Regulation on the manner of placing on the market of fertilizers in bulk condition

Службен В. на Р.М. бр: 154/2011 од 04.11.2011 Влегува во сила на: 05.11.2011 Извор: МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Правилник за начинот на пласирање на пазар на ѓубрињата во ринфузна состојба (*) МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 21 став 4 од Законот за ѓубриња ("Службен весник на Република Македонија" бр. 110/07, 20/09 и 17/11) министерот за земјоделство, шумарство и водостопанство, донесе. ПРАВИЛНИК ЗА НАЧИНОТ НА ПЛАСИРАЊЕ НА ПАЗАР НА ЃУБРИЊАТА ВО РИНФУЗНА СОСТОЈБА () Член 1 Со овој правилник се пропишува начинот на пласирање на пазар на ѓубрињата во ринфузна состојба. Член 2 Ѓубриња од сите типови и видови во ринфузна состојба се пласираат на пазарот, се пакуваат во контејнери од дрвена, пластична и метална амбалажа, а се транспортираат во вагони-кипери, или во обични превозни средства кои имаат соодветна опрема за утовар и истовар, како и опрема за заштита на губрето од атмосферските услови. Течните ѓубриња се складираат во боксови со различна големина, изработени од хемиски отпорни материјали на течни ѓубриња (нерѓосувачки челик, алуминиум и пластика). Во ринфузна состојба не треба да се пласираат на пазарот амониумнитратни ѓубриња. Ѓубрето во ринфузна состојба може да се складира во магацини во форма на куп. Член 3 За пласирање на ринфузни ѓубриња на пазарот, големината на пакувањето на ѓубрињата за исхрана на растенијата во ринфузна состојба ја одредува произведувачот во договор помеѓу потрошувачот и производителот. За квалитетот на пакуваното ѓубре во ринфузна состојба производителот одредува одговорно лице, кое гарантира за квалитетот на ѓубрето. Член 4 Произведувачот ѓубрето во ринфузна состојба го произведува по потреба на потрошувачот. Ѓубрето треба да ги исполнува критериумите што се бараат од потрошувачот, и треба да бидат составен дел на декларацијата. Декларацијата треба да содржи: тип на ѓубре; составот на ѓубре; име на производителот; дата на производство; трајност; начин на пакување; начин на транспорт и упатство за начин на чување на ѓубрето. (*) Со овој правилник се врши усогласување со Регулатива на Европскиот парламент и Совет 2003 /2003 од 13 октомбри 2003 година која се однесува на вештачките ѓубриња со CELEX br.32003R2003 Член 6 http://www.slvesnik.com.mk/Issues/134C9AD59F06D944BA92C4468F0097FC.pdf#page=141 Овој правилник влегува во сила наредниот ден од денот на објавувањето во "Службен весник на Република Македонија". Бр.17-318/5 Министер за земјоделство, октомври 2011 година шумарство и водостопанство, Скопје Љупчо Димовски, с.р.