Regulation on spatial, technical, technological and infrastructure conditions to be fulfilled in terms of production capacities which are in function of the activity of agricultural company

Службен весник на РМ, бр. 72 од 07.05.2014 година 1 од 2 20140722244 МИНИСТЕРСТВО ЗА ЗЕМЈОДЕЛСТВО, ШУМАРСТВО И ВОДОСТОПАНСТВО Врз основа на член 6 став (4) од Законот за земјоделски задруги („Службен весник на Република Македонија” бр. 23/13), министерот за земјоделство, шумарство и водостопанство донесе П Р А В И Л Н И К ЗА ПРОСТОРНИТЕ, ТЕХНИЧКИТЕ, ТЕХНОЛОШКИТЕ И ИНФРАСТРУКТУРНИТЕ УСЛОВИ КОИ ТРЕБА ДА ГИ ИСПОЛНУВААТ ПРОИЗВОДСТВЕНИТЕ КАПАЦИТЕТИ КОИ СЕ ВО ФУНКЦИЈА НА ДЕЈНОСТА НА ЗЕМЈОДЕЛСКАТА ЗАДРУГА Член 1 Со овој правилник се пропишуваат просторните, техничките, технолошките и инфраструктурните услови кои треба да ги исполнуваат производствените капацитети кои се во функција на дејноста на земјоделската задруга. Член 2 (1) Просторните, техничките, технолошките и инфраструктурните услови кои треба да ги исполнуваат производствените капацитети на земјоделската задруга од мал обем во функција на дејноста се: за лозаро-овоштарство: минимум 3 ха земјоделско земјиште; за производство на ориз: минимум 2 ха земјоделско земјиште; за одгледување на житни и фуражни култури: минимум 3 ха земјоделско земјиште; за производство на градинарски култури: минимум 2 ха земјоделско земјиште; за одгледување на говеда: минимум 30 грла; за одгледување на копитари: минимум 20 грла; за одгледување на овци: минимум 300 грла; за одгледување на кози: минимум 200 грла; за одгледување на свињи за репродукција: минимум 50 грла маторици; за одгледување на свињи за тов: минимум 300 грла гоеници; за одгледување на бројлери: минимум 5.000 броја во турнус; за одгледување на живина за производство на јајца: минимум 10.000 броја несилки; за одгледување на живина за производство на органски јајца: минимум 1.000 броја несилки; за одгледување на пчели: минимум 170 презимени пчелни семејства; за одгледување на ноеви: минимум 50 возрасни ноеви и за одгледување на полжави: минимум 2 ха земјоделско земјиште на отворено. (2) Покрај условите наведени во ставот (1) алинеи 5, 6, 7, 8, 9, 10, 11, 12, 13, 14, 15 и 16 од овој член, производствените капацитети треба да ги исполнуваат и просторните, техничките, технолошките и инфраструктурните услови утврдени во членовите 6 и 7 во Законот за заштита и благосостојба на животните и условите утврдени во Правилникот за условите и начините на заштита на фармските животни. Службен весник на РМ, бр. 72 од 07.05.2014 година 2 од 2 Член 3 (1) Просторните, техничките, технолошките и инфраструктурните услови кои треба да ги исполнуваат производствените капацитети на земјоделската задруга од голем обем во функција на дејноста се: за лозаро-овоштарство: минимум 6 ха земјоделско земјиште; за производство на ориз: минимум 4 ха земјоделско земјиште; за одгледување на житни и фуражни култури: минимум 6 ха земјоделско земјиште; за производство на градинарски култури: минимум 4 ха земјоделско земјиште; за одгледување на говеда: минимум 100 грла; за одгледување на копитари: минимум 50 грла; за одгледување на овци: минимум 1000 грла; за одгледување на кози: минимум 500 грла; за одгледување на свињи за репродукција: минимум 100 грла маторици; за одгледување на свињи за тов: минимум 1000 грла гоеници; за одгледување на бројлери: минимум 10.000 броја во турнус; за одгледување на живина за производство на јајца: минимум 20.000 броја несилки; за одгледување на живина за производство на органски јајца: минимум 2.000 броја несилки; за одгледување на пчели: минимум 700 презимени пчелни семејства; за одгледување на ноеви: минимум 100 возрасни ноеви и за одгледување на полжави: минимум 4 ха земјоделско земјиште на отворено. (2) Покрај условите наведени во ставот (1) алинеи 5, 6, 7, 8, 9, 10, 11, 12, 13, 14, 15 и 16 од овој член, производствените капацитети треба да ги исполнуваат и просторните, техничките, технолошките и инфраструктурните услови утврдени во членовите 6 и 7 во Законот за заштита и благосостојба на животните и услови утврдени во Правилникот за условите и начините на заштита на фармските животни. Член 4 Овој правилник влегува во сила наредниот ден од денот на објавувањето во „Службен весник Република Македонија”. Бр. 16-1602/3 17 април 2014 година Министер, Скопје Љупчо Димовски, с.р.