Regulation on minimum requirements for separate treatment of waste equipment, materials and parts of waste equipment, as well as the minimum technical conditions for storage and treatment of waste equipment that should be met by the installation for treatment of waste equipment

Службен весник на РМ, бр. 9 од 15.01.2013 година 1 од 2 20130090292 МИНИСТЕРСТВО ЗА ЖИВОТНА СРЕДИНА И ПРОСТОРНО ПЛАНИРАЊЕ Врз основа на член 34 став (7) од Законот за управување со електрична и електронска опрема и отпадна електрична и електронска опрема (“Службен весник на Република Македонија“ бр. 6/12 ), министерот за животна средина и просторно планирање донесе П Р А В И Л Н И К ЗА МИНИМАЛНИ БАРАЊА ЗА ОДВОЕН ТРЕТМАН НА ОТПАДНАТА ОПРЕМА, МАТЕРИЈАЛИТЕ И ДЕЛОВИТЕ НА ОТПАДНАТА ОПРЕМА, КАКО И МИНИМАЛНИТЕ ТЕХНИЧКИ УСЛОВИ ЗА СКЛАДИРАЊЕ И ТРЕТМАН НА ОТПАДНАТА ОПРЕМА КОЈА ТРЕБА ДА ГИ ИСПОЛНУВА ИНСТАЛАЦИЈАТА ЗА ТРЕТМАН НА ОТПАДНА ОПРЕМА Член 1 Со овој правилник се пропишуваат минимални барања за одвоен третман на отпадната опрема, материјалите и деловите на отпадната опрема, како и минималните технички услови за складирање и третман на отпадната опрема која треба да ги исполнува инсталацијата за третман на отпадна опрема. Член 2 1. Одделно собраната отпадна опрема треба да се третира на начин при кој што следните материјали и деловите, вклучувајќи ги и супстанции и препарати содржани во истата треба да бидат отстранети и тоа: – кондензатори кои содржат полихлорирани бифенили (PCB), на начин пропишан со прописите за управување за полихлорирани бифенили и полихлорирани терфенили (PCB/PCT); – составни делови што содржат жива, како што се прекинувачи или ламби со повратно палење; – батерии ; – печатени плочки на мобилните телефони воопшто и на друга електрична и електронска опрема ако површината на печатената плочка е поголема од десет квадратни сантиметри; – касети за тонер, течен и густ, како и за тонер во боја; – пластика што содржи бромирани огноотпорен дел; – азбестен отпад и делови што содржат азбест; – катодни цевки; – хлорофлуоројагленород (CFC), хидрохлорофлуоројагленород (HCFC) или хидрофлуоројагленород (HFC), јаглеводороди (HC); – гасни ламби; – екрани со течен кристал (заедно со нивните кутии, таму каде што е применливо), со површина поголема од 100 квадратни сантиметри, и сите екрани со задно осветлување со гасни ламби; – надворешни електрични кабли; – составни делови што содржат огноотпорни керамички влакна онака како што се дефинирани со прописте од областа на хемиски производи, со кои се уредува класификацијата, пакувањето и ставањето етикети на опасни супстанции; – составни делови што содржат радиоактивни супстанции, со исклучок на делови кои што се под прагот на изземање во согласност со прописите за заштита од јонизирачко зрачење; Службен весник на РМ, бр. 9 од 15.01.2013 година 2 од 2 – електролитски кондензатори што содржат штетни и опасни супстанции кои треба да се земат во предвид (со димензии висина > 25 mm, дијаметар > 25 mm или сразмерно сличен обем). Материјали, деловите, вклучувајќи ги супстанции и препарати содржани во отпадната опрема од став 1 на овој член, со исклучок на алинеа 14, треба да се преработаат и/или отстранат во согласност со Законот за управување со отпад и прописите за постапување со отпад. 2. При понатамошен третман на одделно собраната отпадна опрема треба да се обезбеди следното : – од катодни цевки треба да се отстрани флуоресцентниот слој; – од опрема која содржи гасови што ја осиромашуваат озононската обвивка или што имаат потенцијал за глобално затоплување (ПГЗ = GWP - global warming potential) над 15, како што се гасови што се содржат во пените и во системи за ладење гасовите треба соодветно и правилно да се извадат и обработат согласно прописите со кои се уредува начинот на постапување со супстанции што ја оштетуваат озонската обвивка и – од гасни ламби треба се отстрани живата. 3. Заради заштита на животната средина и предноста на повторна употреба и рециклирање на отпадната опрема, постапувањето со отпадната опрема утврдено во точките 1 и 2 на овој член се врши на начин кој не ја попречува повторната употреба на отпадната опрема безбедна за животната средина и рециклирањето на деловите или на целите уреди. Член 3 Минималните технички услови за складирање и третман на отпадната опрема која треба да ги исполнува инсталацијата за третман на отпадна опрема се следните: 1. Местата за складирање (вклучувајќи го и привременото складирање) на отпадната опрема пред нејзин третман треба да бидат со : – непропустливи површини за простор со посебна опрема за собирање на ненамерно излеани течности и, таму каде што е соодветно, садови за одвојување на течностите и средства за чистење и отстранување мрсни наслојки и – покриви отпорни на временски влијанија за соодветните површини. 2. Места за третман на отпадната опрема треба да имаат: – ваги за мерење на тежината на третираниот отпад; – непропустливи површини и покриви отпорни на временски влијанија за простор со посебна опрема за собирање на ненамерно излеани течности и, таму каде што е соодветно, садови за одвојување на течностите и средства за чистење и отстранување мрсни наслојки; – соодветни складишта за расклопените резервни делови; – соодветни садови за складирање на батерии, кондензатори кои содржат PCB/PCT и друг опасен отпад како на пример радиоактивен отпад; – опрема за прочистување на отпадни води во согласност со прописите со кои се уредува заштитата на животната средина. Член 4 Овој правилник влегува во сила наредниот ден од денот на објавувањето во “Службен весник на Република Македонијa“. Бр. 07-10235/3 28 декември 2012 година Министер, Скопје Абдилаќим Адеми, с.р.