Act No. 20 on concessions for sport fishing

Inatsisit Nr. 20 22. novembari 2011 Atorunnaartut Sukisaarsaatigalugu aalisartunik aalisartitsinermut akuersissuteqartarneq pillugu Inatsisartut inatsisaat Kapitali 1. Atuuf�a § 1. Sukisaarsaatigalugu eqalunnik (Salvelinus alpinus) aalisarnissaq siunertaralugu Kalaallit Nunaanni kuummut aalajangersimasumut imaluunniit imartamut annertunerusumik killilerneqartumut akuersissuteqartarneq inatsimmi killilersorneqarpoq. Imm. 2. Danskit naalagaaf�anni innuttaasunut Kalaallit Nunaanni aalajangersimasumik najugaqanngitsunut aamma nunat allat naalagaaf�ini innuttaasunut ukiut siuliini marlunni Kalaallit Nunaanni aalajangersimasumik najugaqarsimanngitsunut akiliisitsilluni aalisarsinnaanermik akuersissummik pigisaqartoq kisermaassilluni neqerooruteqarsinnaavoq. Kapitali 2. Sukisaarsaatigalugu aalisartitsinermut akuersissut § 2. Inuit danskit naalagaaf�anni innuttaasut Kalaallillu Nunaanni aalajangersimasumik najugaqanngitsut aalisarsinnaanermut akuersissummik nunami namminermi atuutummik pissarsisimagaluarunilluunniit kuummi imaluunniit imartami killilikkami akuersissuteqar�usumi nalinginnaasumik aalisarsinnaassanngillat. Imm. 2. Aammattaaq inuit nunat allat naalagaaf�ini innuttaasut ukiut siuliini marlunni Kalaallit Nunaanni aalajangersimasumik najugaqarsimanngitsut aalisarsinnaanermut akuersissummik nunami namminermi atuuttumik pissarsisimagaluarunilluunniit kuummi imaluunniit imartami killilikkami akuersissuteqar�usumi nalinginnaasumik aalisarsinnaassanngillat. Imm. 3. Danskit naalagaaf�anni innuuttaasut Kalaallit Nunaanni aalajangersimasumik najugaqartut aamma nunat allat naalagaaf�ini Danmarkimiunngitsoq innuttaasut Kalaallit Nunaanni aalajangersimasumik najugaqartut ukiunilu marlunni tulleriinni najugaqarsimasut sumiif�nni akuersissuteqar�usuni suli aalisarsinnaapput. § 3. Kuummi imaluunniit imartami killilikkami sukisaarsaatigalugu aalisartunik aalisartitsisinnaanermut akuersissut Naalakkersuisunit tunniunneqartarpoq. Akuersissut sumiif�mmut aaliangersimasumik killikkamut akuersissutaassaaq. Sumiif�k akuersissuteqar�usoq nunap assinnganik ilanngussilluni bilagitut tunniunneqassaaq. Kapitali 3. Akuersissummik pigisaqarnermut piumasaqaatit § 4. Akuersissummut piumasaqaatit annertunerusut Naalakkersuisut akuersissummillu pigisaqartoq akornanni akuersissut pillugu isumaqatigiissutaanni nalunaarutigineqassapput. § 5. Sumiif�up eqqiluitsuutinnissaanik sukujoqannginnissaanillu akuersissummik pigisaqartoq pisussaaffeqarpoq. § 6. Sumiif�mmi akuersissuteqar�usumi aalisarneq pillugu naatsorsueqqissaarusiornissamut akuersissummik pigisaqartoq pisussaaffeqarpoq. Sumiif�mmi ullormut qanoq amerlatigisut sukisaarsaatigalugu aalisarnersut skemanngorlugu nalunaarutigineqassaaq. Imm. 2. Paasissutissat ukiut tamaasa kingusinnerpaamik ulloq 1. oktober Naalakkersuisunut nassiunneqartassapput. § 7. Kuunni imartanilu akuersissuteqar�usuni akiliilluni sukisaarsaatigalugu aalisarnermi taamaallaat qissattaatit atorneqassapput. § 8. Aalisarnerup qanoq ingerlanneqarnissaa pillugu akuersissuteqarneq pillugu isumaqatigiissummi annertunerusunik aalajangersaasoqarsinnaavoq, tassunga ilanngullugit aalisarnermi atortut atorneqarsinnaasut aamma aalisakkat pisarineqartut ilaannik avalatsiteqqiinissamik pisussaaffeqarsinnaaneq. § 9. Akuersissummik pigisaqartoq sumiif�mmi akuersissuteqar�usumi aalisarsinnaanermut akuersissummik sukisaarsaatigalugu aalisartunut ataasiakkaanut tunniussissaaq. Aalisarsinnaanermut akuersissutit pif�ssani aalisar�usinnaasuni tamani immikkut tulleriinnillu normulersorneqassapput. Aalisarsinnaanermut akuersissutit periutsit Naalakkersuisunit suliarineqartut malillugit suliarineqassapput. Imm. 2. Sukisaarsaatigalugu aalisartoq sumiif�mmi akuersissuteqar�usumi aalisarsinnaasoq sumiif�mmi aalisarnermi aalisarsinnaanermut akuersissummik tigummisaqassaaq, taannalu piumasaqaateqartoqarnerani Kalaallit Nunaanni Aalisarsinnaanermut Akuersissutinik Nakkutilliisoqar�up aallartitaanut takutinneqartassaaq. Kapitali 4. Kuunnik akuersissuteqar�usunik toqqaaneq § 10. Kommunimi kuunnik eqaloqar�nnik atuinissamut soqutigisaqarnerup paasisaqar�ginissaa siunertaralugu kommuni sumiif�mmi tusarniaassaaq. Imm. 2. Imm. 1 malillugu tusarniaanermi akissutinik eqikkaaneq kommunimit suliarineqassaaq Naalakkersuisunullu nassiunneqarluni. § 11. Atuinissamik soqutigisaqarnerit pillugit tusarniaareernerup kingorna kuuit imartallu sorliit akuersissuteqar�gineqarnissaannik kommunip inassuteqaataa kommunip Naalakkersuisunut nassiutissavaa. Imm. 2. Sumiif�it illoqar�nnut nunaqar�nnullu illuaraqar�nnulluunniit qanittumiinngitsut sumiif�nnilu innuttaasunit aalisar�ttut atorneqarpiarneq ajortut kommunit sapinngisamik inassuteqaateqar�gissavaat. Imm. 3. Kuuit imartalluunniit sorliit akuersissuteqar�unissaat pillugu Naalakkersuisut aalajangiissapput. § 12. Sumiif�nni akuersissuteqar�usuni sukisaarsaatigalugu aalisartut qanoq amerlatigisut nungusaataanngitsumik ullormut aalisartinneqarsinnaanerannik aammalu sukisaarsaatigalugu aalisartut ataasiakkaat avalatsitseqqiinani ullormut qassinik pisaqarsinnaanerannik nalilersuineq inassuteqaat ilanngullugu kommunit suliarissavaat. § 13. Kalaallit Nunaanni sumiif�it akuersissuteqar�usut katillugit amerlassusaat pif�ssami sumiluunniit 20-t sinnissanngilaat. § 14. Akuersissuteqarneq pillugu erseqqarissumik assigiiaartumillu paasissutissiilluni kommuni sumiif�mmi akuersissuteqar�usumi allagartaliissaaq. Kapitali 5. Akuersissummik tunniussineq § 15. Inummut innuttaasunik nalunaarsuif�mmi Kalaallit Nunaanni najugaqartutut nalunaarsorneqarsimasumut aammalu ukiuni siuliini tulleriinni marlunni inuttaasunik nalunaarsuif�mmi Kalaallit Nunaanni najugaqartutut nalunaarsorneqarsimasumut aammalu Kalaallit Nunaanni tamakkiisumik akileraartussaatitaasumut akuersissut tunniunneqarsinnaavoq. Imm. 2. Aammattaaq0anpartsselskabimut, aktieselskabimut interessentselskabimulluunniit Kalaallit Nunaanni angerlarsimaffeqartumut akuersissut tunniunneqarsinnaavoq. Imm. 3. Anpartsselskabimut aktieselskabimulluunniit akuersissummik tunniussissagaanni suliffeqar�mmi piginneqataassutit 2/3-ii sinnerlugit inunnit imm. 1-imi piumasaqaatinik eqqortitsisunit pigineqassapput. Anpartsselskabimi aktieselskabimiluunniit 2/3-it sinnerlugit taasisinnaatitaaneq suliffeqar�mmi piginneqataassunik 2/3-ii sinnerlugit pigisaqarnermut naligiisinneqassaaq. Imm. 4. Interessentselskabimut akuersissummik tunniussissagaanni piginneqataasut tamarmik ukiuni siuliini marlunni tulleriinni innuttaasunik nalunaarsuif�mmi Kalaallit Nunaanni najugaqartutut nalunaarsorneqarsimassapput Kalaallillu Nunaanni tamakkiisumik akileraartussaatitaassallutik. § 16. Sumiif�it sorliit akuersissummik qinnuteqaateqar�usinnaanerat pillugu paasissutissiilluni aviisini nuna tamakkerlugu saqqummersartuni sivikinnerpaamik sapaatit akunnerinik ar�nilinnik siumut nalunaaruteqarluni Naalakkersuisut tamanut nalunaaruteqassapput. Inuit suliffeqar�illuunniit akuersissummik pissarsinissamik soqutigisaqartut qinnuteqaammik Naalakkersuisunut nassiussinissamik kaammattorneqassapput. § 17. Akuersissummik tunineqarnissaq pillugu qinnuteqaat Naalakkersuisunut nassiunneqassaaq, taakkulu akuersissummik tunniussinissaq pillugu aalajangiissapput. Imm. 2. Akuersissummik atuinissami suliniummik allaaserinninneq akuersissummik tunineqarnissaq pillugu qinnuteqaammut ilanngunneqassaaq. Imm. 3. Sukisaarsaatigalugu aalisartunik aalisartitsinissamut akuersissummik qinnuteqartut piukkunnaateqarnerat pillugu Naalakkersuisut Nunatsinni Takornariaqarnermut Inuussutissarsiornermullu Siunnersuisoqatigiinnut tusarniaassapput. Imm. 4. Qinnuteqartup piukkunnaateqarneranik nalilersuinermut atugassatut suliffeqar�up imaluunniit suliffeqar�up inummit ingerlanneqartup naatsorsuutaanik Naalakkersuisut qinnuteqarsinnaapput. § 18. Qinnuteqartumik ataatsimut nalilersuineq tunngavigalugu akuersissummik tunniussinissamik aalajangiisoqassaaq, tassani ilaatigut pissutsit uku pingaartinneqassallutik: 1) Takornarissanik sukisaarsaatigalugu aalisartunik aalisartitsisarnermik qinnuteqartup misilittagaqarnera. 2) Sukisaarsaatigalugu aalisarnermik aaqqissuussinikkut qinnuteqartup siusinnerusukkut aningaasanik kaaviiartitaqartitsilersinnaasimanera. 3) Qinnuteqartup takornariartsitsilluni inuussutissarsiuteqarnermi nalinginnaasumik misilittagai. 4) Qinnuteqartup sumiif�mmut atassuteqarnera. § 19. Qinnuteqartut kikkulluunniit akuersissummik tunineqarnissamut piukkunnaateqanngitsutut nalilerneqarpata akuersissummik tunniussinnginnissaq Naalakkersuisut toqqarsinnaavaat. § 20. Akuersissut ukiuni qulini atuuttussatut tunniunneqassaaq. Nalilerneqarpat siusinnerusukkut akuersissut naammaginartumik ingerlanneqarsimasoq ukiuni qulini atuuteqqittussatut akuersissut sivitsorneqarsinnaavoq. § 21. Inummut ataatsimut suliffeqar�mmulluunniit ataatsimut akuersissutit marlunnit amerlanerusut tunniunneqarsinnaanngillat. Imm. 2. Suliffeqar�it inunnit akuersissutinik marlunnik pigisaqareersunit 50 %-ii sinnerlugit piginneqataassuteqar�gineqartut akuersissutinik tunineqarsinnaanngillat. Imm. 3. Inuk suliffeqar�lluunniit aktieselskabimi imaluunniit anpartsselskabimi taasisinnaatitaanernik 50 %-it sinnerlugit pigisaqarpat imalunniit inuk suliffeqar�lluunniit suliffeqar�mmi aktianik anpartinilluunniit amerlanerussuteqartunik pigisaqarpat, tamanna akuersissummik pigisaqarnermut naligiisinneqassaaq. Kapitali 6. Akiliineq § 22. Sukisaarsaatigalugu aalisartoq sumiif�mmi akuersissuteqar�usumi ullormi ataatsimi aalisarnermut aalajangersimasumik akiliisassaaq. Inuup ataatsip ullormut ataatsimut akiliutissaa 150,00 kr.-inut aalajangerneqarpoq. Imm. 2. Akuersissummik pigisaqartup akiliutaa Nunap Karsiata pissavaa. Imm. 3. Akiliut ukiumut ataasiarluni akilerneqartassaaq ukiullu tamaasa ulloq 1. oktober akiligassanngortassalluni. Ulloq pif�ssaq eqqorlugu akiliif�ssaq kingusinnerpaaq tassaavoq akiliutissap akilerneqartussanngornerata kingorna 1. december aallaqqaataa tulliuttoq. Kapitali 7. Akuersissutip atorunnaarnera tunniunneqarneralu § 23. Akuersissut ukiumut aalisar�usinnaasuni tulleriinni sisamani pif�ssami aalisar�usumi ataatsimi taamaallaat inunnit ar�nilinnit ikinnerusunit atorneqarpat imaluunniit ukiumut aalisar�usinnaasumi inuit ar�nillit amerlaqataat akiliippata akuersissut atorunnaassaaq. § 24. Pif�ssap akuersissuteqar�usup atorunnaarnerani akuersissuteqartoq sumiif�mmi saliisussaatitaavoq. Sumiif�up akuersissuteqar�usup salinneqareerluni qimanneqarsimanera kommunip misissussavaa. § 25. Akuersissumut akiliutissaq akilerneqanngippat, takuuk § 22, imm. 1, imaluunniit akuersissummik nalunaaruteqarnermi piumasaqaatit allatigut annertuumik sumiginnarneqarpata akuersissut Naalakkersuisut utertissinnaavaat. § 26. Akuersissutinik tunniussinerit tamarmik Naalakkersuisunit akuerineqassapput. Akuersissut akiligassaqar�nnit akiliutigitinniarneqarsinnaanngilaq akuersissullu qularnaveeqqutitut tunniunneqarsinnaanani. Imm. 2. Akuersissut aktieselskabimit imaluunniit anpartsselskabimit pigineqarpat suliffeqar�mmi piginneqataassutsit 50 %-ii sinnerlugit tunniunneqarpata akuersissummik tunniussinertut isigineqassaaq. Imm. 3. Inuk suliffeqar�lluunniit taasisinnaassustit 50 %-ii sinnerlugit pigisaqalerpat imaluunnit inuk suliffeqar�lluunniit suliffeqar�mmi aktianik anpartinilluunniit amerlanerussuteqartunik pigisaqalerpat, tamanna tunniussinertut isigineqassaaq. Imm. 4. Suliffeqar�k akuersissummik pigisaqartoq suliffeqar�mmi pineqartumi piginnittuunnermi pissutsit allannguutai tamaasa pillugit Naalakkersuisunut nalunaaruteqartussaatitaavoq. Imm. 5. Interessentselskabimi piginneqataasut allanngornerat Naalakkersuisunit akuerineqassaaq. Imm. 6. Akuersissut kingornunneqarsinnaanngilaq. Kapitali 8. Pineqaatissiissutit § 27. Inuit danskit naalagaaf�anni innuttaasut Kalaallit Nunaanni aalajangersimasumik najugaqanngitsut imaluunniit nunani allani naalagaaf�nni inuttaasut ukiut siuliini marlunni Kalaallit Nunaanni aalajangersimasumik najugaqarnikuunngitsut akuersissummik piginnittumit akuerineqaratik kuummi imartamiluunniit akuersissuteqar�usumi aalisartut akiiisitsilluni pineqaatissinneqarsinnaapput. Imm. 2. Imm. 1 malillugu pineqaatissiilluni akiliutit Nunap Karsiata pissavai. § 28. Akuersissummik pigisaqartoq pif�ssap akuersissuteqar�usup atorunnaarnerata kingorna sumiif�mmi akuersissuteqar�usumi saliinngippat, akuersissummik pigisaqarsimasup akiligassaanik saliititsisoqarsinnaavoq. Kapitali 9. Atuutilernera § 29. Inatsit 1. januar 2012-imi atuutilerpoq. Namminersorlutik Oqartussat, ulloq 22. november 2011 Kuupik Kleist Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut