Regulation on the method of drawing up recognition plans

МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 124, став (4) од Законот за земјоделство и рурален развој {,,Службен весник на Република Македонија" бр. 49/10 и бр.53/11}, министерот за земјоделство, шумарство и водостопанство донесе ПРАВИЛНИК ЗА НАЧИНОТ НА ИЗГОТВУВАЊЕ НА ПЛАНОТ ЗА ПРИЗНАВАЊЕ Член 1 Со овој правилник се пропишува начинот на изготвување на планот за признавање. Член 2 Планот за признавање содржи мерки и активности за исполнување на услови за стекнување на статус на организација на производители и тоа најмалку следново: опис на првобитната состојба во врска со бројот на членови на организацијата на производители со податоци за членовите, производството, податоци за вредноста на пазарното производство, маркетингот и инфраструктурата, вклучувајќи ја и инфраструктурата во сопственост на членовите на задругата која се користи од задругата; предложениот датум за започнување на реализација на планот и периодот на реализација од најмалку две, но не повеќе од пет години и мерки и активности кои треба да се преземаат за да се стекне статус на организација на производители. Член 3 За членовите на организацијата на производители во планот за признавање се внесуваат податоци за: име на членот, физичко односно правно лице; адреса на членот, физичко односно правно лице; матичен број на физичко односно правно лице, ЕМБГ /ЕМБС; е - пошта и телефон/ факс. Член 4 За производството во планот за признавање се внесуваат податоци за: обработлива површина (ха) на која се врши производството; основна култура и други култури кои се произведуваат и просечен годишен принос (тони/ха). Член 5 За вредноста на пазарното производство во планот за признавање се внесуваат податоци за : пазарна вредност на производството од минатата година, изразена во МКД и начинот на продажба на производите. Член 6 За маркетинг и инфраструктура во планот за признавање се внесуваат податоци за: земјоделско земјиште, земјоделски објекти, земјоделска опрема, земјоделска механизација, производствени капацитети и вид на сопственост. Член 7 Во планот за признавање се внесува датум за отпочнување на реализација на планот за признавање и периодот на реализација на истиот, најмалку е две, но не повеќе од пет години. Член 8 Во планот за признавање се наведуваат и мерките и активностите кои треба да се преземаат, за да се стекне статус на организација на производители. Член 9 Овој правилник влегува во сила наредниот ден од денот на објавувањето во „Службен весник на Република Македонија". Бр.11-4272 26 ноември 2011 година Скопје Министер, Љупчо Димовски, с.р.