Act No. 20 on the commercial and research use of biological resources

Inatsisit Nr. 20 20. novembari 2006 Atorunnaartut Uumassusilinnit isumalluutit niuernermi ilisimatusarnermilu atorneri pillugit Inatsisartut inatsisaat Kapitali 1 Siunertaa, atuuf�a aamma nassuiaatit Siunertaa § 1. Uumassusillit assigiinngisitaarnerat pillugu isumaqatigiissut naapertorlugu inatsisip siunertarai: 1) Uumassusilinnit isumalluutit Uumassusillit assigiinngisitaarnerat pillugu isumaqatigiissut naapertorlugu ilisimatusar�gineqassasut. 2) Ilisimatusarnikkut paasisatigut angusat atorneqassasut niuernermi iluanaarutigalugu iluaqutiginninniarnermut.. 3) Kalaallit Nunaat uumassusillit tunngavigalugit iluaquteqarnerup pilersitaanit naammaginartumik pissarsissasoq. 4) Uumassusilinnit isumalluutit atorneqassasut avatangiisinut pinngortitamullu illersorneqarsinnaasumik. Atuuf�a § 2. Inatsit atuuppoq pineqartuni ukunani: 1) Suugaluartulluunniit uumassusilinnit isumalluutinik niuernermi aamma ilisimatusarnermi siunertarisanut pissarsiniartarnerit, katersuisarnerit, atuisarnerit pineqartunillu annissuisarnerit pineqarpata. 2) Misissuinermi ilisimatusarnermilu paasisatigut angusanik naqitanngorlugit saqqummiineq aammalu uumassusilinnit isumalluutinik patent´iliisarneq pineqarpata. 3) Pineqartunik niuernermi siunertarisanut allatigut atuinerit aammalu uumassusilinnit isumalluutinik piiaanikkut taakkuluunniit tunngavigalugit nioqqutissiat pineqarpata. Imm. 2. Inatsit inunnit uumassusilittut isumalluutit atornerinut atuutsinneqanngilaq. Imm. 3. Inatsit pinngortitami isumalluutinik nalinginnaasumik aamma teknologii atornagu iluaquteqarniarnermut atuutsinneqanngilaq, soorlu qangatut pisarnertut piniarnermik, aalisarnermik nunalerinermillu iluaquteqarniarnermut aammalu naasunik assigisaannillu pinnersaatissanik imaluunniit nerisassiassanik katersuisarnernut. Imm. 4. Naalakkersuisut qinnuteqartoqareerneratigut immikkut akuersissuteqarsinnaapput inatsisip ilisimatusarnikkut siunertanut aalajangersimasunut atorneqarsinnaanissaanik. Nassuiaatit § 3. Inatsimmi matumani makku ima paasisassaapput: 1) Uumassusilinnit isumalluutit: Uumassusillit sananeqaataasigut kingornuttagaasunik isumalluutit, uumassuseqartut taakkuluunniit pisataat suulluunniit, uumassusilinneersut ataatsimoortuisa ilaat imaluunniit uumassusillit avatangiisillu imminnut sunniuteqaqatigiittarneranni uumassusiliussinnaasut suugaluartulluunniit nunarsuarmioqatigiinnit maannakkut siunissamiluunniit iluaqutiginiarneqarsinnaasut naleqarsinnaasulluunniit. 2) Misissuinissamut akuersissut:Uumassusilinnit isumalluutinik pissarsiniarnissamut, katersuisinnaanissamut imaluunniit uumassusilinnit isumalluutit ilisimatusarnikkut imminnut attuumassuteqarnerannik misissuinissamut akuersissut, pisariaqartinneqassappat kingusinnerusukkut niuernermi siunertarisanut atuisoqarnissaa siunertaralugu. Niuernermi siunertarisanut atuisoqartinnagu, tak. nr. 3, piumasaqaataavoq misissuinissamut akuersissuteqaqqaartoqarsimassasoq. 3) Niuernermi siunertarisanut atuineq: Uumassusilinnit isumalluutinit nioqqutissiaasimasunik nioqqutissiorneq tunianiaaqqinnerluunniit aammalu uumassusilinnit isumalluutit pillugit taakkuluunniit tunngavigalugit patent-imik qinnuteqaatinik patent-iliissutinilluunniit tuniniaaqqittarnerit. 4) Niuernermi siunertarisanut akuersissut: Akuersissut uumassusilinnit isumalluutinik aamma uumassusilinnit isumalluutit tunngavigalugit misissuinermi paasisatigut angusanik niuernermi siunertanut atuisinnaatitsissutaasoq. 5) Iluaquteqarniarnermut ingerlatseqatigiif�k:Suliffeqar�k, Kalaallit Nunaata uumassusilinnit isumalluutit pillugit piginnaatitaaf�gisaanik Naalakkersuisut sinnerlugit nakkutilliillunilu aqutsisuusoq. Kapitali 2 Iluaquteqarniarnermut ingerlatseqatigiif�k aamma paasisimasallit § 4. Naalakkersuisut piginnaatinneqarput Kalaallit Nunaata uumassusilinnit isumalluutit pillugit pisinnaatitaaf�gisai atorlugit iluaquteqarniarnermut ingerlatseqatigiif�mmut amerlanerusunulluunniit aallaqqaatitut akiliuteqarsinnaanissamik. Iluaquteqarniarnermut ingerlatseqatigiif�k pisinnaatitaaf�gisanik niuernermi siunertarisat tunngavigalugit aqutsinissamut kisermaassisinnaatitaanissamik tunineqarsinnaavoq. Naalakkersuisut iluaquteqarniarnermut ingerlatseqatigiif�it taakkulu ingerlatsinissaat pillugit sukumiinerusunik maleruagassiisinnaapput. Imm. 2. Kalaallit Nunaata pisinnaatitaaf�gisaanik iluaquteqarniarnermut ingerlatseqatigiif�mmut aallaqqaatitut akiliuteqarneq, tak. imm. 1, killigaavoq ukiuni qulini atuuttussatut. Naalakkersuisut pif�up pineqartup pif�mmut ataatsimut ukiut qulit tikillugit sivitsorneqarsinnaaneranik periar�ssaqartinneqarput, tamatuma ingerlanerani angujumasat sukumiinerusumik isumaqatigiissutaasimasut pif�up pineqartup iluani anguneqarsimappata. Naalakkersuisut aallaqqaatitut akiliuteqarneq, pif�ssamik killiliisinnaaneq aamma angujumasat pineqartut pillugit sukumiinerusunik maleruagassiisinnaapput. Imm. 3. Naalakkersuisut iluaquteqarniarnermut ingerlatseqatigiif�k piginnaatissinnaavaat uumassusilinnit isumalluutinik niuernermi siunertanut tunngaveqartumik nammineerluni atuiniarsinnaanissaanik taamatullu uumassusilinnit isumalluutinik Kalaallit Nunaat sinnerlugu niuernermi siunertarisanut atuinissamut atatillugu niuernermi siunertarisanut akuersissutinik tuniniaasinnaasarnissaanik, tak. § 10. § 5. Naalakkersuisut, pisariaqarsorigunikku, misissuinissamut akuersissutinik qinnuteqaatit suliarineqarnissaannut atatillugu paasisimasalinnik ikiortissarsiorsinnaapput. Misissuinissamut akuersissutinik inaarutaasumik aalajangiineq Naalakkersuisunit isumagineqartarpoq. Imm. 2. Naalakkersuisut paasisimasalinnik toqqaasarneq pillugu maleruagassanik sukumiinnerusunik aalajangersaasinnaapput. Imm. 3. Naalakkersuisutmisissuinissamut akuersissutinik qinnuteqaatit suliaqartarnerannut atatillugu akiliuteqartitsisarneq pillugu maleruagassanik sukumiinerusunik aalajangersaasinnaapput. Imm. 4. Allaf�ssornikkut suliassaasartut pissutigalugit piumasaqaatigineqarsinnaavoq misissuinissamut akuersissutinik qinnuteqaateqarnermut atatillugu apeqqutinut immersuif�liap pineqartumullu atugassiap atorneqartarnissaa. Kapitali 3 Misissuinissamut akuersissutit § 6. Uumassusilinnit isumalluutinik ilisimatusarnermut imaluunniit malitsigisaanik niuernermi iluaqutiginiarnissaannut atatillugu pissarsiniartarnerit, katersuisarnerit misissuisarnerillu suulluunniit aatsaat pisinnaapput misissuinissamut akuersissummik pissarsereersimagaanni. Imm. 2. Misissuinissamut akuersissummik tunniussisinnaanermut atatillugu piumasaqaataavoq qinnuteqaateqartup Uumassusillit assigiinngisitaarnerat pillugu isumaqatigiissut malillugu uumassusillit sananeqaataasigut kingornuttagaasunik isumalluutit niuernermi iluaqutiginiarnissaannut maleruagassanik malittarinninnissaa aammalu Naalakkersuisut uumassusilinnit isumalluutit pillugit pisinnaatitaaf�annik ataqqinninnissaa. Imm. 3. Naalakkersuisut taamatut qinnuteqaateqartoqarpat niuernermi atuisinnaatitaaf�usussaanngitsumik misissuinissanut atatillugu misissuinissamut akuersissuteqarsinnaapput. Misissuinerit pineqartut tunngavigalugit paasisatigut angusat kingusinnerusukkut niuernermi iluaqutiginiarneqassappata, tamanna § 9 naapertorlugu aalajangersakkat aqqutigalugit pissaaq. Imm. 4. Naalakkersuisut misissuinissamut akuersissutit pillugit malitassanik aalajangersaasinnaapput, tamatumani pingaartumik pineqartillugit avatangiisit pinngortitallu sapin-ngisamik annertunerpaamik mianerineqarnissaat, sumiif�it katersuif�usussat pillugit aammalu uumassusilinnit isumalluutinik katersuisarnernut atatillugu suut periuserineqartarsinnaanerat pillugit malitassat, kiisalu nalunaarusiortartussaatitaanerit aammalu misissuinissamut akuersissut tunngavigalugu ilisimasarilikkat piginnaatitaassutsimik piginnittup nammineq atornianngippagit Naalakkersuisunut imaluunniit iluaquteqarniarnermut ingerlatseqatigiif�mmut piginnaatitaassutsimik tunniussisarnissaa pillugit malitassat. Imm. 5. Naalakkersuisut misissuinissamut akuersissuteqarnerminnut atatillugu, qinnuteqaateqartumut, misissuinissamik akuersissummut atatillugu killissarititaasussat atuinissallu pillugit, eqqartuussissutigoortumik nammineq isumaqatigiissummik isumaqatigiissusiorsinnaapput. Imm. 6. Misissuinissamut imm. 2 naapertorlugu akuersissut killilimmik pif�ssalikkatut tunniunneqartarpoq. Misissuinissamut akuersissutip atuuf�a qaangiukkaangat akuersissut atorunnaartarpoq sivitsorneqarsimanngikkuni. Imm. 7. Uumassusilinnit isumalluutinik atuinermi sumiif�gisamik suunerannilluunniit allannguinerit suulluunniit, aamma katersuinermi periuserisat allanngortinneqassappata, taakku aatsaat pisinnaassapput misissuinissamut akuersissummik nutaamik pissarseqqaarluni. Imm. 8. Misissuinissamut akuersissut naapertorlugu pineqartunik pissarsiniartarnermut, katersuisarnermut misissuisarnermullu aningaasartuutaasinnaasut qinnuteqaateqartumit akilerneqassapput. Imm. 9. Naalakkersuisut imaluunniit aqutsinermut ingerlatseqatigiif�k, pineqartumut atatillugu piginnaatinneqarsimasoq, paasissutissanik pisariaqartinneqartunik piniarsinnaapput qinnuteqaateqartumut allanulluunniit. Imm. 10. Misissuinermi atorneqartunik imaluunniit misissuinermi paasisatigut angusanik inummut allamut tamakkiisumik ilaannakortumilluunniit tunniussineq atugassiinerluunniit suugaluartoq aatsaat pisinnaavoq Naalakkersuisut pineqartoq pillugu akuersissuteqareersimappata. § 7. Naalakkersuisut iluaquteqarniarnermut ingerlatseqatigiif�mmut ilisimatitsissuteqartassapput misissuinissamut akuersissummik kina tunineqarsimanersoq pillugu, taamaasilluni iluaquteqarniarnermut ingerlatseqatigiif�up pineqartunik akuersissutinik niuerutigineqarsinnaasunik pisiumasinnaasut attavigisinnaasassammagit. Kapitali 4 Misissuisarnikkut paasisatigut angusanik il.il. saqqummiussisarneq § 8. Kinaluunniit uumassusilinnit isumalluutit tunngavigalugit misissuinermi paasisatigut angusanik taakkuluunniit ilaannik eqqartuisoqalersinnagu, kingusinnerpaamillu naqitanngorlugit saqqummiunneqartinnagit pisussaaffeqarpoq, pineqartut pillugit ilisimatitsissuteqassallutik Naalakkersuisunut, taassuma ilisimanngippagu, Naalakkersuisut ilisimatinneqareersimasut. Pineqartunik naqitanngorlugit saqqummiineq allatigulluunniit tamanut saqqummiussineq taamaattoq pisassaaq Kalaallit Nunaata uumassusilinnit isumalluutit pillugit pisinnaatitaaf�gisai ataqqillugit, aammalu Uumassusillit assigiinngisitaarnerat pillugu isumaqatigiissummi aalajangersakkat malillugit, innersuussutigalugulu pineqartut atorneqartut Kalaallit Nunaanni aallaaveqartut. Imm. 2. Naqitanngorlugit saqqummiussat uumassusilinnit isumalluutit taakkuluunniit tunngavigalugit imallit assilineri Naalakkersuisunut nassiunneqassapput. Apersuisarnertigut imaluunniit oqaasiinnartigut paasisat pissarsiallu Naalakkersuisunut ilisimatitsissutigineqartassapput imaqarnilianngorlugit imaluunniit pineqartut pillugit naalisakkamik nalunaarusiaralugit. Imm. 3. Naalakkersuisut iluaquteqarniarnermut ingerlatseqatigiif�k ataavartumik ilisimatittarumaarpaat misissuinermi paasisatigut angusanik tamakkiisumik ilaannakortumilluunniit saqqummiussisoqassamaarnera allatigulluunniit atugassiissoqassamaarnera pineqartillugu imaluunniit nassaat eqqartuif�gineqarnissaat pineqartillugu. Imm. 4. Naalakkersuisut imaluunniit iluaquteqarniarnermut ingerlatseqatigiif�k naqitanngorlugit saqqummiinissaq allatigulluunniit tamanut saqqummiussinissaq pillugit tunngavissianut tunngasumik eqqartuussissutigoortumik nammineq isumaqatigiissummik kikkunnulluunniit isumaqatigiissusiorsinnaapput. Imm. 5. Naalakkersuisunut kinaluunniit imm. 1 aamma 2 malillugit paasissutissiisussaatitaasoq pisussaavortaaq misissuinermi paasisatigut angusanik, nassaanik taakkuluunniit ilaannik naqitanngorlugit saqqummiutilersaakkat pillugit patent-imik allatigulluunniit misissuinermi paasisatigut angusat illersuutissaannik qinnuteqalersaartoq paasissutissiinissaminik. Kapitali 5 Paasisatigut angusanik il.il. patent´iliisarneq § 9. Kinaluunniit misissuinissamut akuersissummik peqartoq, taamatullu misissuinissamut akuersissutini tunngavigalugu nassaani pillugu patent´imik qinnuteqarniartoq patent-iliiniarneq pillugu Naalakkersuisunut paasissutissiisussaatitaavoq. Paasissutissaatitaanerup malitsigaa patent-iliinissamik qinnuteqaatip assilinera Naalakkersuisunut nassiunneqartassammat, kingusinnerpaamik patent ´iliinissamik qinnuteqarnermut atatillugu. Imm. 2. Naalakkersuisut iluaquteqarniarnermut ingerlatseqatigiif�k ilisimatittassavaat kikkut paasisatigut angusaminnik patent-iliisoqarnissaannik qinnuteqaateqarniarnerannik, taamaasillugu iluaquteqarniarnermut ingerlatseqatigiif�up niuernermi siunertarisanut akuersissutinik qinnuteqarumaarsinnaasut attavigisinnaasassammagit. Kapitali 6 Niuernermi siunertarisanut atuineq § 10. Uumassusilinnit isumalluutiniktamakkunanngalu paasisatigut angusanik niuernermi siunertarisanut atuinissaq sunaluunniit pitinnagu piumasaqaataavoq niuernermi siunertarisanut akuersissummik iluaquteqarniarnermut ingerlatseqatigiif�mmit pissarsereertoqarsimanissaa. Akuersissummik tunniussineq pissaaq niuernermi siunertarisanut akuersissutinik siusinnerusukkut tunniussisareernerit ataqqillugit. Imm. 2. Niuernermi siunertarisanut akuersissummik qinnuteqaat iluaquteqarniarnermut ingerlatseqatigiif�mmut allaganngorlugu tunniunneqassaaq. Imm. 3. Naalakkersuisut imaluunniit iluaquteqarniarnermut ingerlatseqatigiif�k tamatuminnga piginnaatitaasoq niuernermi siunertarisanut akuersissutip atornissaanik malitassat sukumiinerusut pillugit eqqartuussissutigoortumik namminneq isumaqatigiissusiorsinnaapput, taamatullu aamma patent- imik piginnittumut patent´ip niuernermi siunertarisanut atornissaanik malitassat pillugit isumaqatigiissusiorsinnaallutik, tak. § 11. Imm. 4. Naalakkersuisut iluaquteqarniarnermut ingerlatseqatigiif�k piginnaatissinnaavaat niuernermi siunertarisanut akuersissutinik tunniussisinnaasarnissamik, tamatumani aamma ilanngullugit atuinissamik malitassanik sukumiinerusunik aalajangersaasinnaasarnissamik, tak. § 11. Naalakkersuisut iluaquteqarniarnermut ingerlatseqatigiif�mmut taamatut piginnaatitsinertik pisussaaf�ssatut tunniussinnaavaat. Naalakkersuisut niuernermi siunertarisanut akuersissutinik tunniussisarnermut atatillugu iluaquteqarniarnermut ingerlatseqatigiif�mmut aqutsinermut atasumik ilitsersuussisussaatitaapput. Naalakkersuisut taamatut nakkutilliinissamut atatillugu sukumiinerusunik maleruagassiisinnaapput. § 11. Naalakkersuisut imaluunniit iluaquteqarniarnermut ingerlatseqatigiif�k tamatuminnga piginnaatitaasoq, niuernermi siunertarisanut akuersissummik § 10 malillugu tunisisoqartillugu akuersissutip atornissaa pillugu malitassanik sukumiinerusunik aalajangersaasinnaapput, assersuutigalugu akiliuteqartarneq, akuersissutit atuuf�ssaat, qanoq sivisutigisumik atuunnissaat, nalunaarusiortussaatitaaneq qaqugukkullu atorunnaarnissaannut t malitassat pillugit. Naalakkersuisut iluaquteqarniarnermut ingerlatseqatigiif�up malitassanik pineqartunik aalajangersaasinnaanissaanut tunngavissat pillugit maleruagassanik sukumiinerusunik aalajangersaasoqarsinnaapput. Imm. 2. Niuernermi siunertarisanut akuersissutit pillugit akiliutissat naatsorsorneqartarput pineqartumut pissutsit atuuttut tunngavigalugit, assersuutigalugu akuersissutip qanoq sivisutigisumik atuunnissaa, atuuf�ssaa aammalu aningaasatigut iluanaarutigisassatut naatsorsuussat tunngavigalugit. Naalakkersuisut akuersissutinut akiliutigineqartartussat naatsorsorneqartarnissaannut atatillugu maleruagassanik sukumiinerusunik aalajangersaasinnaapput. Kapitali 7 Nalunaarusiortoqartarnissaanik piumasaqaat § 12. Kinaluunniit misissuinissamut akuersissummik aammalu taamaattoqassappat niuernermi siunertarisanut matumani inatsit malillugu akuersissummik tunineqarsimasoq misissuinissamut akuersissut taamaattoqarpallu aamma niuernermi siunertarisanut akuersissut tunngavigalugit misissuisimanerit ingerlanneqarsimasut, allaaserisatut saqqummiussat assilinerannik aammalu niuernermi siunertarisanut atuisoqarsimasinnaanera pillugit nalunaarusiamik ukiut tamaasa nassiussisassaaq Naalakkersuisunut. Naalakkersuisut pineqartunit paasissutissat pissarsiat ilisimasanik katersuivimmut immikkut toqqakkamut aammalu iluaquteqarniarnermut ingerlatseqatigiif�mmut ingerlateqqissinnaavaat. Imm. 2. Misissuineq suliniummik pineqartumik naammassisaqar�unngippat, imaluunniit allatigut pissuteqartumik unitsinneqarsimappat, Naalakkersuisunut nalunaarusiortoqassaaq. Nalunaarusiami nassuiaatigineqassapput suliniutip pineqartup siunertaa, killif�a il.il. aammalu ingerlateqqinneqaqqissinnaannginneranut suut pissutaasimanersut. Imm. 3. Naalakkersuisut nalilerpassuk paasissutissat nassiunneqartut imm. 1 aamma 2 malillugit piumasaqaataasut tunngavigalugit suliaasimanngitsut, qaqugukkulluunniit piumasarisinnaassavaat nalunaarusiaq pissarsiarineqartoq aammalu suliat ingerlanneqarsimasut pillugit annertunerusumik paasissutissiisoqassasoq. Imm. 4. Naalakkersuisut nalunaarusiaasartussat pillugit maleruagassanik sukumiinerusunik aalajangersaasinnaapput, aamma pineqartut imarisartagarisassaat, toqqorsimatinneqartarnissaat, toqqorsiveqartinneqartarnissaat pissarsiarineqartarsinnaanissaallu pillugit maleruagassat ilanngullugit. Kapitali 8 Misissuinissamut akuersissummik/imaluunniit niuernermi siunertarisanut akuersissummik atorunnaarsitsineq § 13. Naalakkersuisut inatsimmi matumani aalajangersakkat malitassallu aalajangiussat pillugit pisussaaf�mmik sumiginnaasoqartillugu misissuinissamut akuersissutinik aamma niuernermi siunertarisanut akuersissutinik atorunnaarsitsillutik utertitsisinnaapput. Kapitali 9 Pisortat oqartussaasuinit suliat aamma naammitgittaalliutit suliarineqartarnerat § 14. Naalakkersuisut qinnuteqaatit matumani inatsit malillugu atuuttut pisortat oqartussaasuinit aalajangersimasumit isumagineqartarnissaat pillugu aalajangersaasinnaapput. Naalakkersuisut ingerlatsiviup pineqartup aqutsinissaa pillugu sukumiinerusunik maleruagassaliorsinnaapput. § 15. Niuernermi siunertarisanut akuersissutit iluaquteqarniarnermut ingerlatseqatigiif�up aalajangiinera tunngavigalugu tunniunneqarsimasut pillugit naammagittaalliutit Inuussutissarsiornermut Pisortaqar�mmut tunniunneqarsinnaapput. Naammagittaalliutinik tunniussisinnaanermut pif�ssaliussaq sapaatit akunnerinik sisamanik killeqarpoq, aalajangiinerup naammagittaalliutigineqartup qinnuteqartumut apuunneraniit naatsorsuutigalugu. Kapitali 10 Pineqaatissiissutit § 16. Akiliisitsisoqarsinnaavoq ima pisoqartillugu: 1) Uumassusilinnit isumalluutinik misissuinissamut akuersissutinik pissarseqqaarani, tak. § 6, imm. 1 aamma imm.7, pissarsiniarneq, katersuineq imaluunniit misissuineq pisimappat. 2) Misissuinissamut akuersissummik, misissuinermit atortussarsianik taakkuluunniit ilaannik imaluunniit misissuinermut paasisatigut angusanik, tak. § 6, imm. 10, tunniussinerit atugassiissuteqarnerilluunniit suugaluartut pisimappata. 3) Uumassusilinnit isumalluutinik aammalu taakkunannga misissuisimanermit paasisatigut angusanik niuernermi siunertarisanut atuinerit suugaluartulluunniit pisut niuernermi siunertarisanut akuersissummik pissarseqqaarsimatinnani, tak. 10, imm. 1. 4) § 8, imm. 1, aamma 2, aamma § 12, imm. 1 aamma 2, unioqqutinneqarpata. 5) § 6, imm. 4, aamma § 11, imm. 1, naapertorlugit malitassatut aalajangersakkat qaangiinnarneqarpata. Imm. 2. Unioqqutitsineq suliffeqar�mmit naalagaaf�up, Namminersornerullutik Oqartussat, kommunip imaluunniit kommunit akornanni suleqatigiif�usumit, kommunalbestyrelsit aamma nunaqar�nni aqutsisut pillugit Inatsisartut inatsisaanni § 64 malillugu pilersinneqarsimasumit, aktianik piginneqatigiif�mmit, (anpartinik) piginneqatigiif�mmit, piginneqatigiilluni ingerlatseqatigiif�mmit assigisaannilluunniit tamakkiisumik ilaannakortumilluunniit pigineqartumit pisimappat suliffeqar�k il.il. pineqartoq taamatut akiliisitaanissamik akisussaatinneqarsinnaavoq. Taamatuttaaq aalajangersakkat aamma atuupput unioqqutitsineq Namminersornerullutik Oqartussanit, kommunimit imaluunniit kommunit akornanni suleqatigiif�usumit, kommunalbestyrelsit aamma nunaqar�nni aqutsisut pillugit Inatsisartut inatsisaanni § 64 malillugu pilersinneqarsimasumit pisimappat. Imm. 3. Matumani inatsit malillugu peqqussusiatigut aalajangersarneqarsinnaavoq aalajangersakkanik pineqartunik unioqqutitsineq akiliisitaanissamik akisussaatitsiviusinnaasoq. Imm. 4. Matumani inatsit malillugu peqqussusiatigut aalajangersarneqarsinnaavoq unioqqutitsineq suliffeqar�mmit naalagaaf�up, Namminersornerullutik Oqartussat, kommunip imaluunniit kommunit akornanni suleqatigiif�usumit, kommunalbestyrelsit aamma nunaqar�nni aqutsisut pillugit Inatsisartut inatsisaanni § 64 malillugu pilersinneqarsimasumit, aktianik piginneqatigiif�mmit, (anpartinik) piginneqatigiif�mmit, piginneqatigiilluni ingerlatseqatigiif�mmit assigisaannilluunniit tamakkiisumik ilaannakortumilluunniit pigineqartumit pisimappat suliffeqar�k il.il. pineqartoq taamatut akiliisitaanissamik akisussaatinneqarsinnaavoq. Taamatuttaaq aalajangersakkat aamma atuupput unioqqutitsineq Namminersornerullutik Oqartussanit, kommunimit imaluunniit kommunit akornanni suleqatigiif�usumit, kommunalbestyrelsit aamma nunaqar�nni aqutsisut pillugit Inatsisartut inatsisaanni § 64 malillugu pilersinneqarsimasumit pisimappat. § 17. Naalakkersuisut unioqqutitsisoqarsimatillugu isertut aamma atortussiaanngitsutigut pisinnaatitaaf�it pillugit taarsiissuteqartarnissamik aammalu arsaarinnissuteqartarnissamik sukumiinerusunik maleruagassaliorsinnaapput. Kapitali 11 Atuutilersinneqarnera § 18. Inatsit atuutilerpoq ulloq 1. december 2006 aallarner�galugu. Namminersornerullutik Oqartussat, ulloq 20. november 2006 Hans Enoksen / Siverth K. Heilmann Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut