Regulation No. 531 on non-divided agricultural lands

VENDIM Nr .531, date 21.8.1998 PER TOKAT BUJQESORE TE PANDARA Ne zbatim te ligjit nr.8312, date 26.3.1998 "Per tokat bujqesore te pandara", me propozimin e Ministrise se Bujqesise dhe Ushqimit, Keshilli i Ministrave V E N D O S I: 1. Siperfaqet e tokave bujqesore te pandara, qe jane nen administrimin e Drejtorise se Pergjithshme te Pyjeve e Kullotave, dhene me ligjin nr.8047, date 14.12.1995 "Per administrimin e tokave te refuzuara", te kalojne ne administrimin e keshillave te komunave ose te bashkive. 2. Kalimi i siperfaqeve te behet me procesverbal, ne prani te pergjegjesit te zyres se kadastres, drejtorit te bujqesise dhe ushqimit, drejtorit te sherbimit pyjor te rrethit dhe te kryetarit te komunes ose te bashkise. Si dokumentacion baze per kalimin e tokave te pandara te sherbeje procesverbali, i cili te shoqerohet edhe me pasqyrimin grafik. 3. Ndarja e tokave bujqesore te pandara te behet duke ruajtur perparesite, sipas radhes se meposhtme: a) u ofrohen per t'u marre ne pronesi familjeve bujqesore ose individeve, te cileve u jane dhene ne baze te ligjit nr. 7501, date 19.7.1991 "Per token", por qe i kane refuzuar. b) u jepet pronesi, per t'u plotesuar me norme te plote per fryme, familjeve fshatare, qe me ligjin nr.7501, date 19.7.1991 "Per token" kane marre toke bujqesore 1/2 e normes per fryme. c) u jepet ne pronesi familjeve qe perfitojne te drejtat sipas nenit 5 dhe 6 te ligjit nr.7514, date 30.9.1991 "Per pafajesine, amnistine dhe rehabilitimin e ish-te denuarve dhe te perndjekurve politike" dhe qe jane subjekt i ligjit nr. 7501, date 19.7.1991 "Per token". 4. Siperfaqet e tokave te pandara te evidentohen me vete. 5. Familjet fshatare apo individet qe do te trajtohen me ligjin nr.8312, date 26.3.1998 "Per tokat bujqesore te pandara" detyrohen ta perdorin ate sipas dispozitave te ligjit nr.7501, date 19.7.1991 "Per token", me ndryshimet perkatese, si dhe akteve nenligjore. Ky vendim hyn ne fuqi menjehere. KRYEMINISTRI Fatos Nano