Regulation No. 1928 on open burning and incineration of waste, Stryn Municipality, Sogn and Fjordane

Forskrift om open brenning og brenning av avfall i småomnar, Stryn kommune, Sogn og Fjordane Dato FOR-2014-12-18-1928 Publisert II 2015 hefte 1 Ikrafttredelse 18.12.2014 Sist endret Endrer Gjelder for Stryn kommune, Sogn og Fjordane Hjemmel LOV-1981-03-13-6-§9, FOR-2001-07-19-1706 Kunngjort 15.01.2015 kl. 15.30 Rettet Korttittel Forskrift om brenning av avfall, Stryn Heimel: Fastsett av Stryn kommunestyre 18. desember 2014 med heimel i lov 13. mars 1981 nr. 6 om vern mot forurensninger og om avfall (forurensningsloven) § 9, jf. delegeringsvedtak 19. juli 2001 nr. 1706. § 1.Formål Formålet med denne forskrifta er å unngå ureining og helseproblem i kommunen som følgje av open brenning og brenning av avfall i småomnar. Det er også eit mål å auke utnyttinga av ressursane gjennom materialgjenvinning og energigjenvinning. § 2.Virkeområde Denne forskrifta gjeld open brenning og brenning av avfall i småomnar innafor kommunen sine grenser. § 3.Definisjonar I denne forskrifta gjeld følgjande betydning: a) Open brenning: All brenning som skjer utandørs. b) Småomnar: Forbrenningsomnar som ikkje er tillatne av Miljødirektoratet eller fylkesmannen eller er tillatne etter statlege forskrifter etter ureiningslova. § 4.Forbod mot open brenning og brenning av avfall i småomnar Open brenning og brenning av avfall i småomnar er forbode, med mindre anna fylgjer av forskrifta sin § 5. § 5.Unntak frå forbodet Følgjande brenning skal likevel vera tillate: Open brenning på grillinnretningar, utepeisar og kaffibål. Brenning av avfallstrevirke, med unntak av rivingsavfall og impregnert og måla trevirke. Brenning av Jonsok- og Olsokbål. Ranke- og flatebrenning i landbruket i god avstand til tettbygde strok. Kulturarrangement med vardebrenning eller liknande. Brenning av tørt hageavfall i god avstand til tettbygde strok. § 6.Dispensasjon Teknisk utval kan i særlege tilfelle gje dispensasjon frå forbodet i § 4 etter søknad. § 7.Tilsyn Kommunen vil føre tilsyn med at reglane i denne forskrifta vert følgd. § 8.Klage Vedtak fatta av teknisk utval i medhald av denne forskrifta kan påklagast til formannskapet. § 9.Straff Brot på denne forskrifta kan medføre straffeansvar jf. ureiningslova § 78. § 10.Iverksetting Denne forskrifta trer i kraft straks. Vedteke av kommunestyret i møte 18. desember 2014.