Regulation on spatial conditions of material-technical and information equipment of premises for taking exams for experts for assessment of impact of projects on the environment and exams for experts for strategic environmental assessment

Службен весник на РМ, бр. 42 од 3.3.2016 година 1 од 2 20160421103 МИНИСТЕРСТВО ЗА ЖИВОТНА СРЕДИНА И ПРОСТОРНО ПЛАНИРАЊЕ Врз основа на член 85-ѕ став (4) од Законот за животната средина („Службен весник на Република Македонија“ бр. 53/05, 81/05, 24/07, 159/08, 83/09, 48/10, 124/10, 51/11, 123/12, 93/13, 187/13, 42/14, 44/15, 129/15 и 192/15), министерот за животна средина и просторно планирање, донесе ПРАВИЛНИК ЗА ПРОСТОРНИТЕ УСЛОВИ НА МАТЕРИЈАЛНО-ТЕХНИЧКАТА И ИНФОРМАТИЧКАТА ОПРЕМА НА ПРОСТОРИИТЕ ЗА ПОЛАГАЊЕ НА ИСПИТОТ ЗА ЕКСПЕРТ ЗА ОЦЕНА НА ВЛИЈАНИЕ НА ПРОЕКТИ ВРЗ ЖИВОТНАТА СРЕДИНА И ИСПИТОТ ЗА ЕКСПЕРТ ЗА СТРАТЕГИСКА ОЦЕНА НА ЖИВОТНАТА СРЕДИНА Член 1 Со овој правилник се пропишуваат просторните услови за материјално-техничката и информатичката опрема на просториите за полагање на испитот за експерт за оцена на влијание на проектите врз животната средина и испитот за експерт за стратегиска оцена на животната средина (во натамошниот текст: испитите). Член 2 Полагањето на испитот се спроведува во две специјално опремени простории, од кои секоја одделно треба да биде опремена со: најмалку 30 работни бироа за тестирање на кандидатите; најмалку 30 столчиња за кандидатите; најмалку 30 персонални компјутери; дисплеј за објавување на резултати со дименизии од минимум 2х2 метри; мрежна камера за снимање на полагањето; еден централен софтвер со монитор за надгледување на процесот на тестирање и за локално снимање на процесот на тестирање, со можност снимениот материјал да биде пренесен на уред за надворешна меморија (надворешен хард диск и/или усб); локална комуникациска мрежа и мрежен преклопник. Член 3 (1) Правното лице треба да поседува соодветна информатичка опрема и софтверска апликација што овозможува воспоставување и водење единствена база на податоци за спроведување на испитите, документацијата, стручната анализа и стручниот надзор. (2) Покрај информатичката опрема и посебната софтверска апликација од ставот (1) на овој член, правното лице треба да има и: пристап за користење на апликацијата на Министерството за животна средина и просторно планирање за спроведување на електронското полагање на испитите и интернет конекција за седиштето на правното лице од минимум 10мб/с, наменета исклучиво за електронското полагање на испитите. Службен весник на РМ, бр. 42 од 3.3.2016 година 2 од 2 Член 4 Овој правилник влегува во сила со денот на објавувањето во „Службен весник на Република Македонија“. Бр. 12-515/2 Министер за животна средина 25 февруари 2016 година и просторно планирање, Скопје Нурхан Изаири, с.р.