Regulation determining the inspection posts at border crossing for imports of food of non-animal origin

Службен весник на РМ, бр. 161 од 21.11.2011 година 1 од 2 20111603537 АГЕНЦИЈА ЗА ХРАНА И ВЕТЕРИНАРСТВО Врз основа на член 20 став (1) алинеја 5 а во врска со член 90 став (1) точка 1) од Законот за безбедност на храна ("Службен весник на Република Македонија" бр. 157/10 и 53/11), директорот на Агенцијата за храна и ветеринарство донесе РЕШЕНИЕ ЗА ОПРЕДЕЛУВАЊЕ НА ИНСПЕКЦИСКИ МЕСТА НА ГРАНИЧЕН ПРЕМИН ЗА УВОЗ НА ХРАНА ОД НЕЖИВОТИНСКО ПОТЕКЛО Член 1 Со ова решение се определуваат инспекциските места на граничен премин за проверка и преглед на пратки со храна од неживотинско потекло кои се увезуваат во Република Македонија. Член 2 (1) Инспекциските места на граничен премин се определуваат за проверка и преглед на пратки со храна од неживотинско потекло, како инспекциски места на копнен (патен и железнички) и аеродромски граничен премин. (2) Инспекциските места на граничен премин од став (1) на овој член се дадени во Прилогот кој е составен дел на ова решение. Член 3 Пратките со храна од неживотинско потекло кои влегуваат во територијата на Република Македонија преку граничните премини Табановце и Блаце со копнен железнички сообраќај, при увоз се прегледуваат на железничкиот граничен премин железничка станица Трубарево. Член 4 Ова решение влегува во сила осмиот ден од денот на објавувањето во “Службен весник на Република Македонија”. Бр. 02-5032/3 16 ноември 2011 година Директор, Скопје Дејан Рунтевски, с.р. Службен весник на РМ, бр. 161 од 21.11.2011 година 2 од 2