Order No 2-152 of 2006 of Minister of Agriculture of Georgia on Rules for Importing Pesticide and Agro-chemical Samples, Sample Drugs and Analytic Standards
颁布于 2006-08-07 · 文本截至 2026-10-01
以研究形式发布的公开法律与官方指引，不构成法律、税务或金融建议。
研究内容本身以英文撰写。标题和标签已翻译，调查结果和引文未翻译。
关于这部法律
- 原标题
- საქართველოს სოფლის მეურნეობის მინისტრის ბრძანება №2-152 „საქართველოში სარეგისტრაციო გამოცდებისათვის საჭირო პესტიციდების და აგროქიმიკატების ნიმუშების, ეტალონური პრეპარატების და ანალიტიკური სტანდარტების შემოტანის წესის” დამტკიცების თაობაზე
- 语言
- Georgian
- 类型
- 条例
- 组织
- European Union
- 国家
- 格鲁吉亚
- 主题
- Cultivated plants, Waste and hazardous substances
- 关键词
- pesticides, fertilizers/nutrients, registration, legal proceedings/administrative proceedings, plant production, plant protection
- 类别
- agriculture
在哪里阅读
文本
所收录的法律原文，按条款排列。每个条款都有自己的链接。
1 სახელმწიფო სარეგისტრაციო კოდი 340.120.000.22.032.009.073 საქართველოს სოფლის მეურნეობის მინისტრის ბრძანება №2-152 2006 წლის 7 აგვისტო ქ. თბილისი „საქართველოში სარეგისტრაციო გამოცდებისათვის საჭირო პესტიციდების და აგროქიმიკატების ნიმუშების, ეტალონური პრეპარატების და ანალიტიკური სტანდარტების შემოტანის წესის” დამტკიცების თაობაზე „პესტიციდებისა და აგროქიმიკატების შესახებ” საქართველოს კანონის 28-ე მუხლის „დ” ქვეპუნქტის საფუძველზე, ვბრძანებ: 1. დამტკიცდეს თანდართული “საქართველოში სარეგისტრაციო გამოცდებისათვის საჭირო პესტიციდების და აგროქიმიკატების ნიმუშების, ეტალონური პრეპარატების და ანალიტიკური სტანდარტების შემოტანის წესი.” 2. ძალადაკარგულად ჩაითვალოს “საქართველოში სახელმწიფო სარეგისტრაციო გამოცდებისათვის საჭირო პესტიციდებისა და აგროქიმიკატების ნიმუშების, ეტალონური პრეპარატების და ანალიტიკური სტანდარტების შემოტანის წესის დამტკიცების თაობაზე“ საქართველოს სოფლის მეურნეობისა და სურსათის მინისტრის 2000 წლის 14 ნოემბრის № 2-258 ბრძანება. 3. სახელმწიფო საქვეუწყებო დაწესებულების სურსათის უვნებლობის, ვეტერინარიისა და მცენარეთა დაცვის ეროვნული სამსახურის უფროსმა (ლ. ორკოშნელი) უზრუნველყოს „ნორმატიული აქტების შესახებ” საქართველოს კანონის შესაბამისად აღნიშნული ბრძანების საქართველოს იუსტიციის სამინისტროს ნორმატიული აქტების სახელმწიფო რეესტრში რეგისტრაცია და „საქართველოს საკანონმდებლო მაცნეში“ გამოქვეყნება. 4. კონტროლი ბრძანების შესრულებაზე განახორციელოს მინისტრის მოადგილემ მ. დეკანოიძემ. 5. ბრძანება ძალაში შედის მისი გამოქვეყნებისთანავე. მ. სვიმონიშვილი საქართველოში სარეგისტრაციო გამოცდებისათვის საჭირო პესტიციდებისა და აგროქიმიკატების ნიმუშების, ეტალონური პრეპარატების და ანალიტიკური სტანდარტების შემოტანის წესი მუხლი 1. ზოგადი დებულებანი 1. აღნიშნული წესი შემუშავებულ იქნა „პესტიციდებისა და აგროქიმიკატების შესახებ” საქართველოს კანონის საფუძველზე. 2. წესი არეგულირებს იმ გამოსაცდელი პესტიციდებისა და აგროქიმიკატების ნიმუშების, ეტალონური პრეპარატების, ანალიტიკური სტანდარტების საქართველოში შემოტანის პირობებს, რომლებიც მწარმოებელი ფირმების ან მათ მიერ უფლებამოსილი ფიზიკური ან იურიდიული პირის მიერ გადმოცემული არის სამეცნიერო-კვლევითი მიზნებისათვის, სარეგისტრაციო გამოცდების, სადემონსტრაციო ჩვენების ჩასატარებლად. 3. გამოსაცდელ ნიმუშებს წარმოადგენს მწარმოებელი ფირმების ან მათ მიერ უფლებამოსილი პირის მიერ უსასყიდლოდ შემოთავაზებული პესტიციდები და 2 აგროქიმიკატები, რომლებმაც უნდა გაიარონ საქართველოს ტერიტორიაზე სარეგისტრაციო გამოცდები, სადემონსტრაციო ჩვენება. 4. გამოსაცდელი ნიმუშების შემოტანის, მიღების, დასაწყობების, ტრანსპორტირების, განაწილებისა და სარეგისტრაციო გამოცდების ჩატარების მაკოორდინირებელ ორგანოს წარმოადგენს საქართველოს სოფლის მეურნეობის სამინისტრო, რომელიც სარეგისტრაციო ორგანოს – სურსათის უვნებლობის, ვეტერინარიისა და მცენარეთა დაცვის ეროვნული სამსახურის, მეშვეობით ახორციელებს თავის ფუნქციას (შემდგომში – სარეგისტრაციო ორგანო) 5. გამოსაცდელი ნიმუშები უნდა პასუხობდნენ გარემოსა და ადამიანის უსაფრთხოების დაცვის დადგენილ მოთხოვნებს. 6. საქართველოში ნიმუშების შემოტანის პირობები რეგულირდება საქართველოს მოქმედი კანონმდებლობით, აგრეთვე სოფლის მეურნეობის სამინისტროს წინამდებარე ნორმატიული აქტით. მუხლი 2. გამოსაცდელი პესტიციდებისა და აგროქიმიკატების ნიმუშების, ეტალონური პრეპარატების, ანალიტიკური სტანდარტების შემოტანის, მიღების და სარეგისტრაციო გამოცდების ადგილებამდე გადაზიდვის წესი 1. გამოსაცდელი ნიმუშების შემოტანაზე საქართველოს სოფლის მეურნეობის სამინისტროს სახელმწიფო საქვეუწყებო დაწესებულებას, სურსათის უვნებლობის, ვეტერინარიისა და მცენარეთა დაცვის ეროვნულ სამსახურს ევალება, საერთო კოორდინირება გაუწიოს ნიმუშების შემოტანას, მიღებას, დოკუმენტაციის გაფორმებასა და მიტანას გამოცდების ადგილებამდე. 2. სამეცნიერო-კვლევით დაწესებულებებს და სხვა ორგანიზაციებს ეკრძალებათ პესტიციდებისა და აგროქიმიკატების გამოცდა სარეგისტრაციო ორგანოსთან შეუთანხმებლად, თვითნებურად შემოიტანონ საზღვარგარეთიდან პესტიციდებისა და აგროქიმიკატების ნიმუშები, გადაადგილონ ისინი საქართველოს ტერიტორიაზე, ჩაატარონ სარეგისტრაციო გამოცდები. 3. ნიმუშების შემოსატანად ძირითად დოკუმენტს წარმოადგენს სარეგისტრაციო ორგანოს დამადასტურებელი წერილი. 4. კონტროლის გაძლიერების მიზნით საქართველოში შემოსატანი ნიმუშების ჩამონათვალი (პესტიციდების და აგროქიმიკატების რაოდენობის მითითებით) აისახება სარეგისტრაციო გამოცდების გეგმაში, რომელსაც ამტკიცებს საქართველოს სოფლის მეურნეობის სამინისტროს სახელმწიფო საქვეუწყებო დაწესებულების სურსათის უვნებლობის, ვეტერინარიისა და მცენარეთა დაცვის ეროვნული სამსახურის უფროსი. 5. სარეგისტრაციო გამოცდების ჩატარებისათვის რეგისტრანტი ვალდებულია წარმოადგინოს ნიმუშების (პარტიის) განსაზღვრული რაოდენობა, მოქმედ ნივთიერებათა ანალიტიკური სტანდარტები და ტექნიკური პროდუქტი. 6. ნიმუშების რაოდენობა განისაზღვრება სარეგისტრაციო ორგანოს მიერ, გამოცდების პროგრამის შესაბამისად. 7. გამოცდების ადგილებამდე ნიმუშების გადატანა ხორციელდება რეგისტრანტის ხარჯზე, დაწესებულ ვადებში. 8. სარეგისტრაციო ორგანოს ევალება კონტროლი განახორციელონ შემოსული ნიმუშების პარტიების გადაადგილება-მიღებაზე, დასაწყობებაზე შესაბამის სანიტარიულ და ეკოლოგიურ მოთხოვნათა გათვალისწინებით, მკაცრ აღრიცხვიანობაზე და ყოველწლიურ ინვენტარიზაციაზე. 9. ნიმუშების ტრანსპორტირება იწარმოებს ავტოტრანსპორტით, რომელიც აღჭურვილი უნდა იყოს დეზაქტივაციის (პესტიციდებისათვის) და ხანძარსაწინააღმდეგო საშუალებით.