Resolution No. 263 of 2016 of Georgian Government on Rules and Procedure of Export-Importing Certain Hazardous Chemical Substances and Pesticides

საქართველოს მთავრობის დადგენილება №263 2016 წლის 13 ივნისი ქ. თბილისი ცალკეული საშიში ქიმიური ნივთიერებების და პესტიციდების ექსპორტ-იმპორტის წესისა და წინასწარ დასაბუთებული თანხმობის პროცედურის შესახებ მუხლი 1 „პესტიციდებისა და აგროქიმიკატების შესახებ“ საქართველოს კანონის 28-ე მუხლის მე-3 პუნქტის შესაბამისად, დამტკიცდეს თანდართული ცალკეული საშიში ქიმიური ნივთიერებების და პესტიციდების ექსპორტ-იმპორტის წესი და წინასწარ დასაბუთებული თანხმობის პროცედურა. მუხლი 2 დადგენილება ამოქმედდეს 2016 წლის 1 ივლისიდან. პრემიერ-მინისტრი გიორგი კვირიკაშვილი ცალკეული საშიში ქიმიური ნივთიერებების და პესტიციდების ექსპორტ-იმპორტის წესი და წინასწარ დასაბუთებული თანხმობის პროცედურა მუხლი 1. დადგენილების მიზანი 1. „ცალკეული საშიში ქიმიური ნივთიერებების და პესტიციდების ექსპორტ-იმპორტის წესისა და წინასწარ დასაბუთებული თანხმობის პროცედურის შესახებ“ საქართველოს მთავრობის დადგენილების (შემდგომში – დადგენილება) მიზანია: ა) საშიში ქიმიური ნივთიერებებისა და პესტიციდების სფეროს სამართლებრივი მოწესრიგება „ცალკეული საშიში ქიმიური ნივთიერებებითა და პესტიციდებით საერთაშორისო ვაჭრობის სფეროში წინასწარი დასაბუთებული თანხმობის პროცედურის შესახებ“ როტერდამის 1998 წლის 10 სექტემბრის კონვენციისა (შემდგომში – როტერდამის კონვენცია) და „მდგრადი ორგანული დამბინძურებლების შესახებ“ სტოკჰოლმის 2001 წლის 22 მაისის კონვენციის (შემდგომში – სტოკჰოლმის კონვენცია) მოთხოვნების შესაბამისად; ბ) სახელმწიფოში ცალკეული საშიში ქიმიური ნივთიერებებითა და პესტიციდებით საერთაშორისო ვაჭრობის სფეროში დანიშნული ეროვნული ორგანოებისა და მათი პასუხისმგებლობის განსაზღვრა, ადამიანის ჯანმრთელობისა და გარემოს დაცვის მიზნით; გ) ცალკეული საშიში ქიმიური ნივთიერებებისა და პესტიციდების ადამიანის ჯანმრთელობისა და გარემოსათვის უსაფრთხოდ გამოყენების ხელშეწყობა. 2. ამ დადგენილებით განისაზღვრება: ა) ექსპორტის შეტყობინებისა და გაცხადებული თანხმობის მოთხოვნის წესი იმ ცალკეული საშიში ქიმიური ნივთიერებებისა და პესტიციდების ექსპორტის მიზნით, რომლებიც როტერდამის კონვენციის შესაბამისად, ექვემდებარებიან წინასწარ დასაბუთებული თანხმობის პროცედურას და რომლებიც აკრძალული და მკაცრად შეზღუდულია საქართველოს ტერიტორიაზე; ბ) საქართველოს ტერიტორიაზე მკაცრად შეზღუდული ცალკეული საშიში ქიმიური ნივთიერებების და პესტიციდების იმპორტზე თანხმობის გაცემის წესი; გ) სტოკჰოლმის კონვენციით განსაზღვრული ქიმიური ნივთიერებების ტრანსსასაზღვრო გადაზიდვის აკრძალვა და მკაცრად შეზღუდვა. http://www.matsne.gov.ge 34012000010003019328 მუხლი 2. რეგულირების სფერო 1. ამ დადგენილების რეგულირების სფეროს განეკუთვნება: ა) ცალკეული საშიში ქიმიური ნივთიერებები და პესტიციდები, რომლებიც როტერდამის კონვენციის შესაბამისად, ექვემდებარებიან წინასწარ დასაბუთებული თანხმობის პროცედურას (შემდგომში – PIC პროცედურა); ბ) ცალკეული საშიში ქიმიური ნივთიერებები და პესტიციდები, რომლებიც აკრძალული ან მკაცრად შეზღუდულია საქართველოს ტერიტორიაზე; გ) სტოკჰოლმის კონვენციით განსაზღვრული მდგრადი ორგანული დამბინძურებლები („მოდები“), რომელთა ექსპორტიც აკრძალულია. 2. ამ დადგენილების რეგულირების სფეროს არ განეკუთვნება: ა) ნარკოტიკული პრეპარატები და ფსიქოტროპული ნივთიერებები; ბ) რადიოაქტიური ნივთიერებები და მასალები; გ) ნარჩენები; დ) ქიმიური იარაღი; ე) ფარმაცევტული პრეპარატები, მათ შორის, სამკურნალო პრეპარატები და ვეტერინარული საშუალებები; ვ) ქიმიური ნივთიერებები, რომლებიც გამოიყენება როგორც საკვები დანამატები; ზ) სურსათის/ცხოველის საკვები; თ) ქიმიური ნივთიერებები იმ ოდენობით, რომელიც არ ახდენს მავნე ზემოქმედებას ადამიანის ჯანმრთელობასა და გარემოზე ან/და რომელიც იმპორტირებულია ან ექსპორტირებულია ლაბორატორიული და სასწავლო-სამეცნიერო მიზნით გამოყენებისათვის და მათი ოდენობა არ აღემატება 2 კგ-ს, ერთჯერადი გადაზიდვისას. მუხლი 3. ტერმინთა განმარტება ამ დადგენილების მიზნებისათვის გამოყენებულ ტერმინებს აქვთ შემდეგი მნიშვნელობა: ა) ქიმიური ნივთიერება – ნივთიერება, რომელიც არსებობს დამოუკიდებლად ან შედის ნარევის ან პრეპარატის შემადგენლობაში, რომელიც დამზადებულია სამრეწველო წესით ან მიღებულია ბუნებრივი გზით, მაგრამ არ შეიცავს არანაირ ცოცხალ ორგანიზმს. ეს ტერმინი მოიცავს შემდეგ კატეგორიებს: ა.ა) პესტიციდი (საშიში პესტიციდური შემადგენლობების ჩათვლით) – რომელიც განსაზღვრულია „პესტიციდებისა და აგროქიმიკატების შესახებ“ საქართველოს კანონით; ა.ბ) სამრეწველო ქიმიური ნივთიერებები – ქიმიური ნივთიერებები, რომლებიც განკუთვნილია სამრეწველო მიზნით გამოყენებისათვის; ბ) აკრძალული ქიმიური ნივთიერება – ქიმიური ნივთიერება, რომლის ყველა სახის გამოყენება, ერთი ან რამდენიმე კატეგორიის ფარგლებში, აკრძალულია საბოლოო სარეგლამენტაციო გადაწყვეტილებით, საქართველოს ტერიტორიაზე ადამიანის ჯანმრთელობისა და გარემოს დაცვის მიზნით. ეს მოიცავს ქიმიურ ნივთიერებებს, რომელთა პირველ გამოყენებაზეც ითქვა უარი ან რომლებიც ამოღებულ იქნა მრეწველობიდან, რომელთა გაყიდვა ქვეყნის შიგნით აიკრძალა ან რომელთა მოცემულ ქვეყანაში გაყიდვაზე თანხმობის გაცემის პროცესი შეწყდა, ამასთან არსებობს იმის უტყუარი დადასტურება, რომ ეს ზომები მიღებულ იქნა ადამიანის ჯანმრთელობის ან გარემოს დაცვის მიზნით; http://www.matsne.gov.ge 34012000010003019328 გ) მკაცრად შეზღუდული ქიმიური ნივთიერება – ქიმიური ნივთიერება, რომლის თითქმის ყველა სახით გამოყენება, ერთი ან რამდენიმე კატეგორიის ფარგლებში, აკრძალულია საბოლოო სარეგლამენტაციო გადაწყვეტილებით, ადამიანის ჯანმრთელობისა და გარემოს დაცვის მიზნით, თუმცა დასაშვებია მისი ზოგიერთი კონკრეტული სახით გამოყენება. ეს მოიცავს ქიმიურ ნივთიერებას, რომელიც თითქმის ყველა გამოყენების სფეროდან ამოღებულ იქნა ან რომელიც ამოღებულ იქნა მრეწველობიდან ან რომლის გაყიდვა ქვეყნის შიგნით აიკრძალა ან რომლის მოცემულ ქვეყანაში გაყიდვაზე თანხმობის გაცემის პროცესი შეწყდა, ამასთან არსებობს იმის უტყუარი დადასტურება, რომ ეს ზომები მიღებულ იქნა ადამიანის ჯანმრთელობის ან გარემოს დაცვის მიზნით; დ) განსაკუთრებით საშიში პესტიციდური შემადგენლობა – ქიმიური ნივთიერება, რომელიც მიღებულია იმ მიზნით, რომ გამოყენებულ იქნეს როგორც პესტიციდი და რომელიც მავნე ზეგავლენას ახდენს ადამიანის ჯანმრთელობაზე ან გარემოზე, რაც დადასტურებულია მისი კონკრეტულ პირობებში ერთჯერადი ან მრავალჯერადი გამოყენების შემდგომ, დროის მოკლე პერიოდში განხორციელებული დაკვირვებით; ე) საქართველოს ტერიტორიაზე აკრძალული ან მკაცრად შეზღუდული ქიმიური ნივთიერება – ნებისმიერი ქიმიური ნივთიერება, რომელიც აკრძალული ან მკაცრად შეზღუდულია საქართველოს ტერიტორიაზე საბოლოო სარეგლამენტაციო გადაწყვეტილებით; ვ) საბოლოო სარეგლამენტაციო გადაწყვეტილება – მხარის მიერ მიღებული გადაწყვეტილება, რომელიც არ საჭიროებს შემდგომ სარეგლამენტაციო გადაწყვეტილებას და რომლის მიზანია ქიმიური ნივთიერებების ან პესტიციდის აკრძალვა ან მკაცრი შეზღუდვა; ზ) ექსპორტი და იმპორტი – ერთი მხარის ტერიტორიიდან მეორე მხარის ტერიტორიაზე ქიმიური ნივთიერების და პესტიციდების გადაადგილება, რომელიც აგრეთვე მოიცავს რეექსპორტს, გარდა ტრანზიტული პროცედურებისა; თ) ექსპორტიორი – ფიზიკური ან იურიდიული პირი: თ.ა) რომლის სახელითაც იქნა წარდგენილი ექსპორტის დეკლარაცია, რომელიც დეკლარაციის მიღების დროს წარმოადგენს ხელშეკრულებას იმპორტიორ მხარესთან ან სხვა ქვეყანასთან და აქვს უფლება, გაიტანოს ქიმიური ნივთიერებები საქართველოს საბაჟო ტერიტორიიდან; თ.ბ) რომელსაც არ აქვს გაფორმებული ექსპორტის ხელშეკრულება ან არის ხელშეკრულების წარმომდგენი, არ მოქმედებს საკუთარი სახელით და აქვს ქიმიური ნივთიერებების საქართველოს ტერიტორიიდან გატანის უფლება; თ.გ) რომელიც რეგისტრირებულია საქართველოში და რომელსაც ექსპორტის ხელშეკრულება გაფორმებული აქვს საქართველოს ფარგლებს გარეთ რეგისტრირებულ პირთან, რომელსაც აქვს ქიმიური ნივთიერებების განკარგვის უფლებამოსილება; ი) იმპორტიორი – ფიზიკური ან იურიდიული პირი, რომელიც ქიმიური ნივთიერებების საქართველოს საბაჟო ტერიტორიაზე შემოტანის დროს არის ტვირთის მიმღები; კ) როტერდამის კონვენცია – „ცალკეული საშიში ქიმიური ნივთიერებებითა და პესტიციდებით საერთაშორისო ვაჭრობის სფეროში წინასწარი დასაბუთებული თანხმობის პროცედურის შესახებ“ როტერდამის 1999 წლის 10 სექტემბრის კონვენცია; ლ) სამდივნო – როტერდამის კონვენციის სამდივნო; მ) მხარე – სახელმწიფო ან ეკონომიკური ინტეგრაციის რეგიონალური ორგანიზაცია, რომელსაც ეკისრება როტერდამის კონვენციით გათვალისწინებული ვალდებულებები და რომლისთვისაც ეს კონვენცია ძალაშია შესული; ნ) წინასწარ დასაბუთებული თანხმობა – როტერდამის კონვენციის მიერ შემოღებული საკვანძო პროცედურა, რომლის შესაბამისად, არ არის დაშვებული ამ კონვენციის III დანართით განსაზღვრული აკრძალული ან მკაცრად შეზღუდული ქიმიური ნივთიერებების ან პესტიციდების ექსპორტი, იმპორტიორი ქვეყნის წინასწარი თანხმობის გარეშე, რომელიც მან უნდა გასცეს წერილობითი დოკუმენტის სახით, სადაც მინიშნებული იქნება, რომ იმპორტიორი მხარის ან სხვა ქვეყნის ეროვნული დანიშნული ორგანო თანახმაა როტერდამის კონვენციის III დანართში შესული საშიში ქიმიური ნივთიერების ან პესტიციდის იმპორტზე. ჩვეულებრივ პირობებში, თანხმობა უნდა ეფუძნებოდეს გადაწყვეტილების მიღების სახელმძღვანელო http://www.matsne.gov.ge 34012000010003019328 დოკუმენტებში მოცემულ ინფორმაციას, რომელიც საფუძვლად დაედო ამ ქიმიური ნივთიერებების კონვენციის III დანართში შეტანას და დაკავშირებულია საფრთხეებთან, რისკებთან, გამოყენების ფორმასა და ხელმისაწვდომ ალტერნატივებთან; ო) სტოკჰოლმის კონვენცია – „მდგრადი ორგანული დამბინძურებლების შესახებ“ სტოკჰოლმის 2001 წლის 22 მაისის კონვენცია; პ) საერთაშორისო სარეგისტრაციო ნომერი – (შემდგომში - CAS) – ქიმიური ნივთიერებების რეფერენტული სამსახურის (Chemical Abstracts Service) მიერ წარმოებულ რეესტრში მინიჭებული სარეგისტრაციო ნომრები; ჟ) დანიშნული ეროვნული ორგანო – ეროვნული ორგანო (DNA), რომელიც უფლებამოსილია, შეასრულოს როტერდამის კონვენციით გათვალისწინებული ადმინისტრაციული ფუნქციები, საშიში ქიმიური ნივთიერებების და პესტიციდების ექსპორტსა და იმპორტთან დაკავშირებით; რ) გადაწყვეტილების მიღების სახელმძღვანელო დოკუმენტი – სამდივნოს მიერ მომზადებული დოკუმენტი, რომელიც მოიცავს ძირითად ინფორმაციას ქიმიური ნივთიერებებისა და პესტიციდების თაობაზე, მათ შორის, მათი საშიშროების კლასიფიკაციას, ინფორმაციის დამატებით წყაროებს და ინფორმაციას შესაძლებელი ალტერნატივების შესახებ როტერდამის კონვენციის III დანართში ჩამოთვლილი და წინასწარ დასაბუთებული თანხმობის პროცედურას დაქვემდებარებული თითოეული საშიში ქიმიური ნივთიერებისა და პესტიციდებისთვის; ს) IUPAK – სუფთა და გამოყენებითი ქიმიის საერთაშორისო კავშირი; ტ) MSDS – ქიმიური ნივთიერებების და პესტიციდების უსაფრთხოების შესახებ მონაცემთა ფურცელი, შედგენილი საერთაშორისო მოთხოვნათა შესაბამისად; უ) „სეს ესნ“ კოდი – საგარეო-ეკონომიკური საქმიანობის ეროვნული სასაქონლო ნომენკლატურის კოდი. მუხლი 4. დანიშნული ეროვნული ორგანოები 1. საქართველოში ცალკეული საშიში ქიმიური ნივთიერებებითა და პესტიციდებით საერთაშორისო ვაჭრობის სფეროს მარეგულირებელ დანიშნულ ეროვნულ ორგანოებს წარმოადგენენ საქართველოს გარემოსა და ბუნებრივი რესურსების დაცვის სამინისტრო და საქართველოს სოფლის მეურნეობის სამინისტროს სახელმწიფო კონტროლს დაქვემდებარებული საჯარო სამართლის იურიდიული პირი სურსათის ეროვნული სააგენტო. 2. საქართველოს გარემოსა და ბუნებრივი რესურსების დაცვის სამინისტრო უფლებამოსილია, განახორციელოს ამ დადგენილებით გათვალისწინებული ადმინისტრაციული ფუნქციები, საქართველოში ცალკეული საშიში ქიმიური ნივთიერებების ექსპორტ-იმპორტსა და რეექსპორტთან დაკავშირებით. 3. სსიპ – სურსათის ეროვნული სააგენტო უფლებამოსილია, განახორციელოს ამ დადგენილებით გათვალისწინებული ადმინისტრაციული ფუნქციები, საქართველოში პესტიციდების (მათ შორის, საშიში პესტიციდური შემადგენლობების) ექსპორტიმპორტსა და რეექსპორტთან დაკავშირებით. 4. ამ მუხლის პირველი მე-3 პუნქტებით განსაზღვრულმა, დანიშნულმა ეროვნულმა ორგანოებმა უნდა უზრუნველყონ: ა) ამ დადგენილების მე-5 მუხლით განსაზღვრულ, PIC პროცედურას დაქვემდებარებულ ქიმიურ ნივთიერებებსა და პესტიციდებთან დაკავშირებით საბოლოო სარეგლამენტაციო გადაწყვეტილების შესახებ შეტყობინების შედგენა და სამდივნოსთვის წარდგენა; ბ) ამ დადგენილების მე-6 მუხლით განსაზღვრულ, PIC პროცედურას დაქვემდებარებულ ქიმიურ ნივთიერებებსა და პესტიციდებთან დაკავშირებით, იმპორტზე პასუხის შედგენა და სამდივნოსთვის მიწოდება; გ) ამ დადგენილების №1 დანართით – „საქართველოს ტერიტორიაზე წარმოების, გამოყენების, იმპორტის და ექსპორტის აკრძალვას ან მკაცრად შეზღუდვას დაქვემდებარებული ქიმიური ნივთიერებების და პესტიციდების ნუსხა“ - განსაზღვრული, მკაცრად შეზღუდული ქიმიური ნივთიერებების და პესტიციდების http://www.matsne.gov.ge 34012000010003019328 იმპორტზე თანხმობის გაცემა; დ) განსაზღვრულ მოთხოვნებთან მიწოდებული ინფორმაციის შესაბამისობის შემოწმება და ექსპორტიორისგან მიღებული ექსპორტის შეტყობინების გადაცემა იმპორტიორი ქვეყნების დანიშნული ეროვნული ორგანოებისთვის, ამ დადგენილების მე-16 მუხლის მე-2 პუნქტის შესაბამისად; ე) სხვა ქვეყნებიდან მიღებული ექსპორტის შეტყობინებების მიღების დადასტურება, ამ დადგენილების მე-17 მუხლის შესაბამისად; ვ) გაცხადებული თანხმობის მოთხოვნების შედგენა და წარდგენა იმპორტიორი ქვეყნების დანიშნული ეროვნული ორგანოებისთვის, ამ დადგენილების მე-18 მუხლის მე-3 პუნქტით განსაზღვრული PIC პროცედურას დაქვემდებარებული ქიმიური ნივთიერებების და პესტიციდების ექსპორტის შეტყობინებების შესაბამისად; ზ) აკრძალული და მკაცრად შეზღუდული ქიმიური ნივთიერებებისა და პესტიციდების ექსპორტის იმპორტის მონაცემთა ბაზის შექმნა; თ) აკრძალული და მკაცრად შეზღუდული საშიში ქიმიური ნივთიერებებისა და პესტიციდების იმპორტის თაობაზე ყველა გადაწყვეტილების საჯარო ხელმისაწვდომობა. მუხლი 5. შეტყობინება როტერდამის კონვენციის ფარგლებში აკრძალული ან მკაცრად შეზღუდული ქიმიური ნივთიერებების და პესტიციდების შესახებ 1. დანიშნულმა ეროვნულმა ორგანომ წერილობით უნდა აცნობოს სამდივნოს ცალკეული საშიში ქიმიური ნივთიერებების ან პესტიციდების შესახებ, რომლებიც აკრძალული ან მკაცრად შეზღუდულია საქართველოს ტერიტორიაზე. 2. ამ მუხლის პირველი პუნქტით განსაზღვრული შეტყობინება სამდივნოს ეგზავნება ცალკეული საშიში ქიმიური ნივთიერების ან პესტიციდის აკრძალვის ან მკაცრად შეზღუდვის შესახებ საბოლოო სარეგლამენტაციო გადაწყვეტილების მიღებიდან არაუგვიანეს 90 დღისა. 3. ამ მუხლის პირველ პუნქტში აღნიშნულ შეტყობინებაში წარმოდგენილი უნდა იყოს სრული ინფორმაცია, ამ დადგენილების №3 დანართის - „კონვენციის სამდივნოს შეტყობინება აკრძალული და მკაცრად შეზღუდული ქიმიური ნივთიერებების შესახებ“ მოთხოვნების შესაბამისად. 4. იმ შემთხვევაში, თუ ინფორმაცია არ აკმაყოფილებს ამ დადგენილების №3 დანართით განსაზღვრულ მოთხოვნებს, ექსპორტიორმა ან იმპორტიორმა დანიშნულ ეროვნულ ორგანოს ყველა საჭირო ინფორმაცია უნდა წარუდგინოს ამავე ორგანოს მოთხოვნიდან 60 დღის განმავლობაში. 5. ამ მუხლის პირველი და მე-2 პუნქტების შესაბამისად, სამდივნოსთვის წარდგენილ საბოლოო სარეგლამენტაციო გადაწყვეტილებაში ცვლილების შეტანის შემთხვევაში, დანიშნულმა ეროვნულმა ორგანომ საბოლოო სარეგლამენტაციო გადაწყვეტილების ძალაში შესვლიდან უმოკლეს დროში, მაგრამ არაუგვიანეს 60 დღისა, წერილობით უნდა აცნობოს სამდივნოს ცვლილებების შეტანის თაობაზე. 6. ნებისმიერი მხარის ან სამდივნოს მოთხოვნის შემთხვევაში, დანიშნულმა ეროვნულმა ორგანომ უნდა წარადგინოს დამატებითი ინფორმაცია ქიმიური ნივთიერების ან საბოლოო სარეგლამენტაციო გადაწყვეტილების შესახებ, თუ ასეთი ინფორმაციის გაცემა შესაძლებელია. მუხლი 6. ვალდებულებები „PIC პროცედურას“ დაქვემდებარებული საშიში ქიმიური ნივთიერებების და პესტიციდების იმპორტთან დაკავშირებით 1. დანიშნული ეროვნული ორგანო იღებს იმპორტის შესახებ გადაწყვეტილებას როტერდამის კონვენციის III დანართში შეტანილი საშიში ქიმიური ნივთიერებების სამომავლო იმპორტთან დაკავშირებით და აცნობებს სამდივნოს თავის გადაწყვეტილებას, სამდივნოს მიერ გადაწყვეტილების მიღების სახელმძღვანელო დოკუმენტის გაგზავნის თარიღიდან არაუგვიანეს 9 თვის განმავლობაში. http://www.matsne.gov.ge 34012000010003019328 2. ამ მუხლის პირველი პუნქტის შესაბამისად, იმპორტზე პასუხი მზადდება ამ დადგენილების №4 დანართით „იმპორტზე პასუხის ფორმა“ განსაზღვრული ფორმით. 3. იმ შემთხვევაში, თუ ამ მუხლის პირველი პუნქტის თანახმად, ქიმიური ნივთიერება ან პესტიციდი საქართველოს კანონმდებლობით დამატებით ან შეცვლილი სახით შეზღუდვებს დაექვემდებარა, შესაბამისი დანიშნული ეროვნული ორგანო ხელახლა იხილავს იმპორტის შესახებ გადაწყვეტილებას და აწვდის სამდივნოს განახლებულ გადაწყვეტილებას არაუგვიანეს 6 თვის განმავლობაში. 4. ამ მუხლის პირველი პუნქტით განსაზღვრული იმპორტის შესახებ გადაწყვეტილება უნდა შეესაბამებოდეს ქიმიური ნივთიერებების კატეგორიას ან იმ კატეგორიებს, რომლებიც განსაზღვრულია გადაწყვეტილების მიღების სახელმძღვანელო დოკუმენტით. 5. შესაბამისმა დანიშნულმა ეროვნულმა ორგანომ უნდა უზრუნველყოს სამდივნოსათვის ინფორმაციის მიწოდება საკანონმდებლო ან ადმინისტრაციული ღონისძიებების შესახებ, რომლებსაც ეფუძნება იმპორტის შესახებ გადაწყვეტილება. 6. ექსპორტიორებმა უნდა დააკმაყოფილონ გადაწყვეტილებები, რომლებიც მოცემულია თითოეულ იმპორტზე პასუხში, არაუგვიანეს 6 თვისა, მას შემდეგ, რაც სამდივნო შეატყობინებს დანიშნულ ეროვნულ ორგანოს ამ პასუხის შესახებ ცირკულარის საშუალებით. მუხლი 7. ცალკეული საშიში ქიმიური ნივთიერებების და პესტიციდების იმპორტზე თანხმობის მისაღებად საჭირო დოკუმენტაცია 1. მკაცრად შეზღუდული ქიმიური ნივთიერებების და პესტიციდების იმპორტზე თანხმობის მისაღებად წარსადგენი ძირითადი დოკუმენტაცია და პირობები განისაზღვრება ამ დადგენილებით. 2. ამ დადგენილების №1 დანართით განსაზღვრული, მკაცრად შეზღუდული ქიმიური ნივთიერების ან პესტიციდის იმპორტზე თანხმობის მაძიებელი ფიზიკური ან იურიდიული პირი შესაბამის დანიშნულ ეროვნულ ორგანოს წარუდგენს წერილობით განაცხადს, რომელიც უნდა პასუხობდეს საქართველოს ზოგადი ადმინისტრაციული კოდექსის 78-ე მუხლით გათვალისწინებულ მოთხოვნებს. ამასთან, უნდა შეიცავდეს ინფორმაციას: ა) თანხმობის რომელი სახის მიღებას (მკაცრად შეზღუდულ ქიმიურ ნივთიერებასა თუ პესტიციდზე, ერთჯერად, თუ ეტაპობრივ შემოტანაზე) მოითხოვს თანხმობის მაძიებელი; ბ) იმპორტიორის/ექსპორტიორის დასახელებას, სამართლებრივ ფორმას, საიდენტიფიკაციო კოდსა და მისამართს (ფიზიკური პირის შემთხვევაში – სახელს, გვარს, მისამართს, პირად ნომერს); გ) იმპორტიორი/ექსპორტიორი ქვეყნის და იმპორტიორი/ექსპორტიორი კომპანიის საქმიანობის შესახებ; დ) საქართველოს ტერიტორიაზე საქონლის შემოსვლის სასაზღვრო პუნქტის დასახელებას; ე) საქონლის მწარმოებელი ქვეყნის და კომპანიის დასახელებას; ვ) ნივთიერების დასახელებას, „სეს ესნ“ კოდს, საერთაშორისო სარეგისტრაციო (CAS) ნომერს, შემადგენლობას, რაოდენობას, ფიზიკურ მდგომარეობას, გამოყენების სახეს, მონაცემებს ტვირთის კლასიფიკაციისა და ეტიკეტირების/ნიშანდების შესახებ; ზ) შეფუთვის სახეობას და რაოდენობას; თ) სატრანსპორტო საშუალების სახეობას (საზღვაო, საჰაერო, სარკინიგზო, საგზაო) და სახელმწიფო სარეგისტრაციო ნომერს. 3. მკაცრად შეზღუდული პესტიციდის იმპორტზე თანხმობის მაძიებლის განაცხადი ასევე უნდა შეიცავდეს: პესტიციდის სახეობას, პესტიციდის სავაჭრო დასახელებას, პრეპარატულ ფორმას, მოქმედი ნივთიერების დასახელებას და კონცენტრაციას, პესტიციდის რაოდენობას, დაფასოების ტიპს (ჭურჭლის მასალა და მოცულობა), მონაცემებს პესტიციდის გამოყენების ხერხის, მიზნის, სახის, დროის, ადგილის, რაოდენობის, მოსავლის აღებამდე ლოდინის პერიოდის შესახებ, ასევე შესანახი საწყობის მისამართს. http://www.matsne.gov.ge 34012000010003019328 4. იმპორტზე თანხმობის მისაღებად წარსადგენ განცხადებას თან უნდა დაერთოს: ა) წარმოშობის სერტიფიკატი; ბ) ხარისხისა და შესაბამისობის სერტიფიკატები; გ) საშიში ქიმიური ნივთიერების ან პესტიციდის უსაფრთხოების მონაცემები (MSDS); დ) ფიზიკური პირის შემთხვევაში, პირადობის მოწმობის ასლი; ე) ხელშეკრულების ასლი იმ პირთან, რომელიც წარმოადგენს იმპორტირებული ქიმიური ნივთიერებებისა და პესტიციდების შემსყიდველ მხარეს. 5. ინფორმაცია, რომელიც მოყვანილია შეტყობინებაში, ასევე ინფორმაცია ეტიკეტზე და უსაფრთხოების შესახებ მონაცემთა ფურცელში (MSDS) მოცემული უნდა იყოს როტერდამის კონვენციის ოფიციალურ ენებსა და ერთ ან რამდენიმე ძირითად ენაზე, დანიშნულების ქვეყნის ან მიზნობრივი გამოყენების სფეროს შესაბამისად. მუხლი 8. იმპორტზე თანხმობის გაცემის ორგანო და თანხმობის გაცემის წესი 1. იმპორტზე თანხმობა გაიცემა ამ დადგენილების მე-4 მუხლში განსაზღვრული დანიშნული ეროვნული ორგანოების მიერ მარტივი ადმინისტრაციული წარმოების წესით, საქართველოს კანონმდებლობისა და ამ პროცედურის შესაბამისად. 2. მკაცრად შეზღუდული პესტიციდის ან პესტიციდური შემადგენლობის იმპორტზე თანხმობა უნდა შეესაბამებოდეს „პესტიციდებისა და აგროქიმიკატების შესახებ“ საქართველოს კანონს. 3. იმპორტზე თანხმობის ფორმა განსაზღვრულია №5 დანართით - „მკაცრად შეზღუდული ქიმიური ნივთიერების ან პესტიციდის იმპორტზე თანხმობის ფორმა“. 4. იმპორტზე თანხმობა გაიცემა 3 ეგზემპლარად, რომელთაგან ერთი რჩება შესაბამის დანიშნულ ეროვნულ ორგანოში, ხოლო 2 გადაეცემა განმცხადებელს. მუხლი 9. იმპორტზე თანხმობის მოქმედების ვადა და პირობები 1. მკაცრად შეზღუდული ქიმიური ნივთიერების ან პესტიციდის იმპორტზე თანხმობა გაიცემა წელიწადში ერთხელ, ერთი წლის ვადით. 2. ამ მუხლის პირველი პუნქტით განსაზღვრული ვადის ამოწურვამდე შესაძლებელია იმპორტის განხორციელება ეტაპობრივად, თუ საქონლის თანმხლები დოკუმენტებით დასტურდება, რომ თითოეული სასაქონლო პარტია წარმოადგენს იმ ტვირთის ნაწილს, რომელზეც გაიცა იმპორტზე თანხმობა. მუხლი 10. იმპორტზე თანხმობის უწყებრივი რეესტრი 1. იმპორტზე თანხმობის გამცემი შესაბამისი დანიშნული ეროვნული ორგანო ვალდებულია, თავისი კომპეტენციის ფარგლებში, შეიმუშაოს და აწარმოოს იმპორტზე გაცემული თანხმობის უწყებრივი რეესტრი. 2. შესაბამისი დანიშნული ეროვნული ორგანოს მიერ იმპორტზე გაცემული თანხმობის ან იმპორტზე უარის თქმის შესახებ ინფორმაცია განთავსებული იქნება თავის ოფიციალურ ვებგვერდზე. მუხლი 11. ინფორმაციის გაცვლა დანიშნულ ეროვნულ ორგანოებს შორის http://www.matsne.gov.ge 34012000010003019328 დანიშნული ეროვნული ორგანოები ვალდებულნი არიან, დაუყოვნებლივ გაცვალონ ინფორმაცია ამ პროცედურებით გათვალისწინებული ქმედებების განხორციელების თაობაზე. მუხლი 12. იმპორტზე თანხმობის გაცემაზე უარის თქმის საფუძველი და უარის გასაჩივრების წესი მკაცრად შეზღუდული ქიმიური ნივთიერებების ან პესტიციდების იმპორტზე თანხმობის გაცემაზე უარის თქმის საფუძველი და თანხმობის გაცემაზე უარის გასაჩივრების წესი განისაზღვრება საქართველოს კანონმდებლობით დადგენილი წესის შესაბამისად. მუხლი 13. იმპორტზე თანხმობის გამცემის უფლება-მოვალეობები იმპორტზე თანხმობის გამცემის უფლება-მოვალეობები განისაზღვრება ამ დადგენილების მე-4 მუხლის შესაბამისად. მუხლი 14. იმპორტზე თანხმობის დაკარგვა ან დაზიანება მფლობელის მიერ იმპორტზე თანხმობის ფორმის დაკარგვის ან დაზიანების შემთხვევაში, გაიცემა დუბლიკატი საქართველოს კანონმდებლობით დადგენილი წესით. მუხლი 15. იმპორტზე თანხმობის პირობების შესრულების კონტროლი 1. იმპორტზე თანხმობის გამცემი ორგანოები უფლებამოსილნი არიან, შეამოწმონ ქიმიური ნივთიერების ან პესტიციდის იმპორტის შემდეგ თანხმობის გაცემისას №5 დანართით განსაზღვრული პირობების შესრულება. 2. ამ დადგენილებით განსაზღვრული თანხმობის მფლობელების მიერ თანხმობის პირობების შესრულების კონტროლს ახორციელებს შესაბამისი დანიშნული ეროვნული ორგანო. მუხლი 16. მხარეებისა და სხვა ქვეყნებისათვის გადაცემული შეტყობინება ექსპორტის შესახებ 1. ამ დადგენილების №1 დანართში ჩამოთვლილი ქიმიური ნივთიერებების, პესტიციდის ან ასეთი ნივთიერების შემცველი ნარევის პირველი ექსპორტის განხორციელების შემთხვევაში, ექსპორტიორი ვალდებულია, ამ პროცედურების მე-4 მუხლის შესაბამისად, შესაბამის დანიშნულ ეროვნულ ორგანოს, ექსპორტის განხორციელებამდე არაუგვიანეს 30 დღისა, შეატყობინოს ექსპორტის განხორციელების შესახებ. შემდგომში ექსპორტიორი ვალდებულია, შესაბამის დანიშნულ ეროვნულ ორგანოს №1 დანართში აღნიშნული ქიმიური ნივთიერების ან პესტიციდის ექსპორტის შესახებ შეტყობინება მიაწოდოს ყოველ კალენდარულ წელს, არაუგვიანეს 15 დღით ადრე ექსპორტის განხორციელებამდე. შეტყობინება უნდა აკმაყოფილებდეს ამ დადგენილების №6 დანართით - „მოთხოვნები ექსპორტის შეტყობინების ინფორმაციასთან დაკავშირებით“ განსაზღვრულ მოთხოვნებს. 2. დანიშნული ეროვნული ორგანო განიხილავს, შეესაბამება თუ არა მოწოდებული ინფორმაცია №6 დანართით განსაზღვრულ მოთხოვნებს და ექსპორტის განხორციელების შესახებ შეტყობინებას №7 დანართის „ექსპორტის შეტყობინების ფორმა“ - შესაბამისად უგზავნის იმპორტიორი მხარის შესაბამის დანიშნულ ორგანოს, ექსპორტიორის მიერ პირველი ექსპორტის განხორციელების თარიღამდე არაუგვიანეს 15 დღით ადრე და შემდეგ ყოველ კალენდარულ წელს, შესაბამისი წლის პირველი ექსპორტის განხორციელებამდე. 3. დანიშნული ეროვნული ორგანოს მიერ ექსპორტის შესახებ ყველა შეტყობინებას ენიჭება ექსპორტის საიდენტიფიკაციო ნომერი და რეგისტრირდება უწყებრივი თანხმობის უწყებრივ რეესტრში, საქართველოს კანონმდებლობით დადგენილი წესის შესაბამისად. 4. იმ შემთხვევაში, თუ დანიშნული ეროვნული ორგანო პირველადი ექსპორტის შეტყობინების გაგზავნიდან 30 დღის განმავლობაში არ მიიღებს №1 დანართში შეტანილი ქიმიური ნივთიერებების ან პესტიციდების http://www.matsne.gov.ge 34012000010003019328 შეტყობინების მიღების დადასტურებას იმპორტიორი მხარის შესაბამის დანიშნულ ორგანოსაგან, ექსპორტის დანიშნულმა ეროვნულმა ორგანომ უნდა უზრუნველყოს განმეორებითი შეტყობინების დაუყოვნებლივ, მაგრამ არაუმეტეს 10 დღისა, გაგზავნა, აგრეთვე განახორციელოს შესაბამისი ქმედებები, რათა იმპორტიორი მხარის შესაბამისმა დანიშნულმა ეროვნულმა ორგანომ მიიღოს განმეორებითი შეტყობინება. 5. ამ მუხლის პირველ პუნქტში განსაზღვრული ექსპორტის შესახებ ახალი შეტყობინება კეთდება ექსპორტიორის მიერ აგრეთვე იმ შემთხვევაში, თუ ექსპორტი განხორციელდება ამ რეჟიმს დაქვემდებარებული ქიმიური ნივთიერების ან პესტიციდის ბაზარზე განთავსების შეზღუდვის, გამოყენებისა და მარკირების შესახებ საქართველოს კანონმდებლობაში შეტანილი ცვლილებების შემდეგ. ექსპორტის შესახებ ახალი შეტყობინება უნდა აკმაყოფილებდეს ამ დადგენილების №6 დანართში განსაზღვრულ მოთხოვნებს, რომელშიც მითითებული უნდა იყოს, რომ წარდგენილი შეტყობინება წარმოადგენს უკვე არსებული შეტყობინების შესწორებულ ვერსიას. 6. იმპორტიორ ქვეყანაში ამ მუხლის პირველი-მე-3 პუნქტებით განსაზღვრული მოთხოვნები შეიძლება სრულად ან ნაწილობრივ მოიხსნას შესაბამისი დანიშნული ეროვნული ორგანოს გადაწყვეტილებით, როცა ქიმიური ნივთიერების ექსპორტი გამოწვეულია გადაუდებელი აუცილებლობით, როდესაც ნებისმიერმა დაყოვნებამ შეიძლება ზიანი მიაყენოს ადამიანის ჯანმრთელობას ან გარემოს დაცვას. 7. ამ მუხლის პირველი-მე-3 პუნქტებით განსაზღვრული ვალდებულებები უქმდება იმ შემთხვევაში, თუ შესრულებულია ქვემოთ მოცემული ყველა პირობა: ა) ქიმიური ნივთიერება ან პესტიციდი ექვემდებარება წინასწარ დასაბუთებული თანხმობის (PIC) პროცედურას; ბ) იმპორტიორი ქვეყანა, როგორც როტერდამის კონვენციის ერთ-ერთი წევრი ქვეყანა, ამ კონვენციის 10(2) პუნქტის თანახმად, სამდივნოს წარუდგენს პასუხს, ცალკეული ქიმიური ნივთიერების ან პესტიციდის იმპორტის შესახებ თანხმობის ან უარის შესახებ. ეს პუნქტი არ ვრცელდება იმ შემთხვევებზე, როდესაც იმპორტიორი მხარე ითხოვს ექსპორტის შესახებ შეტყობინების რეჟიმის გაგრძელებას ექსპორტიორი მხარისაგან, იმპორტის შესახებ გადაწყვეტილების მიღების ან არმიღების მიზნით; გ) დანიშნული ეროვნული ორგანო სამდივნოს მიერ ინფორმირებულია პასუხის შესახებ; დ) იმპორტიორი მხარის დანიშნული ეროვნული ორგანოს ან სხვა ქვეყნის შესაბამისი იმპორტიორი მხარის მიერ მოხსნილია ამ ქიმიური ნივთიერების ექსპორტამდე შეტყობინების მოთხოვნა. 8. მოთხოვნის შემთხვევაში, დანიშნული ეროვნული ორგანო და ექსპორტიორი იმპორტიორ მხარეს მიაწვდიან მათ ხელთ არსებულ დამატებით ინფორმაციას ექსპორტირებულ ქიმიურ ნივთიერებებსა და პესტიციდებზე. მუხლი 17. მხარეებიდან ან სხვა ქვეყნებიდან მიღებული ექსპორტის შეტყობინებები შესაბამისი დანიშნული ეროვნული ორგანო ადასტურებს ქიმიური ნივთიერების ან/და პესტიციდის ექსპორტის შესახებ შეტყობინების მიღებას მხარეების დანიშნული ორგანოებისაგან ან სხვა ქვეყნის შესაბამისი ორგანოებისაგან, იმ ქიმიური ნივთიერებებისა და პესტიციდების შესახებ, რომელთა წარმოება, გამოყენება, იმპორტი და ექსპორტი ექვემდებარება აკრძალვას ან მკაცრ შეზღუდვას მხარის ან სხვა ქვეყნის კანონმდებლობით. მუხლი 18. ქიმიური ნივთიერებების ან პესტიციდების ექსპორტთან დაკავშირებული ვალდებულებები 1. დანიშნულმა ეროვნულმა ორგანომ უნდა უზრუნველყოს: ა) დაინტერესებული მეწარმეებისა და მეწარმეთა ასოციაციებისათვის ინფორმაციის მიწოდება, რომელსაც დანიშნული ეროვნული ორგანო სამდივნოდან იღებს ცირკულარული წერილების ან სხვა სახით, იმ ქიმიური ნივთიერებებისა და პესტიციდების შესახებ, რომლებიც ექვემდებარებიან შეტყობინებას წინასწარ დასაბუთებული თანხმობის პროცედურით, აგრეთვე იმპორტიორი მხარის პასუხების/გადაწყვეტილებების მიწოდება ამ ნივთიერებების იმპორტის პირობებთან დაკავშირებით; ბ) წინასწარ დასაბუთებული თანხმობის პროცედურას დაქვემდებარებული საშიში ქიმიური ნივთიერებებისა და პესტიციდების იმპორტის შესახებ გადაწყვეტილებებთან დაკავშირებული ინფორმაციის (იმპორტზე http://www.matsne.gov.ge 34012000010003019328 თანხმობა ან იმპორტზე უარის თქმა) შენახვა იმპორტზე თანხმობის უწყებრივ რეესტრში, რომელიც უნდა იყოს საჯაროდ ხელმისაწვდომი, აგრეთვე ამ ინფორმაციის გაცემაზე მოთხოვნის შემთხვევაში; გ) იმპორტის შესახებ პასუხის მიწოდება დაინტერესებული მხარეებისთვის, მისი კომპეტენციის ფარგლებში. 2. ექსპორტიორმა უნდა უზრუნველყოს ქიმიური ნივთიერებების ან პესტიციდების იმპორტთან დაკავშირებული, დანიშნული ეროვნული ორგანოს მეირ მიღებული საბოლოო გადაწყვეტილების ან შუალედური პასუხის დაკმაყოფილება არაუგვიანეს 6 თვისა, მას შემდეგ, რაც სამდივნო პირველად შეატყობინებს ექსპორტიორი ქვეყნის დანიშნულ ეროვნულ ორგანოს გადაწყვეტილების შესახებ. 3. გარდა ამ დადგენილების მე-16 მუხლით გათვალისწინებული ექსპორტის შეტყობინების მოთხოვნებისა, №1 დანართის პირველ ნაწილში ჩამოთვლილი ქიმიური ნივთიერებები, პესტიციდები, რომლებიც ექვემდებარება წინასწარ დასაბუთებული თანხმობის პროცედურას ან ასეთი ნივთიერების შემცველი ნარევები, არ უნდა იქნეს ექსპორტირებული, თუ არ არის დაკმაყოფილებული ქვემოთ ჩამოთვლილი მოთხოვნებიდან ერთ-ერთი: ა) ამ მუხლის პირველი პუნქტის თანახმად, სამდივნოს უახლეს ცირკულარულ წერილში მითითებულია, რომ იმპორტიორმა მხარემ თანხმობა განაცხადა იმპორტზე; ბ) ექსპორტიორის მიერ მოძიებულ ან/და მიღებულ იქნა გაცხადებული თანხმობა იმპორტზე იმპორტიორი მხარის დანიშნული ეროვნული ორგანოსგან ან სხვა იმპორტიორი ქვეყნის შესაბამისი დანიშნული ორგანოსგან. იმ შემთხვევაში, თუ ექსპორტიორი მხარის მიერ განხორციელებულ იქნა ქმედებები თანხმობის მიღებისთვის და პასუხი არ იქნა მიღებული შეტყობინების გაგზავნიდან 30 დღის განმავლობაში, დანიშნული ეროვნული ორგანოს მიერ გაგზავნილ უნდა იქნეს შეხსენება. 4. დანიშნულ ეროვნულ ორგანოს შეუძლია, ცალკეულ შემთხვევებში, მიიღოს გადაწყვეტილება ექსპორტთან დაკავშირებული პროცედურების გაგრძელებასთან დაკავშირებით, მიუხედავად იმისა, რომ არ არის მიღებული პასუხი შეტყობინების გაგზავნიდან 60 დღის განმავლობაში, ამ მუხლის მე-3 პუნქტის „ბ“ ქვეპუნქტის შესაბამისად და არსებობს ოფიციალური წყაროებიდან მიღებული მტკიცებულება იმპორტიორი მხარისგან ან სხვა ქვეყნიდან იმის შესახებ, რომ იმპორტიორ ქვეყანაში ქიმიური ნივთიერება და პესტიციდი არის ლიცენზირებული ან/და რეგისტრირებული გამოყენებისათვის. 5. შესაბამისი დანიშნული ორგანო ვალდებულია, ყველა მოთხოვნის გაცხადებული თანხმობები, მიღებული პასუხები და უარი ექსპორტზე/იმპორტზე აღრიცხოს იმპორტზე თანხმობის უწყებრივ რეესტრში. 6. ამ მუხლის მე-4 პუნქტის შესაბამისად, თითოეულ გაცხადებულ თანხმობას ან უარს, რომელიც მიღებულია იმპორტიორი ქვეყნის დანიშნული ეროვნული ორგანოდან, ამ მუხლის მე-5 პუნქტის შესაბამისად, უნდა მიენიჭოს გაცხადებული თანხმობის საიდენტიფიკაციო ნომერი, რომელიც წერილობით უნდა ეცნობოს ექსპორტიორ მხარეს გონივრულ ვადაში. ასევე უნდა მიეთითოს ნებისმიერი ინფორმაცია, რომელიც შეეხება თანხმობის პირობებს და მოქმედების ვადებს. 7. ქიმიური ნივთიერების ან პესტიციდის ექსპორტი უნდა განხორციელდეს არაუგვიანეს 6 თვით ადრე მისი გამოყენების ვადის გასვლის თარიღამდე, თუ ასეთი თარიღი არსებობს ან ამ თარიღის დადგენა შეიძლება წარმოების თარიღიდან, გარდა იმ შემთხვევისა, როცა ქიმიური ნივთიერების თვისებების მიხედვით ამის დადგენა შეუძლებელია. 8. ამ დადგენილების №2 დანართში - „საშიში ქიმიური ნივთიერებების და პესტიციდების ნუსხა, რომელთა წარმოება, გამოყენება, იმპორტი და ექსპორტი საქართველოს ტერიტორიაზე აკრძალულია სტოკჰოლმის კონვენციის თანახმად“, ჩამოთვლილი საშიში ქიმიური ნივთიერებების და პესტიციდების ექსპორტი (რომელთა წარმოება, გამოყენება, იმპორტი და ექსპორტი საქართველოში აკრძალულია სტოკჰოლმის კონვენციის თანახმად, ადამიანის ჯანმრთელობის ან გარემოს დაცვის მიზნით) არ უნდა განხორციელდეს. მუხლი 19. ქიმიური ნივთიერებების და პესტიციდების ექსპორტის თანმხლები ინფორმაცია 1. ამ დადგენილების №1 დანართში მითითებული ექსპორტირებული ქიმიური ნივთიერებები ან/და პესტიციდები ექვემდებარება შეფუთვასა და ეტიკეტირებას, გაერთიანებული ერების ორგანიზაციის ქიმიური ნივთიერებების კლასიფიკაციის და ეტიკეტირების გლობალური ჰარმონიზებული სისტემის (UN GHS) შესაბამისად ან ეროვნული კანონმდებლობით დადგენილი წესით. ასევე გათვალისწინებული უნდა იყოს http://www.matsne.gov.ge 34012000010003019328 იმპორტიორი მხარის სპეციფიკური მოთხოვნები, შესაბამისი საერთაშორისო სტანდარტები და საჭიროების შემთხვევაში, სხვა დამატებითი ინფორმაცია. 2. ამ მუხლის პირველი პუნქტით განსაზღვრული ქიმიური ნივთიერებების და პესტიციდების ეტიკეტზე უნდა იყოს მითითებული ვარგისიანობის ვადა და გამოშვების თარიღი, აუცილებლობის შემთხვევაში, სხვადასხვა კლიმატური ზონებისათვის უნდა მიეთითოს შესაბამისი ვარგისიანობის ვადა. 3. პესტიციდების ექსპორტის შემთხვევაში, ექსპორტიორებმა უნდა უზრუნველყონ ეტიკეტზე კონკრეტული ინფორმაციის არსებობა, შენახვის პირობებისა და შენახვისას იმპორტიორი ქვეყნის კლიმატური პირობების შესაბამისად, პესტიციდის სტაბილურობის შესახებ, აგრეთვე კონტეინერების ზომა და ოპტიმალური შეფუთვა უნდა უზრუნველყოფდეს მათი თვისებების გაუარესების რისკის მინიმუმამდე დაყვანას. 4. ამ მუხლის პირველ პუნქტში აღნიშნულ ქიმიურ ნივთიერებებს და პესტიციდებს ექსპორტისას თან უნდა ახლდეს უსაფრთხოების შესახებ მონაცემთა ფურცელი (MSDS), გაერთიანებული ერების ორგანიზაციის ქიმიური ნივთიერებების კლასიფიკაციის და ეტიკეტირების გლობალური ჰარმონიზებული სისტემის (UN GHS) შესაბამისად ან ეროვნული კანონმდებლობით დადგენილი წესით. ექსპორტიორმა უსაფრთხოების შესახებ მონაცემთა ფურცელი უნდა დაუგზავნოს თითოეულ იმპორტიორს. 5. შეტყობინების ინფორმაცია, აგრეთვე ეტიკეტსა და უსაფრთხოების შესახებ მონაცემთა ფურცელში (MSDS) განთავსებული ინფორმაცია მოცემული უნდა იყოს როტერდამის კონვენციის ოფიციალურ ენებზე ან ერთ ან რამდენიმე ძირითად ენაზე, დანიშნულების ქვეყნის შესაბამისად. მუხლი 20. ქიმიური ნივთიერებების იმპორტისა და ექსპორტის კონტროლი საბაჟო კონტროლის ზონაში საქართველოს ფინანსთა სამინისტროს მმართველობის სფეროში შემავალი სსიპ – შემოსავლების სამსახური (შემდგომში - სამსახური) ახორციელებს ამ დადგენილების პირველ დანართში ჩამოთვლილი, მკაცრად შეზღუდული საშიში ქიმიური ნივთიერებების და პესტიციდების იმპორტის კონტროლს, დანიშნული ეროვნული ორგანოების მიერ გაცემული თანხმობის შესაბამისად და ექსპორტის კონტროლს, იმპორტიორი მხარის გაცხადებული თანხმობის შეტყობინების შესახებ, დანიშნული ეროვნული ორგანოების მიერ გადაცემული ინფორმაციის შესაბამისად. მუხლი 21. პასუხისმგებლობა დადგენილების დარღვევისათვის ამ დადგენილებით განსაზღვრული ვალდებულებების დარღვევისათვის პასუხისმგებლობა განისაზღვრება საქართველოს კანონმდებლობით დადგენილი წესით. http://www.matsne.gov.ge 34012000010003019328 დანართი №1 საქართველოს ტერიტორიაზე წარმოების, გამოყენების, იმპორტის და ექსპორტის აკრძალვას ან მკაცრად შეზღუდვას დაქვემდებარებული ქიმიური ნივთიერებების და პესტიციდების ნუსხა ნაწილი I ქიმიური ნივთიერებების და პესტიციდების ნუსხა, რომლებზეც ვრცელდება წინასწარ დასაბუთებული თანხმობის (PIC) პროცედურა როტერდამის კონვენციის ფარგლებში № ქიმიური ნივთიერება საერთაშორისო სარეგისტრაციო ნომერი (CAS) სეს ესნ კოდი (HS) კოდი გამოყენების კატეგორია გადაწყვეტილება 1 2 3 4 5 6 1. 2,4,5-T და მისი მარილები და ეთერები 93-76-5 2918.91 პესტიციდი აკრძალულია 2. ალაქლორი 15972-60-8 იხ.შენიშვნა პესტიციდი აკრძალულია 3. ალდიკარბი 116-06-3 იხ.შენიშვნა პესტიციდი აკრძალულია 4. ალდრინი 309-00-2 2903.82 პესტიციდი აკრძალულია 5. აზინფოს-მეთილი 86-50-0 პესტიციდი 6. ბინაპაკრილი 485-31-4 2916.16 პესტიციდი აკრძალულია 7. კაპტაფოლი 2425-06-1 2930. 50 პესტიციდი აკრძალულია 8. ქლორდანი 57-74-9 2903.82 პესტიციდი აკრძალულია 9. ქლორდიმეფორმი 6164-98-3 2925.21 პესტიციდი აკრძალულია 10. ქლორობენზილატი 510-15-6 2918.18 პესტიციდი აკრძალულია 11. დდტ 50-29-3 2903.92 პესტიციდი აკრძალულია 12. დილდრინი 60-57-1 2910.40 პესტიციდი აკრძალულია 13. დინიტროორთოკრეზოლი (დნოკი) და მისი მარილები (ისეთები, როგორებიცაა) ამონიუმის, კალიუმისა და ნატრიუმის მარილები) 534-52-1 2980-64-5 5787-96-2 2312-76-7 2908.92 პესტიციდი აკრძალულია 14. დინოსები და მისი მარილები და ეთერები 88-85-7 2813-95-7 2908.91 2915.36 პესტიციდი აკრძალულია 15. EDB 1.2. დიბრომეთანი 106-93-4 2903.31 პესტიციდი აკრძალულია 16. ენდოსულფანი 115-29-7 იხ.შენიშვნა პესტიციდი აკრძალულია 17. ეთილენდიქლორიდი 107-06-2 2903.15 პესტიციდი აკრძალულია 18. ეთილენოქსიდი 75-21-8 2910.10 პესტიციდი აკრძალულია 19. ფტორაცეტამიდი 640-19-7 2924.12 პესტიციდი აკრძალულია 20. HCH (იზომერების ნარევი) ჰექსაქლორციკლოჰექსანი 608-73-1 2903.81 პესტიციდი აკრძალულია 21. ჰეპტაქლორი 76-44-8 2903.82 პესტიციდი აკრძალულია 22. ჰექსაქლორბენზოლი 118-74-1 2903.92 პესტიციდი აკრძალულია 23. ლინდანი (გამა-HCH) 58-89-9 2903.81 პესტიციდი აკრძალულია 24. ვერცხლისწყლის შემცველი ნაერთები, მ.შ. ვერცხლისწყლის არაორგანული ნაერთები ალკილვერცხლისწყლის ნაერთები, აგრეთვე ალიკოლიქსიალკილის და არილირებული ვერცხლისწყლის ნაერთები 2852.10 პესტიციდი აკრძალულია 25. მონოკროტოფოსი (ხსნარი რომელიც შეიცავს 600 გ/ლ აქტიურ ინგრედიენტზე მეტს) 6923-22-4 2924.12 პესტიციდი აკრძალულია 26. პარათიონი 56-38-2 2920.11 პესტიციდი აკრძალულია 27. პენტაქლოროფენოლი და მისი მარილები და ეთერები 87-86-5 2908.11 – პენტაქლოროფენოლი 2908.19 – პენტაქლოროფენოლის მარილები პესტიციდი აკრძალულია 28. ტოქსაფენი (კამფექლორი) 8001-35-2 - პესტიციდი აკრძალულია 29. ტრიბუთილკალის ნაერთები: რიბუთილკალის ოქსიდი რიბუთილკალის ფტორიდი რიბუთილკალის მეტაკროლატი ტრიბუთილკალის ბენზოატი რიბუთილკალის ქლორიდი რიბუთილკალის ლინოლეატი ტრიბუთილკალის ნაფტენატი 56-35-9 1983-10-4 2155-70-6 4342-36-3 1461-22-9 24124-25-2 85409-17-2 პესტიციდი აკრძალულია 30. შესაფრქვევი ფხვნილოვანი შემადგენლობები, რომლებიც შეიცავენ კომბინაციას: ≥7% ბენომილს; ≥10% კარბოფურანს; ≥15% თირამს 17804-35-2 1563-66-2 137-26-8 განსაკუთრებით საშიში პესტიციდური შემადგენლობა აკრძალულია 31. მეტამიდოფოსი 10265-92-6 2930.50 პესტიციდი აკრძალულია 32. ფოსფამიდონი (ხსნარი, რომელიც შეიცავს 1000 გ/ლ აქტიურ ინგრედიენტზე მეტს) (E) და (Z) იზომერების ნარევი, (Z) - იზომერი (E) - იზომერი 13171-21-6 23783-98-4 297-994 2924.12 განსაკუთრებით საშიში პესტიციდური შემადგენლობა აკრძალულია 33. მეთილ-პარათიონი (ემულგირებადი კონცენტრანტები ინგრედიენტის ≥19.5 % შემცველობით და ფხვნილოვანი შემადგენლობა აქტიური ინგრედიენტის ≥1.5% შემცველობით) 298-00-0 2920.11 განსაკუთრებით საშიში პესტიციდური შემადგენლობა აკრძალულია 34. აქტინოლიტი 77536-66-4 2524.90 სამრეწველო აკრძალულია 35. ანთოფილიტი 77536-67-5 2524.90 სამრეწველო აკრძალულია 36. ამოზიტი 12172-73-5 2524.90 სამრეწველო აკრძალულია 37. კროკიდოლიტი 12001-28-4 2524.10 სამრეწველო აკრძალულია 38. ტრემოლიტი 77536-68-6 2524.90 სამრეწველო აკრძალულია 39. კომერციული ოქტაბრომოდიფენილეთერი (ჰექსაბრომოდიფენილეთერის და ჰეპტაბრომოდიფენილეთერის ჩათვლით) 36483-60-0, 68928-80-3 სამრეწველო აკრძალულია 40. კომერციული პენტაბრომოდიფენილეთერი (ტეტრაბრომოდიფენილეთერის და პენტაბრომოდიფენილეთერის ჩათვლით) 32534-81-9 40088-47-9 სამრეწველო აკრძალულია 41. პერფტოროოქტანსულფონმჟავა, პერფტოროოქტანსულფონატები, პერფტოროოქტანსულფონამიდები და პერფტოროოქტანსულფონილები 1691-99-2 1763-23-1 24448-09-7 251099-16-8 2795-39-3 29081-56-9 29457-72-5 307-35-7 31506-32-8 4151-50-2 56773-42-3 70225-14-8 სამრეწველო აკრძალულია 42. პოლიბრომირებული ბიფენილები (PBB) ჰექსა ოქტა დეკა 36355-01 827858-07-7 13654-09-6 სამრეწველო აკრძალულია 43. პოლიქლორირებული ბიფენილები (PCB) გარდა მონო- და დიქლორბიფენილებისა 1336-36-3 - სამრეწველო აკრძალულია 44. პოლიქლორირებული ტერფენილები (PCT) 61788-33-8 - სამრეწველო აკრძალულია 45. ტეტრაეთილტყვია 78-00-2 2931.10 სამრეწველო აკრძალულია 46. ტეტრამეთილტყვია 75-74-1 2931.10 სამრეწველო აკრძალულია 47. ტრის (2,3-დიბრომპროპილი) ფოსფატი 126-72-7 2919.10 სამრეწველო აკრძალულია შენიშვნა: ეს ნივთიერება კონვენციის დანართს დაემატა 2011 წელს. მსოფლიო სავაჭრო ორგანიზაცია სავარაუდოდ ამ ნივთიერებას სეს ესნ კოდს მიანიჭებს 2017 წელს ნაწილი II ექსპორტის შეტყობინების პროცედურას დაქვემდებარებული ქიმიური ნივთიერებების და პესტიციდების ნუსხა № ქიმიური ნივთიერება CAS ნომერი სეს ესნ კოდი გამოყენების სახე გადაწყვეტილება 1 2 3 4 5 6 1. ნიტროფენი 1836-75-5 პესტიციდები აკრძალულია 2. ქვინტოზანი 82-68-8 პესტიციდები აკრძალულია 3. ქლორპიკრინი 76-06-2 პესტიციდები აკრძალულია 4. დიკოფოლი 115-32-2 პესტიციდები მკაცრი შეზღუდვა 5. ა) მალეიქ ჰიდრაზიდიდა მისი მარილები, გარდა ქოლინის და მალეიქ ჰიდრაზიდის კალიუმის და ნატრიუმის მარილებისა; ბ) ქოლინი, მალეიქ ჰიდრაზიდის კალიუმის და ნატრიუმის მარილები 123-33-1 61167-10-0 51542-52-0 28330-26-9 პესტიციდები მკაცრი შეზღუდვა 6. მონომეთილ- დიქლორო-დიფენილ მეთანი (იუგილეკ 121; იუგილეკ 21) სამრეწველო აკრძალულია 7. დიბუთილბორონ ტრიფტორომეთან სულფონატი (DBBT) 99688-47-8 სამრეწველო მკაცრი შეზღუდვა 8. 2–ნაფტილამინი 91-59-8 სამრეწველო მკაცრი შეზღუდვა 9. ბენზიდინი 92-87-5 სამრეწველო მკაცრი შეზღუდვა 10. 4-ნიტრობიფენილი 92-93-3 სამრეწველო მკაცრი შეზღუდვა 11. 4-ამინობიფენილი 92-67-1 სამრეწველო მკაცრი შეზღუდვა 12. ტრის (1- აზირინიდილ) ფოსფინოქსიდი 545-55-1 სამრეწველო მკაცრი შეზღუდვა 13. მონომეთილ-ტეტრაქლორო- დიფენილ მეთანი (იუგილეკ 76253-60-6 სამრეწველო მკაცრი შეზღუდვა საქართველოს მთავრობის 2016 წლის 9 დეკემბრის დადგენილება №537 - ვებგვერდი, 13.12.2016წ. დანართი №2 საშიში ქიმიური ნივთიერებების და პესტიციდების ნუსხა, რომელთა წარმოება, გამოყენება, იმპორტი და ექსპორტი საქართველოს ტერიტორიაზე აკრძალულია სტოკჰოლმის კონვენციის თანახმად სტოკჰოლმის კონვენციის ..ა“ და „ბ“ დანართებით და როტერდამის კონვენციის III დანართით განსაზღვრული მდგრადი ორგანული დამბინძურებლები № ქიმიური ნივთიერება CAS ნომერი სეს ესნ კოდი 1. ალდრინი 309-00-2 2. ქლორდანი 57-74-9 3. ქლორდეკონი 143-50-0 2914.70 4. დილდრინი 60-57-1 5. ენდრინი 72-20-8 6. ჰეპტაქლორი 76-44-8 7. ჰექსაბრომბიფენილი 36355-01-8 2903.81 8. ჰექსაბრომდიფენილეთერი და ჰეპტაბრომდიფენილეთერი (კომერციული ოქტაბრომდიფენილეთერი) 68631-49-2 207122-15-4 446255-22-7 207122-16-5 9. ჰექსაქლორბენზოლი 118-74-1 10. ალფა ჰექსაქლორციკლოჰექსანი 319-84-6 11. ბეტა-ჰექსაქლორციკლოჰექსანი 319-85-7 12. ლინდანი 58-89-9 2903.81 13. მირექსი 2385-85-5 14. პენტაქლორბენზოლი 608-93-5 15. პოლიქლორირებული ბიფენილები (PCB) 1336-36-3 16. ტექნიკური ენდოსულფანი და მისი იზომერები ალფა ბეტა 959-98-8 33213-65-9 17. ტეტრაბრომდიფენილეთერი და პენტაბრომდიფენილეთერი (კომერციული პენტაბრომდიფენილეთერი) 5436-43-1 60348-60-9 18. კამფექლორი (ტოქსაფენი) 8001-35-2 19. დდტ 50-29-3 20. პერფტოროოქტანსულფონმჟავა (პფოს), მისი მარილები და პერფტოროოქტანსულფონილ ფტორიდი 1763-23-1 2904.90 დანართი №3 კონვენციის სამდივნოს შეტყობინება აკრძალული და მკაცრად შეზღუდული ქიმიური ნივთიერებების შესახებ შეტყობინება უნდა მოიცავდეს შემდეგს: 1. თვისებები, იდენტიფიკაცია და გამოყენება: ა) საერთო სახელწოდება; ბ) ქიმიური ნივთიერების დასახელება საერთაშორისოდ აღიარებული ნომენკლატურის შესაბამისად (მაგალითად: სუფთა და გამოყენებითი ქიმიის საერთაშორისო კავშირი (IUPAC)), ასეთი ნომენკლატურის არსებობის შემთხვევაში; გ) სავაჭრო დასახელებები და პრეპარატების სახელები; დ) კოდები: ქიმიური ნივთიერებების რეფერენტული სამსახურის რეესტრის ნომრები (CAS), ჰარმონიზებული სისტემის საბაჟო კოდი და სხვა ნომრები; ე) ინფორმაციას საშიშროების კლასიფიკაციაზე, თუ ქიმიური ნივთიერებები ექვემდებარება კლასიფიკაციის მოთხოვნებს; ვ) ქიმიური ნივთიერებების გამოყენება ან გამოყენებები საქართველოში; ზ)ფიზიკო-ქიმიური, ტოქსიკოლოგიური და ეკოტოქსიკოლოგიური თვისებები. 2. საბოლოო სარეგლამენტაციო გადაწყვეტილება ა) ინფორმაცია საბოლოო სარეგლამენტაციო გადაწყვეტილებაზე: ა.ა) საბოლოო სარეგლამენტაციო გადაწყვეტილების მოკლე მიმოხილვა; ა.ბ) სარეგლამენტაციო დოკუმენტის მითითება; ა.გ) საბოლოო სარეგლამენტაციო გადაწყვეტილების ძალაში შესვლის თარიღი; ა.დ) საბოლოო სარეგლამენტაციო გადაწყვეტილების მიღების საფუძველის მითითება მიღებულ იქნა თუ არა რისკის ან საშიშროების შეფასების საფუძველზე და ასეთის არსებობის შემთხვევაში ინფორმაცია ამ შეფასების შესახებ, სადაც მითითებული იქნება შესაბამისი დოკუმენტაციია; ა.ე) საბოლოო სარეგლამენტაციო გადაწყვეტილების მიღების მიზეზები ადამიანის ჯანმრთელობის დაცვის კუთხით, მათ შორის, მომხმარებლებისა და მუშების ჯანმრთელობის და/ან გარემოს დაცვის კუთხით; ა.ვ) ქიმიური ნივთიერების საშიშროებისა და რისკების მოკლე მიმოხილვა, თუ რა ზეგავლენას მოახდენს ქიმიური ნივთიერებები ადამიანის ჯანმრთელობაზე, მათ შორის, მომხმარებლებისა და მუშების ჯანმრთელობაზე, ან გარემოზე და საბოლოო სარეგლამენტაციო გადაწყვეტილების მიღების მოსალოდნელი ეფექტი. ბ) კატეგორია ან კატეგორიები, რომლებზეც საბოლოო სარეგლამენტაციო გადაწყვეტილება იქნა მიღებული და თითოეული კატეგორიისთვის: ბ.ა) გამოყენების დანიშნულებ(ებ)ი, რომელთაც კრძალავს საბოლოო სარეგლამენტაციო გადაწყვეტილება; ბ.ბ) გამოყენების სფერო ან სფეროები, რომლებიც დაშვებულია; ბ.გ) წარმოებული, იმპორტირებული, ექსპორტირებული და გამოყენებული ქიმიური ნივთიერებების რაოდენობა, თუ ეს ხელმისაწვდომია. გ) რამდენადაც ეს შესაძლებელია, საბოლოო სარეგლამენტაციო გადაწყვეტილების სხვა მხარეებთან და რეგიონებში სავარაუდო შესაბამისობის/ მნიშვნელობის მითითება; დ) სხვა მნიშვნელოვანი ინფორმაცია, რომელიც მოიცავს: დ.ა) საბოლოო სარეგლამენტაციო გადაწყვეტილების სოციალურ-ეკონომიკური ეფექტის შეფასებას; დ.ბ) ინფორმაციას ალტერნატივებზე და მათთან დაკავშირებულ რისკებზე, თუ ეს შესაძლებელია/ ხელმისაწვდომია, როგორიცაა: დ.ბ.ა) მავნებლებისაგან ინტეგრირებული დაცვის სტრატეგია; დ.ბ.ბ) სამრეწველო პრაქტიკა და პროცესები, ეკოტექნოლოგიის ჩათვლით. დანართი №4 იმპორტზე პასუხის ფორმა ქვეყანა : სექცია ქიმიური ნივთიერების იდენტიფიკაცია 1.1 საერთო დასახელება 1.2 CAS ნომერი 1.3 კატეგორია პესტიციდი სამრეწველო განსაკუთრებით საშიში პესტიციდური შემადგენლობა სექცია 2 მითითება ადრინდელ პასუხზე, თუ ასეთი არსებობს 2.1 ეს არის ქვეყნის იმპორტზე პირველი პასუხი ამ ქიმიური ნივთიერებებისთვის 2.2 ეს არის ადრინდელი პასუხის მოდიფიკაცია. ადრინდელი პასუხის გაცემის თარიღი: სექცია 3 პასუხი სამომავლო იმპორტთან დაკავშირებით საბოლოო გადაწყვეტილება (შეავსეთ სექცია 4) ან შუალედური პასუხი (შეავსეთ სექცია 5) სექცია 4 საბოლოო გადაწყვეტილება, ეროვნული საკანონმდებლო ან ადმინისტრაციული ღონისძიებების მიხედვით 4.1 არის თანხმობა იმპორტზე/უარი იმპორტზე ამ ქიმიური ნივთიერების ყველა წყაროდან იმპორტი ერთდროულად იკრძალება? დიახ არა ამ ქიმიური ნივთიერების ქვეყანაში წარმოება, შიდა გამოყენებისთვის, ამავე დროს იკრძალება? დიახ არა 4.2 თანხმობა იმპორტზე 4.3 თანხმობა იმპორტზე მხოლოდ განსაზღვრული პირობებით განსაზღვრული პირობებია: არის თუ არა ამ ქიმიური ნივთიერების იმპორტის პირობები საერთო იმპორტის ყველა წყაროსთვის? დიახ არა არის თუ არა ქიმიური ნივთიერების შიდა გამოყენების მიზნით, ქვეყანაში წარმოების პირობები იგივე, რაც ყველა იმპორტისთვის? დიახ არა 4.4 ეროვნული საკანონმდებლო ან ადმინისტრაციული ღონისძიება , რომელსაც ემყარება საბოლოო გადაწყვეტილება ეროვნული საკანონმდებლო ან ადმინისტრაციული ღონისძიების აღწერა: სექცია 5 შუალედური პასუხი ამ ქიმიური ნივთიერების ყველა წყაროდან იმპორტი ერთდროულად იკრძალება? ამ ქიმიური ნივთიერების ქვეყანაში წარმოება, შიდა გამოყენებისთვის, ამავე დროს იკრძალება? 5.1 არ არის თანხმობა იმპორტზე 5.2 თანხმობა იმპორტზე 5.3 თანხმობა იმპორტზე მხოლოდ განსაზღვრული პირობებით განსაზღვრული პირობებია: არის თუ არა ამ ქიმიური ნივთიერების იმპორტის პირობები საერთო იმპორტის ყველა წყაროსთვის? არის თუ არა ქიმიური ნივთიერების შიდა გამოყენების მიზნით, ქვეყანაში წარმოების პირობები იგივე, რაც ყველა იმპორტისთვის? დიახ არა დიახ არა 5.4 საბოლოო გადაწყვეტილების მიღების შესახებ აქტიური დიახ არა განხილვის მითითება 5.5 საბოლოო გადაყწვეტილების მისაღებად საჭირო მოთხოვნილი ინფორმაცია ან დახმარება სამდივნოსგან მოითხოვება შემდეგი დამატებითი ინფორმაცია: შემდეგი დამატებითი ინფორმაცია მოითხოვება იმ ქვეყნისგან, რომელმაც შეატყობინა სამდივნოს საბოლოო სარეგლამენტაციო გადაწყვეტილების შესახებ: ქიმიური ნივთიერების შეფასებისას სამდივნოსგან მოითხოვება შემდეგი სახის დახმარება: სექცია 6 დამატებითი ინფორმაცია, რომელიც შეიძლება მოიცავდეს: არის თუ არა ამ ქიმიური ნივთიერება ამჟამად დარეგისტრირებული ქვეყანაში? დიახ არა იწარმოება თუ არა ეს ქიმიური ნივთიერება ქვეყანაში? დიახ არა ამ კითხვებიდან ერთ-ერთზე მაინც დადებითი პასუხის შემთხვევაში: განკუთვნილია თუ არა ის შიდა გამოყენებისთვის? დიახ არა განკუთვნილია თუ არა ის ექსპორტისთვის? დიახ არა სხვა შენიშვნები: სექცია 7 დანიშნული ეროვნული ორგანო ინსტიტუცია მისამართი პასუხისმგებელი პირის სახელი პასუხისმგებელი პირის პოზიცია ტელეფონი ტელეფაქსი ელ-ფოსტის მისამართი უფლებამოსილი პირის ხელმოწერა, თარიღი და ბეჭედი: შევსებული ფორმა უნდა გაეგზავნოს: Secretariat for the Rotterdam Convention Food and Agriculture Organization of the United Nations (FAO) Viale delle Terme di Caracalla 00153 Rome, Italy Tel: (+39 06) 5705 2188 Fax: (+39 06) 5705 3224 E-mail: pic@fao.org ან Secretariat for the Rotterdam Convention United Nations Environment Programme (UNEP) 11-13, Chemin des Anémones CH – 1219 Châtelaine, Geneva, Switzerland Tel: (+41 22) 917 8296 Fax: (+41 22) 917 8082 E-mail: pic@pic.int დანართი №5 მკაცრად შეზღუდული ქიმიური ნივთიერების ან პესტიციდის იმპორტზე თანხმობის ფორმა (პირველი გვერდი) 1. იმპორტიორი 2.თანხმობა № 3. დანიშნულების ქვეყანა 4. წარმოშობის ქვეყანა 5. შემოსვლის პუნქტ(ებ)ი 6. მკაცრად შეზღუდული ქიმიური ნივთიერების/პესტიციდის აღწერა 7. გამოყენების სახე 8. სეს ესნ კოდი 9.ზომის ერთეული 10.რაოდენობა 11. ხელშეკრულება: 12. ტრანსპორტის სახეობა 13. ნებადართული გამოყენება(ები): 14. თანხმობის ვადა: 15. თანხმობის გამცემი ორგანოს დასახელება უფლებამოსილი პირის სახელი და ხელმოწერა 16. გაცემის თარიღი /ბეჭედი/ საზღვრის გადაკვეთის აღრიცხვა (მეორე გვერდი) საქონლის დასახელება აღწერა სეს ესნ კოდი ზომის ერთეული რაოდენობა საზღვრის გადაკვეთის თარიღი სსიპ-შემოსავლების სამსახურის უფლებამოსილი პირი ხელმოწერა თარიღი ბეჭედი თანხმობის შესაბამისი გრაფები (პირველი გვერდი) უნდა მოიცავდეს შემდეგ ინფორმაციას: ა) გრაფა N:1 – „იმპორტიორი“ – თუ მკაცრად შეზღუდული ქიმიური ნივთიერების/პესტიციდის იმპორტიორი იურიდიული პირია – სამართლებრივი ფორმა, დასახელება, საიდენტიფიკაციო კოდი და მისამართი. ფიზიკური პირის შემთხვევაში – სახელი, გვარი, პირადი ნომერი, მისამართი; ბ) გრაფა №2 – „თანხმობის №“ – თანხმობის რიგითი ნომერი, რომელიც მიენიჭება თანხმობის გამცემის მიერ; გ) გრაფა №3 – „დანიშნულების ქვეყანა“ – იმ ქვეყნის დასახელება, რომელიც იღებს მკაცრად შეზღუდულ ქიმიური ნივთიერებას/პესტიციდს; დ) გრაფა N:4 – „წარმოშობის ქვეყანა“ – მკაცრად შეზღუდული ქიმიური ნივთიერების/პესტიციდის წარმოშობის ქვეყნის დასახელება; ე) გრაფა N:5 – „შემოსვლის პუნქტი“ – მკაცრად შეზღუდული ქიმიური ნივთიერების/პესტიციდის საქართველოში შემოსვლის პუნქტ(ებ)ი; ვ) გრაფა N:6 – „მკაცრად შეზღუდული ქიმიური ნივთიერების/პესტიციდის აღწერა“ – მკაცრად შეზღუდული ქიმიური ნივთიერების დასახელება და აღწერილობა (CAS №, ქიმიური დასახელება, ქიმიური ფორმულა, დასახელება ინგლისურ ენაზე და ა. შ.). მკაცრად შეზღუდულ პესტიციდებზე, განსაკუთრებით საშიშ პესტიციდურ შემადგენლობაზე აგრეთვე სავაჭრო დასახელება, პრეპარატული ფორმა, მოქმედი ნივთიერების დასახელება და კონცენტრაცია; ზ) გრაფა №7 – „გამოყენების სახე“ – თანხმობას დაქვემდებარებული მკაცრად შეზღუდული ქიმიური ნივთიერებების გამოყენების მიზანი, დანიშნულება (მკაცრად შეზღუდულ პესტიციდზე, განსაკუთრებით საშიშ პესტიციდურ შემადგენლობაზე მიეთითოს აგრეთვე გამოყენების ხერხი, მიზანი, სახე, დრო, ადგილი, ლოდინის პერიოდი მოსავლის აღებამდე; საწყობის მისამართი); თ) გრაფა №8 – „სეს ესნ კოდი“ – მკაცრად შეზღუდული ქიმიური ნივთიერების/პესტიციდის სასაქონლო კოდი საგარეო ეკონომიკური საქმიანობის ეროვნული სასაქონლო ნომენკლატურის 11 ნიშნა დონეზე; ი) გრაფა №9 – „ზომის ერთეული“ – მკაცრად შეზღუდული ქიმიური ნივთიერების და პესტიციდის რაოდენობის ზომის ერთეული (ცალი, მეტრი, კგ და ა.შ.); კ) გრაფა №10 – „რაოდენობა“ – მკაცრად შეზღუდული ქიმიური ნივთიერების და პესტიციდის რაოდენობა, გრაფაში „ზომის ერთეული“ მითითებული ერთეულის შესაბამისად; ლ) გრაფა №11 – „ხელშეკრულება“ – მკაცრად შეზღუდული ქიმიური ნივთიერების/პესტიციდის მიწოდების ხეშეკრულების ნომერი, გაფორმების თარიღი და სხვ; მ) გრაფა №12 – „ტრანსპორტის სახეობა“ – ტრანსპორტის ის სახეობა, რომლითაც გადაიზიდება მკაცრად შეზღუდული ქიმიური ნივთიერებები/პესტიციდები; ნ) გრაფა №13 – „ნებადართული გამოყენება(ები)“ – მკაცრად შეზღუდული ქიმიური ნივთიერების ან პესტიციდის დაშვებული/ნებადართული გამოყენების აღწერილობა და უსაფრთხოების პირობები, ნარჩენების დამუშავების ჩათვლით; ო) გრაფა №14 – „თანხმობის ვადა“ – მიეთითება თანხმობის მოქმედების ვადა; პ) გრაფა №15 – „თანხმობის გამცემი ორგანოს დასახელება, უფლებამოსილი პირის სახელი და ხელმოწერა“ – თანხმობის გამცემი ორგანოს წარმომადგენლის სახელი; უფლებამოსილი პირის ხელმოწერა, რომელიც დასტურდება ბეჭდით; ჟ) გრაფა №16 – „გაცემის თარიღი/ბეჭედი“ – თანხმობის გაცემის თარიღი/ბეჭედი; რ) საზღვრის გადაკვეთის აღრიცხვა (მეორე გვერდი) ივსება და მოწმდება სამსახურის უფლებამოსილი პირის მიერ. დანართი №6 მოთხოვნები ექსპორტის შეტყობინების ინფორმაციასთან დაკავშირებით ექსპორტის შესახებ შეტყობინება მოიცავს შემდეგ ინფორმაციას: 1. საექსპორტო ნივთიერების იდენტიფიცირება: ა) სუფთა და გამოყენებითი ქიმიის საერთაშორისო კავშირის (UIPAC) ნომენკლატურის დასახელება; ბ) სხვა დასახელებები (ISO მიერ ქიმიური ნივთიერებისათვის მინიჭებული დასახელება, საყოველთაოდ მიღებული დასახელება, სავაჭრო დასახელება და აბრევიატურები); გ) სეს ესნ კოდი; დ) ნივთიერების მნიშვნელოვანი მინარევები. 2. საექსპორტო ნაერთების იდენტიფიცირება: ა) სავაჭრო დასახელება და/ან შემადგენლობას დანიშნულება; ბ) პირველ და მეორე დანართებში ჩამოთვლილი თითოეული ნივთიერების პროცენტული მაჩვენებელი და დეტალები, როგორც განსაზღვრულია პირველი პუნქტით. 3. მონაცემები ექსპორტზე: ა) ექსპორტის ქვეყანა; ბ) იმპორტიორი ქვეყანა; გ) მიმდინარე წლის პირველი ექსპორტის სავარაუდო თარიღი; დ) მიმდინარე წელს ქვეყანაში ექსპორტზე გასატანი ქიმიური ნივთიერებების სავარაუდო რაოდენობა; ე) გამოყენების სახე ქვეყანაში, სადაც ხორციელდება ექსპორტი; ვ) იმპორტიორის ან იმპორტიორი კომპანიის სახელი, მისამართი და სხვა მნიშვნელოვანი ინფორმაცია; ზ) ექსპორტიორის ან ექსპორტიორი კომპანიის სახელი, მისამართი და სხვა მნიშვნელოვანი ინფორმაცია. 4. დანიშნული ეროვნული ორგანო: ა) საქართველოში დანიშნული ეროვნული ორგანოს სახელწოდება, მისამართი, ტელეფონი და ტელექსი, ფაქსის ნომერი ან ელ.ფოსტა, სადაც შესაძლებელია დამატებითი ინფორმაციის მოპოვება; ბ) იმპორტის ქვეყნის დანიშნული ეროვნული ორგანოს სახელწოდება, მისამართი, ტელეფონი და ტელეფაქსი, ფაქსის ნომერი ან ელ.ფოსტა. 5. ინფორმაცია უსაფრთხოების ზომებზე, რომლებიც უნდა იქნეს მიღებული, მათ შორის, საშიშროების კატეგორიები და რისკის ფაქტორები და უსაფრთხოების რჩევები. 6. ფიზიკო-ქიმიური, ტოქსიკოლოგიური და ეკოტოქსიკოლოგიური თვისებების მოკლე შემაჯამებელი მიმოხილვა. 7. ქიმიური ნივთიერებების გამოყენება საქართველოში: ა) გამოყენება, კატეგორიები როტერდამის კონვენციის თანახმად და ქვეკატეგორიები, რომლებიც ექვემდებარებიან კონტროლს (აკრძალვა ან მკაცრად შეზღუდვა); ბ) გამოყენების მიზნები, რისთვისაც ქიმიური ნივთიერებები არ არის მკაცრად შეზღუდული ან აკრძალული (გამოყენების კატეგორიები და ქვეკატეგორიები, როგორც ეს განსაზღვრულია პირველ დანართში); გ) შესაძლებლობისამებრ, წარმოებული, იმპორტირებული, ექსპორტირებული და გამოყენებული ქიმიური ნივთიერებების რაოდენობის დადგენა. 8. უსაფრთხოების ზომები, ქიმიური ნივთიერებების ზემოქმედების და ემისიის შემცირების მიზნით. 9. მარეგულირებელი შეზღუდვებისა და მათი მიზეზების მოკლე მიმოხილვა. 10. დანართის N3-ის მე-2 პუნქტის „ა“, „გ“ და „დ“ პუნქტში მოცემული ინფორმაციის მოკლე მიმოხილვა. 11. დამატებითი ინფორმაცია, რომელიც ექსპორტის მხარის მიერ არის მოწოდებული ან ინფორმაცია, რომელიც მითითებულია დანართი N3-ში, იმ შემთხვევაში, როცა ეს ინფორმაცია მოთხოვნილია იმპორტიორი მხარის მიერ. დანართი №7 ექსპორტის შეტყობინების ფორმა ცნობის ნომერი: ექსპორტიორი ქვეყანა იმპორტიორი ქვეყანა სექცია 1 ქიმიური ნივთიერების იდენტიფიკაცია 1.1 საერთო დასახელება 1.2 სუფთა და გამოყენებითი ქიმიის საერთაშორისო კავშირის (UIPAC) ნომენკლატურის დასახელება 1.3 CAS ნომერი 1.4 სეს ესნ კოდი 1.5 სხვა დასახელებები (ISO) დასახელება, საყოველთაოდ მიღებული დასახელება, სავაჭრო დასახელება და აბრევიატურები) 1.6 ნივთიერების მნიშვნელოვანი მინარევები სექცია 2 საექსპორტო ნაერთების იდენტიფიცირება (შეივსოს მხოლოდ ნარევის (შემადგენლობის) ან ნაერთის შემთხვევაში) 2.1 ნაერთის დასახელება და სავაჭრო დასახელება 2.2 ექსპორტის შეტყობინებას დაქვემდებარებული ნაერთის შემადგენლობაში შემავალი თითოეული ნივთიერების კონცენტრაცია (%) და მონაცემები, როგორც განსაზღვრულია პირველ სექციაში სექცია 3 მონაცემები ექსპორტზე 3.1 ექსპორტის ქვეყანა 3.2 იმპორტიორი ქვეყანა 3.3 ექსპორტის სავარაუდო თარიღი (დღე/თვე/წელი) 3.4 კატეგორია (სამრეწველო ან პესტიციდი) და გამოყენების სახე იმპორტიორ ქვეყანაში 3.5 იმპორტიორის სახელი, მისამართი, ტელეფონი, ფაქსი და ელექტრონული ფოსტა 3.6 ექსპორტიორის სახელი, მისამართი, ტელეფონი, ფაქსი და ელექტრონული ფოსტა 3.7 მიმდინარე წლის პირველი ექსპორტის სავარაუდო თარიღი 3.8 მიმდინარე წელს ქვეყანაში ექსპორტზე გასატანი ქიმიური ნივთიერებების სავარაუდო რაოდენობა სექცია 4 ინფორმაცია ქიმიურ ნივთიერებასთან დაკავშირებულ საფრთხეებსა და/ან რისკებზე და უსაფრთხოების ზომებზე (გთხოვთ, მოიყვანოთ ცხრილში ინფორმაცია ან მიამაგროთ უსაფრთხოების შესახებ მონაცემთა ფურცელი (MSDS), რომელიც ფარავს მოთხოვნილ ინფორმაციას) 4.1 საშიშროების კლასიფიკაცია (მაგ: GHS, WHO, IARC, EU) 4.2 ინფორმაცია საფრთხეებსა და/ან რისკებზე 4.3 ინფორმაცია ქიმიური ნივთიერებების ზემოქმედების და ემისიის შესამცირებლად მიმართულ უსაფრთხოების ზომებზე 4.4 თუ შესაძლებელია, დამატებითი ინფორმაცია, რომელიც შესაძლებელია საჭირო იყოს იმპორტიორი ქვეყნისათვის ან მოთხოვნილი იმპორტიორი მხარის მიერ 4.5 შენიშვნა სექცია 5 ინფორმაცია ქიმიური ნივთიერების ფიზიკო-ქიმიური, ტოქსიკოლოგიური და ეკოტოქსიკოლოგიური თვისებების შესახებ (გთხოვთ, მოიყვანოთ ცხრილში ინფორმაცია ან მიამაგროთ უსაფრთხოების შესახებ მონაცემთა ფურცელი (MSDS), რომელიც ფარავს მოთხოვნილ ინფორმაციას) სექცია 6 ძირითადი ინფორმაცია ექსპორტიორი ქვეყნის მიერ მიღებული საბოლოო სარეგლამენტაციო გადაწყვეტილების შესახებ 6 . 1 საბოლოო სარეგლამენტაციო გადაწყვეტილების მოკლე შინაარსი და ძალაში შესვლის თარიღი 6 . 2 საბოლოო სარეგლამენტაციო გადაწყვეტილება მიღებულ იქნა კატეგორიისთვის პესტიციდი სამრეწველო გთხოვთ მიუთითოთ: აკრძალული გამოყენება ან გამოყენებები გამოყენება ან გამოყენებები, რომლებიც არ არის აკრძალული შეძლებისდაგვარად წარმოებული, იმპორტირებული, ექსპორტირებული და გამოყენებული ქიმიური ნივთიერებების მოსალოდნელი რაოდენობა 6 . 3 მითითება მარეგულირებელ დოკუმენტზე სექცია 7 დანიშნული ეროვნული ორგანო (DNA) 5.1 ძირითადი ინფორმაცია 5.2 შენიშვნა 7.1 ექსპორტიორი ქვეყნის დანიშნული ეროვნული ორგანოს დასახელება, მისამართი, ტელეფონი, ფაქსი, ელექტრონული ფოსტა 7.2 იმპორტიორი ქვეყნის დანიშნული ეროვნული ორგანოს დასახელება, მისამართი, ტელეფონი, ფაქსი, ელექტრონული მისამართი ექსპორტიორი ქვეყნის დანიშნული ეროვნული ორგანოს უფლებამოსილი პირის ხელმოწერა, თარიღი და ბეჭედი : ექსპორტის შეტყობინების მიღების დადასტურების ფორმა იმპორტიორი ქვეყნის დასახელება ექსპორტიორი შეტყობინების საცნობარო ნომერი ქიმიური ნივთიერების დასახელება იმპორტიორი ქვეყნის დანიშნული ეროვნული ორგანოს უფლებამოსილი პირის ხელმოწერა , თარიღი და ბეჭედი : გთხოვთ გაგზავნოთ დადასტურება სექცია 7-ში მითითებული თარიღიდან 30 დღის განმავლობაში ექსპორტიორ ქვეყნისადმი შემდეგ მისამართზე: სახელი და მისამართი