Regulation No. 13 on the keeping of sheep, horses, and cattle

Allaf�ssornikkut najoqqutassiat Nr. 13 16. juuni 2016 Atuuttut Savaateqarneq, hiistiuteqarneq kiisalu nersussuaateqarneq pillugit Namminersorlutik Oqartussat nalunaarutaat Nunalerineq pillugu Inatsisartut inatsisaanni nr. 5, 2. maj 1996-imeersumi § 5, § 12, § 13, imm. 2, § 14, imm. 6 kiisalu § 15, imm. 2 malillugit aalajangersarneqarpoq: Atuuf�i § 1. Nalunaarut manna savanut, hiistinut kiisalu nersussuarnut nerukkaatissat nerukkaasarnerillu annertussusissaasa aalajangersarneqartarnerannut kiisalu savat, hiistit aamma nersussuit inaasa aaqqissuunneqartarnerannut atuuppoq. Nassuiaanerit § 2. Nalunaarummi paasinninnissamik nassuiaatit uku atorneqarput: 1) ”FE” ”Nunani Avannarlerni nerukkaatissanik ataatsimoortunik ataatsinik atuinerattut paasineqassaaq, nerukkaatissat1 kg-t suaasiassat kimiannut nassuiaatitut. 2) ”Ivikkanit nerukkaatissat” paasineqassapput nerukkaatissat ipaasaqarluartut FE-mut ataat-simut minutsit qulit sinnerlugit atorlugit tamuasassat aamma nerukkaatissat panertortai kii-luugaangata 1 FE- mik annikinnerusut. 3) ”Nerukkaatissat kimittuut” paasineqassapput nerukkaatissat ipaasaqarpianngitsut FE-mut ataatsimut annerpaamik minutsit qulit atorlugit tamuasassat aamma nerukkaatissat panertortai kiiluugaangata minnerpaamik 1 FE-mik nalillit. 4) ”Agguaqatigiissillugu ulloq piaqqiviusussaq” paasineqassaaq ulloq angutikuluut savanut akulerutsinneqarnerat nuliartussanngorlugit ullunik 144-nik kingoqqullugu. 5) ”Naasut naalerlaat” paasineqassaaq qaqqami sivinganerni kujammut-kujammut kimmut sammisuni naasut naalersut. 6) ”Nunaatilik” paasineqassaaq inuk imaluunniit ingerlatseqatigiif�k Nunalerineq pillugu Inatsisartut inatsisaanni nr. 5, 2. maj 1996-imeersumi § 3-mi piumasaqaataasunik naammassinnissimasoq. 7) ”Nersussuit minnerit” paasineqassaaq nersussuit Dexter-inik nagguillit. 8) “Nersussuit annerit” paasineqassaaq nersussuit allanik tamanik nagguillit. Nerukkaatissanik pigineqartussanik kiisalu savanik, hiistinik aamma nersussuarnik nerukkaasarnermut piumasaqaatit § 3. Nunalerinermik ingerlatalik kinaluunniit savaateqartoq 1) ukiut tamaasa kingusinnerpaamik 1. november minnerpaamik 125 FE-nik savanut ataasiakkaanut tamanut nerukkaatissaateqassaaq, taakkunannga minnerpaamik 35 FE-t savanut ataasiakkaanut tamanut ivikkanit nerukkaatissaassapput, 2) Savat piaqqiortussat puallarserlugit nuliartitsinissarlu qaammat ataaseq sioqqullugu nerukkaatissanik kimittuunik nerukkarneqarsimappata, kingusinnerpaamik 1. november ukiut tamaasa imm. 1, nr. 1-imi pineqartunit 50 %-inik annertunerusunik nerukkaatissaqartitsiso-qassaaq, savanut ataasiakkaanut tamanut minnerpaamik 187,5 FE-nik, taakkunannga minner-paamik 54 FE-t ivikkanit nerukkaatissaassapput. 3) ukiumi tulliuttumi 1. aprilip nallernerani savanut ataasiakkaanut tamanut minnerpaamik 36 FE-nik nerukkaatissaateqassaaq, taakkunannga minnerpaamik 12 FE-t savanut ataasiakkaanut tamanut ivikkanit nerukkaatissaassapput, 4) pif�ssami 1. novemberimiit agguaqatigiissillugu ulloq piaqqiviusussaq sapaatit akunnerinik ar�nilinnik sioqqullugu savanut ataasiakkaanut tamanut ullormut minnerpaamik 0,5 FE-nik nerukkaasoqartassaaq, 5) pif�ssami agguaqatigiissillugu ulloq piaqqiviusussaq sapaatit akunnerinik ar�nilinnik sioqqullugumiit pif�ssap piaqqivissap tungaanut savanut ataasiakkaanut tamanut ullormut minnerpaamik 0,8 FE-nik nerukkaasassaaq. Pif�ssami tassani ivikkanik nerukkaatissat savamut ataatsimut ullormut minnerpaamik 0,27 FE-usassapput, aamma 6) pif�ssamit piaqqiviusumiit naasunik naalerlaaqalernissaata tungaanut savanut ataasiakkaanut tamanut ullormut minnerpaamik 1,35 FE-nik nerukkaasassaaq, taamaattoq sivikinnerpaa-mik ulloq 1. maj tikillugu. Pif�ssami tassani ivikkanit nerukkaatissat savanut ataatsimut ullormut minnerpaamik 0,27 FE- iusaassapput. Imm. 2. Nunalerinermik ingerlatalik nunanik neriniartitsivinnik nersutaatinillu malittarisassaqartitsinikkut aqutsineq pillugu Namminersornerullutik Oqartussat nalunaarutaat naapertorlugu ukiuunerani neriniartitsisarnissamut akuersissuteqar�gineqarsimappat imm. 1, nr. 3-mi minnerpaamik nerukkaasarnissamik piumasaqaat savamut ataatsimut ullormut 0,4 FE-nut appartinneqassaaq, ulluni ukiuunerani neriniartitsisarnissamut akuersissutip atorneqar�ini. § 4. Nunalerinermik ingerlatalik kinaluunniit hiistiuteqartoq 1) ukiut tamaasa kingusinnerpaamik 1. november minnerpaamik 500 FE-nik hiistinut ataa-siakkaanut tamanut nerukkaatissaateqassaaq, taakkunannga annerpaamik 300 FE-t hiistinut ataasiakkaanut tamanut ivikkanit nerukkaatissaassallutik, aamma 2) hiistinut ataasiakkaanut tamanut ullormut minnerpaamik 3,0 FE-nik nerukkaasoqartassaaq. § 5. Nunalerinermik ingerlatalik kinaluunniit nersussuaateqartoq 1) ukiut tamaasa kingusinnerpaamik ulloq 1. november minnerpaamik 525 FE-nik nersussuarnut minnernut ataasiakkaanut tamanut nerukkaatissaateqassaaq minnerpaamillu 830 FE-nik nersussuarnut annernut ataasiakkaanut tamanut nerukkaatissaateqassalluni, taakkunannga minnerpaamik 262,5 FE-t nersussuarnut minnernut ataasiakkaanut tamanut kiisalu 415 FE-t nersussuarnut annernut ataasiakkaanut tamanut ivikkanit nerukkaatissaassallutik, 2) nersussuit ataasiakkaat tamarmik ullormut minnerpaamik 4,15 FE-nik nerukkarneqassapput. 3) immikkut ittumik nerukkaatissat ivikkat amigaatigineqarnerini Nunalerineq pillugu Siunnersorteqar�mmut qinnuteqaatigineqarsinnaavoq nerukkaatissanik ivikkanik atuinissamut piumasaqaatip nersussuarnut minnernut ataasiakkaanut tamanut nerukkaatissat ivikkat 131,25 FE-mut annikillineqarsinnaanera aamma nersussuarnut minnernut ataasiakkaanut tamanut nerukkaatissat ivikkat 207,5 FE-t. § 6. Savat, hiistit aamma nersussuit tamatigut imersinnaatinneqassapput. Nersutit inaasa aaqqissuunneqarnissaannut piumasaqaatit § 7. Nunalerinermik ingerlatalik kinaluunniit savaateqartoq nersutit inaateqassaaq, tassani savanut ataasiakkaanut tamanut minnerpaamik 0,75 m -inik inissaqassaaq kiisalu savanut ataasiakkaanut tamanut 40 cm-inik nerukkaanissamut inissaqartitsissalluni. § 8. Nunalerinermik ingerlatalik kinaluunniit hiistiuteqartoq nersutit inaateqassaaq, tassani hiistinut ataasiakkaanut tamanut minnerpaamik 2 m -inik inissaqassaaq kiisalu hiistinut ataasiakkaanut tamanut 120 cm-inik nerukkaanissamut inissaqartitsissalluni. § 9. Nunalerinermik ingerlatalik kinaluunniit nersussuaateqartoq nersutit inaateqassaaq, tassani nersussuarnut minnernut ataasiakkaanut tamanut minnerpaamik 1,8 m -inik inissaqassaaq kiisalu 65 cm- inik nerukkaanissamut inissaqartitsissalluni nersussuarnullu annernut ataasiakkaanut tamanut minnerpaamik 2,4 m -inik inissaqassaaq kiisalu 80 cm-inik nerukkaanissamut inissaqartitsissalluni. Nersutaatit nalunaarutigineqartarnerat kiisalu nakkutilliineq § 10. Nunalerinermi Nakkutilliisoqatigiit nalunaarut manna malillugu aalajangersakkat aalajangersarneqarsimasut malinneqarnerat nakkutigissavaat. Imm. 2. §§ 3-miit 9-imut malinneqarnissaat qulakkeerniarlugu Naalakkersuisut inassuteqartoqarnissaanik inerteqquteqartoqarnissaanillu piginnittup akiligassaanik sulissuteqarsinnaapput, taamatuttaaq nerukkaatissanik ilassutissamik pisiniartoqarnissaanik kiisalu nersutit inaanni naammattumik inissaqartitsisoqarnissaanik imaluunniit nersutit ikilisinneqarnissaannik nalunaarummi matumani piumasaqaatit taamaalillutik naammassineqarsinnaassammata. Immikkut akuersissuteqarsinnaaneq § 11. Naalakkersuisut nalunaarummi aalajangersakkat saneqqunneqarnissaannut akuersissuteqarsinnaapput, ilisimatusarnermut tunngatillugu misissuinerit pissutsilluunniit immikkut ittut tamanna pisariaqalersippassuk. Pineqaatissiisarnerit 2 2 2 2 § 12. §§ 3-miit 9-mut aalajangersakkanik unioqqutitsinermi Kalaallit Nunaanni pinerluttulerinermut inatsimmi malittarisassat malillugit akiliisitaasussanngortitsilluni eqqartuussisoqarsinnaavoq. Imm. 2. Inatsisilerinermi immikkoortut inuttut isigineqarsinnaasut assingusumik pinerluttulerinermut inatsimmi malittarisassat malillugit imm. 1-mut ilaapput. Atuutilersitsineq § 13. Nalunaarut una 20. juni 2016-imi atuutilerpoq. Imm. 2. Ilutigalugu Namminersornerullutik Oqartussat savaateqarneq hiistiuteqarnerlu pillugit nalunaarutaat nr. 25, 22. juni 2001-imeersoq atorunnaarsinneqarpoq. Namminersorlutik Oqartussat, ulloq 16. juni 2016. Nikolaj Jeremiassen / Jørgen Isak Olsen Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut