Programme for passing the professional exam for assessor of the value of the goods and the impact on the environment

Службен весник на РМ, бр. 18 од 8.2.2012 година 1 од 2 20120180578 МИНИСТЕРСТВО ЗА ЖИВОТНА СРЕДИНА И ПРОСТОРНО ПЛАНИРАЊЕ Врз основа на член 12 став (3) од Законот за процена („Службен весник на Република Македонија“ број 115/10 и 158/11), министерот за животна средина и просторно планирање, донесе П Р О Г Р А М А ЗА ПОЛАГАЊЕ НА СТРУЧЕН ИСПИТ ЗА ПРОЦЕНУВАЧ НА ВРЕДНОСТА НА ДОБРАТА И ВЛИЈАНИЈАТА ВРЗ ЖИВОТНАТА СРЕДИНА 1. Со оваа програма, се пропишуваат темите за кои се полага стручен испит за проценувач за процена на вредноста на добрата и влијанијата врз животната средина. 2. Програмата за полагање стручен испит за проценувач за процена на вредноста на добрата и влијанијата врз животната средина се состои од: I. Основни поими и тоа: Медиумите на животнате средина (вода, воздух и почва) и Областите на животната средина (природа, отпад, бучава и сите други елементи кои претставуваат неделива целина од животната средина). II. Одговорност за штета предизвикана врз животната средина и тоа: одговорност за еколошка штета; трошоци за преземање на превентивни мерки и мерки за ремедијација и реституција на еколошка штета. III. Вредности на животната средина и тоа: 1. Употребни користени вредности и тоа: директно употребни користени вредности; индиректно употребни користени вредности и изборни употребни користени вредности. 2. Неупотребни односно директно некористени вредности кои пасивно се употребени вредности и тоа: идна вредност (за наследството) и егзистенцијална вредност. IV. Методи на процена на вредноста на добрата и влијанијата врз животната средина и тоа: 1. Методи за вреднување засновани на пазарните цени: Методот на превентивни трошоци; Методот на дефанзивни трошоци и Методот на трошоци за замена, дислокација и поправка. 2. Методи за вреднување засновани на производствената функција: Метод на ефекти врз производството; Метод на човечки капитал и Метод на опортунитетни трошоци. 3. Методи за вреднување засновани на откриените преференции на индивидуите: Методот на претпоставено (условено) вреднување; Методот на патни трошоци и Методот на хедонистичко вреднување и V. Извештај за процена. 3. Литературата за подготовка за полагање на стручен испит за проценувач за процена на добрата и влијанијата врз животната средина е дадена во Прилог кој е составен дел на оваа програма. Службен весник на РМ, бр. 18 од 8.2.2012 година 2 од 2 4. Оваа програма влегува во сила наредниот ден од денот на објавувањето во „Службен весник на Република Македонија“. Бр. 07-325/3 1 февруари 2012 година Министер, Скопје Абдилаќим Адеми, с.р.