Regulation on the form and content of records on purchased and processed quantities of tobacco, the manner of keeping and submitting the records

Службен весник на РСМ, бр. 278 од 23.11.2020 година 1 од 4 20202783741 МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 41 став 3 од Законот за тутун, производи од тутун и сродни производи (*) („Службен весник на Република Северна Македонија“ бр.98/19 и 27/20), министерот за земјоделство, шумарство и водостопанство донесе ПРАВИЛНИК ЗА ФОРМАТА И СОДРЖИНАТА НА ЕВИДЕНЦИИТЕ ЗА ОТКУПЕНИ И ОБРАБОТЕНИ КОЛИЧИНИ НА ТУТУН, НАЧИНОТ НА ВОДЕЊЕТО И ДОСТАВУВАЊЕТО НА ЕВИДЕНЦИИТЕ Член 1 Со овој правилник се пропишува формата и содржината на евиденциите за откупени и обработени количини на тутун, начинот на водењето, како и доставувањето на евиденциите. Член 2 Eвиденцијата за откупените и евиденцијата за обработените количини на тутун се водат во електронска или пишана форма. Член 3 Евиденцијата за вкупно откупените количини на тутун откупувачот ја води на годишно ниво за откупените количини тутун од тековната реколта преку информативен систем за евиденција на тутун (во понатамошен текст: ИСЕТ). Дневната евиденција за откупените количини на тутун од претходниот ден се води во тековниот а најдоцна наредниот ден до 12 часот преку ИСЕТ. Евиденцијата за обработените количини на тутун се води еднаш месечно, за обработените количини во претходниот месец. Член 4 Формата и содржината на евиденцијата за вкупно откупените количини на тутун од член 3 став 1 на овој правилник се дадени во Прилог 1 кој е составен дел на овој правилник. Член 5 Формата и содржината на дневната евиденција за откупените количини на тутун од член 3 став 2 на овој правилник се дадени во Прилог 2 кој е составен дел на овој правилник. Член 6 Формата и содржината на евиденцијата за обработените количини на тутун од член 3 став 3 на овој правилник се дадени во Прилог 3 кој е составен дел на овој правилник. Член 7 Со денот на влегувањето во сила на овој правилник престанува да важи Правилникот за начинот на водењето, доставувањето на евиденцијата и формата и содржината на образецот на евиденцијата за откупените и обработените количини на тутун („Службен весник на Република Македонија“ бр.165/11, 11/12, 52/14 и 183/15). Член 8 Овој правилник влегува во сила наредниот ден од денот на објавувањето во „Службен весник на Република Северна Македонија”. Бр.29 -6593/4 Министер за земјоделство, 18 ноември 2020 година шумарство и водостопанство, Скопје Arjanit Hoxha, с.р. Службен весник на РСМ, бр. 278 од 23.11.2020 година 2 од 4 Службен весник на РСМ, бр. 278 од 23.11.2020 година 3 од 4 Службен весник на РСМ, бр. 278 од 23.11.2020 година 4 од 4