Regulation on the content of consent for packaging and finishing of fertilizers and other conditions that must be met by legal entities that produce, finish, perform packaging, as well as by any other legal entity that changes fertilizer properties

Службен В. на Р.М. бр: 119/2010 од 10.09.2010 Влегува во сила на: 11.09.2010 Извор: МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Правилник за содржината на согласност за пакување и доработување на ѓубрињата и другите услови кои треба да ги исполнуваат правните лица кои произведуваат, доработуваат, вршат пакување, како и секое друго правно лице кое ги менува својствата на ѓубрето МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 17 став 5 од Законот за ѓубриња ("Службен весник на Република Македонија" бр. 110/07 и 20/09), министерот за земјоделство, шумарство и водостопанство донесе. ПРАВИЛНИК ЗА СОДРЖИНАТА НА СОГЛАСНОСТ ЗА ПАКУВАЊЕ И ДОРАБОТУВАЊЕ НА ЃУБРИЊАТА И ДРУГИТЕ УСЛОВИ КОИ ТРЕБА ДА ГИ ИСПОЛНУВААТ ПРАВНИТЕ ЛИЦА КОИ ПРОИЗВЕДУВААТ, ДОРАБОТУВААТ, ВРШАТ ПАКУВАЊЕ, КАКО И СЕКОЕ ДРУГО ПРАВНО ЛИЦЕ КОЕ ГИ МЕНУВА СВОЈСТВАТА НА ЃУБРЕТО Член 1 Со овој правилник се пропишува содржината на согласност за пакување и доработување на ѓубрињата и другите услови кои треба да ги исполнуваат правните лица кои произведуваат, доработуваат, вршат пакување, како и секое друго правно лице кое ги менува својствата на ѓубрето. Член 2 Согласноста за пакување и доработување на ѓубрињата особено содржи: 1) Податоци за производителот кој ја издава согласноста (седиште, назив, идентификациски број, одговорно лице); 2) Податоци за правното лице - корисник на согласноста (назив, единствен даночен број, матичен број, седиште и адреса, адреса на објектот кај што се врши пакување и доработување на ѓубриња); 3) Датум и место на издавање на согласноста; 4) Услови и ограничувања на производителот во врска со видот на амбалажата која ќе се користи; 5) Видот на ѓубриња за чие пакување и доработување се издава согласноста; 6) Времетраење на согласноста; 7) Потпис и печат од овластеното лице на производителот; 8) Други елементи за кои производителот и правното лице постигнале согласност дека треба да се содржани во согласноста. Член 3 (1) Правните лица кои произведуваат, доработуваат, вршат пакување, како и секое друго правно лице кое ги менува својствата на ѓубрето, покрај со закон утврдените услови треба да поседуваат магацин кој се состои од работен и магацински дел, со задоволителен капацитет за сместување на ѓубриња, кој ќе овозможи одржување на квалитетот, како и правилно и безбедно ракување со ѓубрињата. (2) Работниот дел од магацинот служи за престој и работа на стручните лица. Во работниот дел може да бидат сместени литература, рекламен материјал (проспекти, упаства и друго) и други помагала во работата. (3) Магацинскиот дел служи за сместување на ѓубрињата на палети со што се овозможува одржување на квалитетот, како и правилно и безбедно ракување со ѓубрињата. http://www.slvesnik.com.mk/Issues/E2F11B5139C77E46A13AE69BA7005AAC.pdf#page=38 (4) Магацинскиот дел треба да има вградено соодветна вентилација за проветрување на просториите. Член 4 Овој правилник влегува во сила наредниот ден од денот на објавувањето во "Службен весник на Република Македонија". Бр. 17-229/4 август 2010 години Министер, Скопје Љупчо Димовски, с.р.