Decree No. 1159 of 1997 relative to economic instruments of SND, counties and municipalities for the benefit of the fisheries and marine industries, and to make provision for advisory committee and cooperation between regional fisheries administrations

FOR 1996-12-20 nr 1159: Forskrift om SND, fylkeskommunane og kommunane sine økonomiske verkemiddel overfor fiskeri- og havbruksnæringa, om rådgjevande utval og om medverknad frå regional fiskeriforvaltning. DATO: FOR-1996-12-20-1159 DEPARTEMENT: FKD (Fiskeri- og kystdepartementet) AVD/DIR: Ressurs- og utredningsavd. PUBLISERT: Avd I 1996 1937 IKRAFTTREDELSE: 1997-01-01 SIST-ENDRET: ENDRER: GJELDER FOR: Norge HJEMMEL: LOV-1992-07-03-97-§10, LOV-1992-07-03-97-§11 INNHOLD Forskrift om SND, fylkeskommunane og kommunane sine økonomiske verkemiddel overfor fiskeri og havbruksnæringa, om rådgjevande utval og om medverknad frå regional fiskeriforvaltning. § 1. Kva forskrifta gjeld § 2. Føremål § 3. Fiskeripolitiske retningsliner § 4. Rådgjevande utval § 5. Medverknad frå regional fiskeriforvaltning § 6. Ikraftsetjing m.m. Forskrift om SND, fylkeskommunane og kommunane sine økonomiske verkemiddel overfor fiskeri og havbruksnæringa, om rådgjevande utval og om medverknad frå regional fiskeriforvaltning. Fastsett ved kgl.res. 20. desember 1996 med heimel i lov 3. juli 1992 nr. 97 om Statens nærings- og distriktsutviklingsfond § 10 og § 11. Fremja av Fiskeridepartementet. § 1. Kva forskrifta gjeld Forskrifta gjeld lån, garantiar og tilskot frå SND, fylkeskommunane og kommunane til fiskeflåten, fiskeindustrien og havbruksnæringa. Den gjeld vidare SND sitt erverv av aksjar eller selskapsandelar i fiskeflåten, fiskeindustrien og havbruksnæringa. § 2. Føremål Økonomiske verkemiddel, jf. § 1, skal fremje ei bedrifts- og samfunnsøkonomisk lønnsam næringsutvikling, herunder verne ressursgrunnlaget, sikre trygge og gode arbeidsplassar, oppretthalde hovudtrekka i busettingsmønsteret og legge til rette for at den reelle lønnsevna i fiskerinæringa aukar. Innan havbruksnæringa skal dei økonomiske verkemidla fremje ei balansert og berekraftig utvikling og målsettinga om ei lønnsam og livskraftig distriktsnæring. § 3. Fiskeripolitiske retningsliner Økonomiske verkemiddel til fiskeflåten, fiskeindustrien og havbruksnæringa kan gjevast i samsvar med § 2. Fiskeridepartementet kan gi fiskeripolitiske retningsliner om økonomiske verkemiddel som nemnt. Retningslinene skal innehalde overordna fiskeripolitiske styringssignal for alle ledd i fiskeri og havbruksnæringa. § 4. Rådgjevande utval Flåtesaker, jf. § 3, skal i den mòn Fiskeridepartementet fastset handsamast i samråd med eit rådgjevande utval samansett med 3 representantar etter forslag frå fylkeskommunen og 2 representantar etter forslag frå fiskarsida. Fiskeridepartementet kan gi nærare retningsliner om oppretting av og bruken av rådgjevande utval. § 5. Medverknad frå regional fiskeriforvaltning Fiskeridepartementet kan fastsette at den regionale fiskeriforvaltninga skal ta del i handsaming av flåte-, fiskeindustri- og havbrukssaker. Fiskeridepartementet kan fastsette nærare retningsliner om bruk av den regionale fiskeriforvaltninga i handsaminga. § 6. Ikraftsetjing m.m. Denne forskrifta trer i kraft frå 1. januar 1997. Forskrifta gjeld ikkje avtale eller tilsagn om lån, garanti, tilskot eller erverv av eller avtale om erverv av aksjar eller selskapsandelar som er gjort før 1. januar 1997. Databasen sist oppdatert 11. jan 2008