Regulation on specific technical requirements for treatment and safe disposal of specified risk material

Службен весник на РМ, бр. 113 од 27.08.2010 година 1 од 3 20101132199 МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 10 став 3 од Законот за нуспроизводи од животинско потекло („Службен весник на Република Македонија” бр. 113/2007), министерот за земјоделство, шумарство и водостопанство донесе ПРАВИЛНИК ЗА ПОСЕБНИТЕ ТЕХНИЧКИ УСЛОВИ ЗА ПОСТАПУВАЊЕ И НЕШТЕТНО ОТСТРАНУВАЊЕ НА СПЕЦИФИЧЕН РИЗИЧЕН МАТЕРИЈАЛ Член 1 Со овој правилник се пропишуваат посебните технички услови за постапување и нештетно одстранување на специфичниот ризичен материјал. Член 2 Ткивата односно органите кои можат да покажат висок степен на инфективност, треба да се исфрлат од ланецот на исхраната и како специфичен ризичен материјал да се отстранат и нештетно уништат во согласност со одредбите на овој правилник. Член 3 (1) Сите инструменти и опремата кои се користат за отстранување на специфичниот ризичен материјал треба да се разликуваат од опремата и инструментите користени за другите операции, што се постигнува со нивно боење и ставање на ознаката за специфично ризичен материјал - СРМ. (2) Сите употребени инструменти и опремата во процесот на отстранувањето и собирањето, како и при вршење на инспекцијата на специфичниот ризичен материјал, треба да бидат измиени и стерилизирани пред да се употребат за секој труп. (3) Садовите и контејнерите кои се користат за собирање на специфичниот ризичен материјал треба да се изработени од некородирачки материјал, лесно да се чистат, мијат и дезинфицираат, да се непропустливи за течности, недостапни за штетници, затворени со капак и специфично означени со ознака за специфично ризичен материјал - СРМ од сите страни, како јасно би се разликувале од другите садови и контејнери за собирање на производи кои не се наменети за исхрана на луѓе и отпадоците од колењето, а и нивната локација да е на доволна оддалеченост да се спречи крос-контаминација. (4) Транспортот на садовите и контејнерите со собраниот специфичен ризичен материјал до главниот контејнер за собирање на специфичен ризичен материјал Главниот контејнер за собирање на специфичниот ризичен материјал треба да ги исполнува условите од став (3) на овој член и да е лоциран во нечистиот дел од кругот на објектот. (5) Контејнерите полни со специфично ризичен материјал треба секојдневно да се транспортираат до местото каде нештетно се уништува специфичниот ризичен материјал, а доколку тоа не е случај треба да се обезбеди просторија за нивно складирање и ладење на тремпература од најмалку + 40Ц. Член 4 (1) Целиот цврст отпаден материјал кој дошол во контакт со подот каде специфичниот ризичен материјал е отстранет од труповите или од рачните инструменти со кој што е собран, треба да се третира на ист начин како и специфичниот ризичен материјал. (2) Отпадната вода при расекувањето на трупот и на другите места каде се одвојува специфичниот ризичен материјал, треба да се филтрира со поставување на мрежа на Службен весник на РМ, бр. 113 од 27.08.2010 година 2 од 3 шахтите (препорачлива е мрежа од 6 мм), а собраниот филтрат треба да се отстранува во интервали што обезбедува непречено истекување на водата и да се третира на ист начин како и специфичниот ризичен материјал. (3) Подните остатоци и филтратот третирани како специфичен ризичен материјал треба да се пренесат до контејнерот за специфичен ризичен материјал, што е можно побрзо, при што треба да се внимава да не дојде до контакт со месото наменето за исхрана на луѓето. Целата операција на транспорт на подните остатоици и филтратот треба да се изведе без или со најмал можен ризик. Член 5 Обојување на специфичниот ризичен материјал (1) Целиот специфичен ризичен материјал треба да е ефикасно обоен веднаш по неговото отстранување од трупот. Бојата треба да е видлива преку целата површина на специфично ризичниот материјал за истиот јасно да се разликува од другиот материјал. (2) Боењето може да се врши со метиленско плаво, калиум перманганат, 0.5% раствор на боја Patent Blue E 131, 1971 Color Index No 42051 или друга трајна боја. Обојувањето треба да е отпорно на вода, прскање или на друг третман. Член 6 Чистење на контејнерите за специфичен ризичен материјал (1) Чистење, миење и дезинфекција на контејнерите за специфичен ризичен материјал треба да се изведува во посебен простор за таа намена. Самото чистење не смее дапретставува ризик за крос-контаминацијата на било кој продукт, на контејнерите кои не се наменети за специфично ризичен материјал или за вработените. Член 7 Нештетно отстранување на специфичен ризичен материјал Нештетното отстранување на специфичниот ризичен материјал треба да се врши со негово отстранување во посебни за таа намена јами гробници или со закопување на претходно одредени места за таа намена. Условите за транспорт и отстранување треба да се во согласност со прописите за нуспроизводи од животинско потекло. Член 8 Заштита и хигиена на вработените (1) Вработените кои работат на отстранување и собирање на специфичниот ризичен материјал треба да носат заштитна облека и обувки, пластична кецела, заштитни гумени ракавици на рацете и заштитна капа, а работникот кој работи на расекување на труповите и заштитни наочари и хируршка маска или пластичен заштитник на лицето и очите. (2) Заштитната опрема секојдневно треба да се менува, а по употребата да се стерилизира и дезинфицира на соодветен начин, или еднократно да се употреби. (3) Миењето на раце треба да се спроведува по обработката на секој труп и после секој контакт со специфичен ризичен материјал. Службен весник на РМ, бр. 113 од 27.08.2010 година 3 од 3 Член 9 Стерилизација на инструментите и опремата за отстранување и собирање на специфичен ризичен материјал За стерилизација на инструментите и опремата за отстранување на специфичен ризичен материјал можат да се примени: 1. NaOH и Na-hipohlorid што содржи 2% достапен хлор за време не пократко од 2 часа на температура од 2000C за површини и преку ноќ за опремата. 2. Автоклавирање на температура од 13600C под притисок од 3 бара за време од 20 минути. Член 10 Овој правилник влегува во сила наредниот ден од денот на објавувањето во „Службен весник на Република Македонија”. Бр. 11-1412/4 Министер за земјоделство, 1 јули 2010 година шумарство и водостопанство, Скопје Љупчо Димовски, с.р.