Regulation on the form and content of the tobacco assessment identification card

МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 38 став 4 од Законот за тутун, производи од тутун и сродни производи(*) („Службен весник на Република Северна Македонија“ бр. 98/19), министерот за земјоделство, шумарство и водостопанство донесе ПРАВИЛНИК ЗА ФОРМАТА И СОДРЖИНАТА НА ИДЕНТИФИКАЦИОНАТА КАРТИЧКА ЗА ПРОЦЕНА НА ТУТУН Член 1 Со овој правилник се пропишува формата и содржината на идентификационата картичка за процена на тутун. Член 2 Идентификационата картичка за процена на тутун за проценителите на тутун од страна на откупувачот на тутун се изработува во пластифицирана хартија со димензии 10 cm x 7 cm во златно жолта боја. Предната страна на идентификационата картичка ги содржи следните податоци: “ Лого и Назив на откупувач, ИДЕНТИФИКАЦИОНА КАРТИЧКА ЗА ПРОЦЕНА НА ТУТУН”, место за фотографија, име и презиме на проценителот и архивски број и датум на лиценцата издадена од МЗШВ. Задната страна на идентификационата картичка ги содржи следните податоци: архивски број и датум на издавање, место за печат и потпис на овластено лице од откупувачот на тутун. Формата и содржината на идентификационата картичка за процена на тутун е дадена во Прилог 1 кој е составен дел на овој правилник. Член 3 Идентификационата картичка за процена на тутун за проценителите на тутун од страна на највисоката асоцијација на тутунопроизводители треба да биде во пластифицирана хартија со димензии 10 cm x 7 cm во светло зелена боја. Предната страна на идентификационата картичка ги содржи следните податоци: “Лого и Назив на највисоката асоцијација на тутунопроизводители, ИДЕНТИФИКАЦИОНА КАРТИЧКА ЗА ПРОЦЕНА НА ТУТУН”, место за фотографија, име и презиме на проценителот и архивски број и датум на лиценцата издадена од МЗШВ. Задната страна на идентификационата картичка ги содржи следните податоци: архивски број и датум на издавање, место за печат и потпис на овластено лице од највисоката асоцијација на тутунопроизводители. Формата и содржината на идентификационата картичка за процена на тутун е дадена во Прилог 2 кој е составен дел на овој правилник. 2 од 4 Член 4 Овој правилник влегува во сила наредниот ден од денот на објавувањето во „Службен весник на Република Северна Македонија”. Бр.29-9868/3 Министер за земјоделство, 25 октомври 2019 година шумарство и водостопанство, Скопје Трајан Димковски, с.р. 3 од 4 4 од 4