Regulation No. 1147 of 2008 amending Regulation No. 289 of 2006 on the organization and functioning of the Agency of Legalisation, Urbanisation, and Integration of Informal Zones/Construction (ALUIIZC)

VENDIM Nr.1147, datë 5.8.2008 PËR DISA NDRYSHIME NË VENDIMIN NR.289, DATË 17.5.2006 TË KËSHILLIT TË MINISTRAVE “PËR ORGANIZIMIN DHE FUNKSIONIMIN E AGJENCISË SË LEGALIZIMIT, URBANIZIMIT DHE INTEGRIMIT TË ZONAVE/NDËRTIMEVE INFORMALE (ALUIZNI)” Në mbështetje të nenit 100 të Kushtetutës dhe të neneve 4 e 46 të ligjit nr.9482, datë 3.4.2006 “Për legalizimin, urbanizimin dhe integrimin e ndërtimeve pa leje”, të ndryshuar, me propozimin e Ministrit të Punëve Publike, Transportit dhe Telekomunikacionit, Këshilli i Ministrave VENDOSI: Në vendimin nr.289, datë 17.5.2006 të Këshillit të Ministrave, bëhen këto ndryshime: 1. Pika 2 ndryshohet, si më poshtë vijon: “2. ALUIZNI ka drejtorinë qendrore në Tiranë, dhe drejtori, në nivel qarku, e zyra, në këto njësi të qeverisjes vendore: a) Bashkia Tiranë 7 zyra b) Bashkia Kavajë 1 zyrë c) Bashkia Kamëz 1 zyrë ç) Komuna Paskuqan 1 zyrë d) Bashkia Vlorë 1 zyrë dh) Bashkia Sarandë 1 zyrë e) Bashkia Orikum 1 zyrë ë) Bashkia Durrës 2 zyra f) Bashkia Fushë-Krujë 1 zyrë g) Komuna Manzë 1 zyrë gj) Bashkia Laç 1 zyrë h) Bashkia Korçë 1 zyrë i) Bashkia Pogradec 1 zyrë j) Bashkia Lushnjë 1 zyrë k) Bashkia Fier 1 zyrë l) Bashkia Berat 1 zyrë ll) Bashkia Elbasan 2 zyra m) Bashkia Shkodër 1 zyrë n) Komuna Bushat 1 zyrë.”. 2. Pika 5 ndryshohet, si më poshtë vijon: “5. ALUIZNI drejtohet nga Drejtori i Përgjithshëm dhe 3 zëvendësdrejtorë.”. 3. Pika 8 ndryshohet, si më poshtë vijon: “8. ALUIZNI financohet nga Buxheti i Shtetit, nga të ardhurat, që siguron nga mbledhja e tarifës së shërbimit, në përputhje me ligjin nr.9482, datë 3.4.2006 “Për legalizimin, urbanizimin dhe integrimin e ndërtimeve pa leje”, të ndryshuar, dhe nga donacione të huaja.”. Ky vendim hyn në fuqi pas botimit në Fletoren Zyrtare. KRYEMINISTRI Sali Berisha