Regulation on special safety requirements to be met by epoxy derivatives

Службен весник на РМ, бр. 61 од 10.04.2014 година 1 од 3 20140611910 АГЕНЦИЈА ЗА ХРАНА И ВЕТЕРИНАРСТВО Врз основа на член 59 став (3) алинеја 5 од Законот за безбедност на храната („Службен весник на Република Македонија“ бр. 157/10, 53/11, 1/12, 164/13, 187/13 и 43/14), директорот на Агенцијата за храна и ветеринарство, донесe ПРАВИЛНИК ЗА ПОСЕБНИТЕ БАРАЊА ЗА БЕЗБЕДНОСТ ШТО ТРЕБА ДА ГИ ИСПОЛНУВААТ ЕПОКСИ ДЕРИВАТИТЕ (*) Член 1 Со овој правилник се пропишуваат посебните барања за безбедност што треба да ги исполнуваат епокси дериватите како групи на супстанции што се употребуваат во производство на производи и материјали што доаѓаат во контакт со храната. Член 2 Одделни изрази употребени во овој правилник го имаат следното значење: 1. Епокси деривати се: (a) 2,2-бис (4-хидроксифенил) пропан бис (2,3-епоксипропил) етер, понатаму во текстот „BADGE“ (CAS бр. 001675-54-3), и некои од неговите деривати; (б) бис (хидроксифенил) метан бис (2,3-епоксипропил) етери, понатаму во текстот „BFDGE“ (CAS бр. 039817-09-9) и (в) други новолак глицидил етери, понатаму во текстот „NOGE“. 2. Производи и материјали се: (а) производи и материјали направени од каков било вид на пластика; (б) производи и материјали покриени со супстанција за обложување и (в) адхезиви. Член 3 Одредбите од овој правилник не се применуваат на садови или цистерни за складирање кои се со капацитет поголем од 10000 литри или цевки кои се дел од нив или поврзани со нив, покриени со специјална супстанција за обложување - облога за голем товар. Член 4 Производите и материјалите не треба да ги ослободуваат BADGE и некои од неговите деривати во количина која ги надминува специфичните граници на миграција дадени во Прилог 1 кој е составен дел на овој правилник. Член 5 Во производството на производи и материјали не може да се употребуваат и/или да има присуство на BFDGE. Член 6 Во производството на производи и материјали не може да се употребуваат и/или да има присуство на NOGE. * Со овој правилник се врши усогласување со Регулативата (ЕЗ) бр. 1895/2005 на Комисијата од 18 ноември 2005 година за ограничување на употребата на определени епокси деривати кај материјали и артикли наменети да дојдат во контакт со храна, CELEX број 32005R1895. Службен весник на РМ, бр. 61 од 10.04.2014 година 2 од 3 Член 7 Во фазите на пуштање во промет, производите и материјалите кои содржат BADGE и негови деривати треба да се придружени со писмена изјава за усогласеност согласно Правилникот за општите барања за безбедност на материјалите и производите што доаѓаат во контакт со храната1. Изјавата за усогласеност од став 1 на овој член ја издава операторот со храна, при што на барање на Агенцијата за храна и ветеринарство операторот со храна треба да и достави на увид документација со цел да се потврди усогласеноста на производите и материјалите со барањата пропишани во овој правилник. Член 8 Овој правилник престанува да важи со денот на пристапувањето на Република Македонија во Европската Унија. Член 9 Овој правилник влегува во сила наредниот ден од денот на објавувањето во „Службен весник на Република Македонија“, а ќе се објави по претходно добиена согласност од Владата на Република Македонија. Бр. 02-1818/1 4 март 2014 година Директор, Скопје Дејан Рунтевски, с.р. Службен весник на РМ, бр. 61 од 10.04.2014 година 3 од 3