Regulation on the methodology for implementing the monitoring of animal feed safety

Службен весник на РМ, бр. 128 од 14.9.2017 година 20171282634 АГЕНЦИЈА ЗА ХРАНА И ВЕТЕРИНАРСТВО Врз основа на член 76-а став (3) од Законот за безбедност на храната за животни (“Службен весник на Република Македонија” бр. 145/10, 53/11, 1/12, 33/15, 149/15 и 53/16), директорот на Агенцијата за храна и ветеринарство донесе МЕТОДОЛОГИЈА ЗА СПРОВЕДУВАЊЕ НА МОНИТОРИНГОТ ЗА БЕЗБЕДНОСТА НА ХРАНАТА ЗА ЖИВОТНИТЕ Член 1 Мониторингот за безбедноста на храната за животни се спроведува преку: мерење, следење, оцена и контрола на одредени параметри, критериуми и барања за храната за животни кои се поврзани со исполнување на општите и посебните барања за безбедност на храната за животни и следење на состојбата на безбедноста на храна за животни. Член 2 (1) Мониторингот на безбедноста на храната се спроведува на одредени параметрите на безбедност на храна за животни. (2) Листата на параметри за безбедност на храна за животни за кои се врши мониторинг како и видовите и категориите храна за животни е дадена во Правилник за општите и посебни барања за безбедност на храната за животни, Правилник за листата на непожелни супстанции во храната за животни и максимално дозволено ниво како и критичните точки за спроведување на истражување за идентификација на изворот и причините за пречекорување на максимално дозволено ниво и Листа на суровини, материјали и други производи чие ставање во промет и употреба се забранети. (3) Агенцијата за храна и ветеринарство (во понатамошниот текст: Агенцијата), секоја година во декември за наредната, на основа на спроведената процена на ризик и утврдените наоди и несообразности во претходните три години (или помал временски период доколку се нема соодветни резултати) во Република Македонија и Европската Унија, како и препораките на Европската Унија (доколу се пропишани), ги одредува параметрите на безбедност на храна за животни за кои се врши мониторинг. (4) Доколку одреден параметар за безбедност на храна за животни е опфатена со друга мониторинг програма или програма на официјални контроли на Агенцијата или друг надлежен орган во областа на безбедноста на храната, ветеринарното здравство и фитосанитарна заштита, и добиените резултати ги задоволуваат целите на Агенцијата во полето на безбедност на храна за животни, параметарот на безбедност на храна за животни може да се изостави од Програмата за мониторинг за безбедност на храната за животни, а добиените резултати искористат во процената на ризик. Член 3 (1) Бројот на примероци за лабораториско испитување во рамките на годишната Програмата за мониторинг на безбедност на храна за животни за кои се врши мониторингот, како и вкупниот број на примероци за секој дел од програмата се дефинира со користење на статистички приод, со одредување на минимален статистички репрезентативен примерок со формулата: Службен весник на РМ, бр. од 128 од 14.9.2017 година 2 од 2 Бројот на земени примероци треба да биде статистички оправдан. Член 4 Оваа методологија влегува во сила осмиот ден од денот на објавувањето во „Службен весник на Република Македонија“. Бр. 02-2923/5 Агенција за храна 6 септември 2017 година и ветеринарство Скопје в.д. Директор, Зоран Атанасов, с.р.