Presidential Decree No. 166 regarding measures to protect medicinal plants and natural resources of natural determinants of treatment

Dərman bitkilərinin və təbiət müalicə amillərinin təbii ehtiyatlarını qorumaq tədbirləri haqqında AZƏRBAYCAN RESPUBLİKASI PREZİDENTİNİN FƏRMANI Son vaxtlar respublikada tez-tez elə hallar olur ki, ayrı-ayrı dövlət təşkilatları və ictimai təşkilatlar, assosiasiyalar, birgə müəssisələr, kooperativlər qiymətli dərman bitkilərinin təbii ehtiyatlarının və məhsuldarlığının qorunması tələblərini pozaraq onları yığır, beləliklə dərman bitkilərinin və xammalının təbiətdəki ehtiyatlarına böyük ziyan vururlar. Bu xammalın respublikanın hüdudlarından kənara satılmasında pozuntulara yol verilir ki, bu da çoxlu itkiyə səbəb olur. Deyilənlərlə əlaqədar olaraq qərara alıram: 1. Müəyyən edilsin ki: – dərman bitkilərinin, zootoksinlərin, təbiət müalicə amillərinin yığılması üçün lisenziyanı Azərbaycan Respublikasının Dövlət Təbiəti Mühafizə Komitəsi yalnız Azərbaycan Respublikasının Səhiyyə Nazirliyinə və respublikanın onların tədarükünə dair plan tapşırıqları olan təşkilatlarına verir; [1] – dərman bitkiləri, zootoksinlər, təbiət müalicə amilləri və onlardan hazırlanan məhsullar Azərbaycan Respublikası Səhiyyə Nazirliyinin müəyyən etdiyi hədlər əsasında respublikanın hüdudlarından kənara aparılır və satılır. 2. Zəhərli ilanların tutulması, saxlanması, zootoksinlərin əldə edilməsi və emalı, səmərəli ilançılıq sahəsində elmi-tədqiqat işləri kompleksinin yerinə yetirilməsi ilə əlaqədar bütün istehsalat məsələlərinin həlli Azərbaycan Respublikasının Səhiyyə Nazirliyinə həvalə edilsin. 3. Azərbaycan Respublikasının Nazirlər Kabineti dərman bitkilərinin yığılmasının və kənara aparılmasının, zəhərli ilanların tutulmasının və saxlanmasının qoyulmuş qaydasının icrasını təmin edən tədbirlər görsün. Azərbaycan Respublikasının Prezidenti A. MÜTƏLLİBOV. Bakı təhəri, 27 fevral 1991-ci il, № 166 FƏRMANA EDİLMİŞ DƏYİŞİKLİK VƏ ƏLAVƏLƏRİN SİYAHISI 1. 12 sentyabr 2008-ci il tarixli 826 nömrəli Azərbaycan Respublikasının Prezidentinin Fərmanı (“Azərbaycan” qəzeti 13 sentyabr 2008-ci il, № 205, Azərbaycan Respublikasının Qanunvericilik Toplusu, 2008-ci il, № 9, maddə 798) İSTİFADƏ OLUNMUŞ MƏNBƏ SƏNƏDLƏRİNİN SİYAHISI [1] 12 sentyabr 2008-ci il tarixli 826 nömrəli Azərbaycan Respublikasının Prezidentinin Fərmanı (“Azərbaycan” qəzeti 13 sentyabr 2008-ci il, № 205, Azərbaycan Respublikasının Qanunvericilik Toplusu, 2008-ci il, № 9, maddə 798) ilə 1-ci bəndinin ikinci abzası çıxarılsın. http://www.e-qanun.az/alpidata/framework/data/10/c f 10300.htm# edn1 http://www.e-qanun.az/alpidata/framework/data/10/c f 10300.htm# ednref1