Regulation on the form and content of the request for issuing the authorization of veterinary services for the holding of activities in the field of animal health

Службен весник на РМ, бр. 160 од 18.11.2011 година 1 од 2 20111603522 АГЕНЦИЈА ЗА ХРАНА И ВЕТЕРИНАРСТВО Врз основа на член 40-a став (3) од Законот за ветеринарно здравство („Службен весник на Република Македонија“ бр. 113/07, 24/11 и 136/11), директорот на Агенцијата за храна и ветеринарство, донесе П Р А В И Л Н И К ЗА ФОРМАТА И СОДРЖИНАТА НА БАРАЊЕТО ЗА ИЗДАВАЊЕ НА РЕШЕНИЕ ЗА ОВЛАСТУВАЊЕ НА ВЕТЕРИНАРНИТЕ СЛУЖБИ НА ОДГЛЕДУВАЛИШТЕТО ЗА ВРШЕЊЕ НА АКТИВНОСТИТЕ ОД ОБЛАСТА НА ЗДРАВСТВЕНА ЗАШТИТА НА ЖИВОТНИТЕ Член 1 Со овој правилник се пропишува формата и содржината на барањето за издавање на решение за овластување на ветеринарните служби на одгледувалиштето за вршење на активностите од областа на здравствена заштита на животните. Член 2 (1) Барањето од член 1 на овој правилник се поднесува на образец: „Барање за издавање на решение за овластување на ветеринарните служби на одгледувалиштето за вршење на активностите од областа на здравствена заштита на животните“, во А-4 формат во бела боја, кој е даден во Прилог кој е составен дел на овој правилник. (2) Образецот на барањето од став (1) на овој член содржи: назив на органот до кој се поднесува барањето, место за датум и број на барањето, во средишниот дел назив на барањето, назив на правното лице подносител на барањето, седиште на правното лице подносител на барањето, причина поради што се поднесува барањето и место за потпис на подносителот на барањето. Член 3 Овој правилник влегува во сила наредниот ден од денот на објавувањето во „Службен весник на Република Македонија„. Бр. 02-4464/4 9 ноември 2011 година Директор, Скопје Дејан Рунтевски, с.р. Службен весник на РМ, бр. 160 од 18.11.2011 година 2 од 2