsoortinneqarluni. Imm. 4. Aarrup pisarineqartup neqaa, amia atorneqarsinnaasortaalu allat tamarmik piniar�mmiit angerlaanneqassapput qimatulineqarlutilluunniit. Pisaqar�k qimatsinnagu sinnikut peerneqarnissaat sapinngisamik isumaginiarneqassaaq. Pisanik atuineq, tunisineq tuniniaanerlu § 10. Aaffattat tuniniaqqusaanngillat akuersissut naqissuserlugu kommunip allaf�a nunaqar�mmiluunniit immikkoortortaq pisamik nalunaarsuereertinnagu, taamaattorli imm. 3 takuuk. Imm. 2. Pisanik aaffattalluunniit ilaannik tunisisoqassanngilaq pisisoqaraniluunniit akuersissummik piginnittoq akuersissutip assilineranut atsiorsimatinnagu. Akuersissutip assilinerani pisaq kommunimi oqartussanit nalunaarsorneqarsimasoq takuneqarsinnaassaaq. Imm. 3. Taamaattoq kommunip allaf�ata nunaqar�mmiluunniit immikkoortortap ammanerata avataatigut tuniniaaneq aallartinneqarsinnaavoq allaf�k ammarniariartoq nalunaarsuisoqarsinnaappat. Imm. 4. Aarrup ilaanik tuniseqqinnermi tunisinermiluunniit tunisinermut atatillugu akuersissutip assilinera atsiorneqarsimasoq naqissuserneqarsimasorlu ilaatinneqartassaaq. Imm. 5. Unioqqutitsilluni aaffattaasimasup neqaa, amia pisataalu allat tunissutitut tigoqqusaanatillu pisiareqqusaanngillat. Pisanik nalunaaruteqarneq nakkutilliinerlu § 11. Aaffattat tamarmik immersuivissaq nalunaarummut ilanngussaq atorlugu tikinnermi najukkami kommunimut nalunaarutigineqartassapput. Taamatuttaaq pissatat tamarmik nalunaarutigineqassapput. Pisaq nalunaaqutaqarsimappat radiukkulluunniit aallakaatitsissuteqarluni, taakku immersukkamut ilanngullugit tunniunneqassapput. Immersuivissaq immersugaq § 10 naapertorlugu akuersissutip naqissuserneqarneranut peqatigitillugu tunniunneqassaaq. Imm. 2. § 10 naapertorlugu aarrup ilaanik tunisisoqassanngippat pisaq immersuivissaq atorlugu piaartumik najukkami kommunimut nalunaarutigineqassaaq. Imm. 3. Aaffattat tamarmik taamatuttaaq PINIARNEQ-mut nalunaarutigineqassapput ukiumoortumik immersuif�ssaq atorlugu. Imm. 4. Piniaqatigiittoqarsimatillugu pisaq nalunaaruteqartussaatitamit toqqakkamit ataasiinnarmit, assersuutigalugu akuersissummik piginnittumit, nalunaarutigineqassaaq, piniaqataasimasut tamarmik aqqi inuttullu normui nalunaarlugit. Immersuivissakkut nalunaaruteqartussaatitap kisimi pisaq PINIARNEQ-mut nalunaarutigissavaa. Imm. 5. Kommunalbestyrelsip qaammatit naaneri tamaasa immersukkat tigusimasani Piniarnermut Pisortaqar�mmut nassiuttassavai. § 12. Pinerluttulerineq pillugu inatsimmi tamanna pillugu malittarisassat naapertorlugit imminut illersortariaqarluni iliortoqartariaqarluniluunniit aaffattoqarpat aaffataq tamarmi Namminersornerullutik Oqartussanut pigisassanngortinneqassaaq. Imm. 2. Aaffattup tamanna ingerlaannaq piniarnermut pisortaqar�mmut nalunaarutigissavaa. Kommunimi ileqqoreqqusat § 13. Kommunalbestyrelse kommunalbestyrelsilluunniit arlallit peqatigiillutik kommunip ileqqoreqqusaatigut nalunaarummi § 3, imm. 3 §§ 6-7 aamma §§ 9-10-mi aalajangersakkanit sakkortunerusunik aalajangersaasinnaapput kiisalu kommunip iluani sumiif�nni aalajangersimasuni piniarnerup qanoq ingerlanneqarnissaanut najoqqutassiorsinnaallutik. Kommunit ileqqoreqqusaat piniarnermut naalakkersuisumit atuutilersinneqartassapput. Nalunaaqutsiineq annissinerlu § 14. Aarrinik nikinnaveersitsineq nalunaaqutsiinerlu aatsaat pisinnaapput piniarnermut naalakkersuisup akuersissuteqarneratigut. Imm. 2. Aarrit, aaviaqqat ilanngullugit, Naalakkersuisut akuersissuteqarsimatinnagit uumasuutigeqquneqanngillat imaluunniit Kalaallit Nunaanniit anniseqqusaanngillat. Immikkut akuersissuteqarneq piniarnermullu piumasaqaatit sukumiinerusut § 15. Piniarnermut naalakkersuisoq ilisimatusarnermut imaluunniit Kalaallit Nunaata piniagassatigut pisuussutaasa nalunaarsorneqarnerannut atatillugu nalunaarummi malittarisassat atortinneqannginnissaannik immikkut akuersissuteqarsinnaavoq. § 16. Piniarnermut naalakkersuisoq aaffanniarsinnaanermut atatillugu piumasaqaatinik aalajangersaasinnaavoq, tassunga ilanngullugu ilisimatuussutsikkut misissuinernut atugassanik aarrup ilaanik tunniussisarnissamut. Pineqaatissiissutit § 17. § 2, imm. 1 aamma 2, § 3, imm. 3, § 5, §§ 8-10, § 11, imm. 1 aamma 2, § 12, § 14 aamma § 16-imi aalajangersakkat unioqqutinneqarnerat akiliisinneqarnermik pineqaatissiissutaasinnaavoq. Imm. 2. Pinerluttulerineq pillugu inatsimmi arsaarinnittarneq pillugu malittarisassat taamatulli atuupput. Imm. 3. Aarrup ilaanik arsaarinnissutigineqartut qanoq atorneqarnissaat Piniarnermut Naalakkersuisumit aalajangiivigineqartassaaq. Imm. 4. Kommunip ileqqoreqqusaani § 13 naapertorlugu atuutilersinneqartuni aalajangersakkanik unioqqutitsinerup akiliisitsissutaasinnaanera pisamillu arsaarinnissutaasinnaanera aalajangersarneqarsinnaavoq. Atuutilersitsinermut ikaarsaariarnermullu aalajangersakkat § 18. Nalunaarut ulloq 27. oktober 2006 atuutilerpoq. Peqatigitillugu Namminersornerullutik Oqartussat aarrinik illersuineq piniarnerlu pillugit nalunaarutaat nr. 9, 5. juli 2006-imeersoq atuukkunnaarsinneqarpoq. Namminersornerullutik Oqartussat, ulloq 27. oktober 2006. Finn Karlsen / Amalie Jessen Ilanngussaq Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut