Law amending the Law on State Agriculture Inspectorate

Службен весник на РМ, бр. 88 од 28.05.2015 година 20150882772 СОБРАНИЕ НА РЕПУБЛИКА МАКЕДОНИЈА Врз основа на членот 75 ставови 1 и 2 од Уставот на Република Македонија, претседателот на Република Македонија и претседателот на Собранието на Република Македонија издаваат У К А З ЗА ПРОГЛАСУВАЊЕ НА ЗАКОНОТ ЗА ИЗМЕНУВАЊЕ И ДОПОЛНУВАЊЕ НА ЗАКОНОТ ЗА ДРЖАВНИОТ ИНСПЕКТОРАТ ЗА ЗЕМЈОДЕЛСТВО Се прогласува Законот за изменување и дополнување на Законот за Државниот инспекторат за земјоделство, што Собранието на Република Македонија го донесе на седницата одржана на 26 мај 2015 година. Бр. 08-2285/1 26 мај 2015 година Скопје Претседател на Собранието на Република Македонија, Трајко Вељаноски, с.р. Претседател на Република Македонија, д-р орге Иванов, с.р. ЗАКОН ЗА ИЗМЕНУВАЊЕ И ДОПОЛНУВАЊЕ НА ЗАКОНОТ ЗА ДРЖАВНИОТ ИНСПЕКТОРАТ ЗА ЗЕМЈОДЕЛСТВО Член 1 Во Законот за Државниот инспекторат за земјоделство („Службен весник на Република Македонија“ број 20/2009, 53/11, 164/13, 43/14 и 33/15), во членот 9 став 2 датата “31 октомври” се заменува со датата “30 септември”. Член 2 Во членот 11 став 2 во точките 5) и 9) зборовите: „добиточна храна“ се заменуваат со зборовите: „храна за животни“. Член 3 Членот 12 се менува и гласи: “Инспекторатот покрај работите од членот 11 од овој закон е овластен да врши инспекциски надзор на правни и физички лица преку контрола на квалитетот и прегледи на пратките од увоз, извоз, производство, откуп, промет на земјоделски производи, семе и саден материјал, цвеќе и декоративни растенија, производи за заштита на растенија, вино и производи од вино и грозје, енолошки средства, јаки алкохолни пијалаци, ѓубриња, тутун и тутунски производи, органски производи, гмо, храна за животни, приплоден добиток, сперма од добиток, јајце клетки, ембриони. 1 од 4 www.pravdiko.mk Службен весник на РМ, бр. 88 од 28.05.2015 година Инспекторатот врши и фитосанитарна контрола на пратки од растенија, растителни производи и други објекти и предмети и производи за заштита на растенијата како и утврдување за исполнување на условите за издавање на фитосанитарен сертификат, фитосанитарен сертификат за реекспорт и пасош за растенијата. Покрај работите од ставовите 1 и 2 на овој член, Инспекторатот постапува по барања од правни и физички лица за проверување и утврдување на исполнување на условите за прозводство и откуп на земјоделски производи и тутун, како и за утврдување на исполнување на условите за регистрација на откупни пунктови, винарски визби, рибници, пломбирање на мрежи. За извршените контроли на квалитет од ставот 1 на овој член, Инспекторатот издава уверение за квалитет-сертификат. Правните и физички лица од ставовите 1 и 2 на овој член, се должни да поднесат барање до Инспекторатот и во истото да дадат точни податоци со комплетна документација за потребната контрола. Контролите на квалитет на пратки од увоз се вршат на место на истовар, а за пратки за внатрешен промет и за извоз се вршат на местото на утовар. Местото на истовар, односно утовар, мора да биде наведено во транспортниот документ. Правните и физичките лица не смеат да пуштат во промет пратки од увоз без уверение за квалитет-сертификат, додека за пратките за извоз и внатрешен промет уверение за квалитет- сертификат се издава на нивно барање. Царинската управа нема да дозволи, спроведе увозна постапка, доколку претходно не е поднесено барање за издавање на уверение за квалитет-сертификат од правно или физичко лице-трговец поединец. Формата, содржината и начинот за издавање на уверението за квалитет-сертификат и образецот на барањето ги пропишува министерот на предлог на директорот. За извршените работи од ставовите 1, 2 и 3 на овој член се наплатува надоместок. Висината на надоместокот за вршење на работите од ставовите 1, 2 и 3 на овој член се утврдува врз основа на реалните трошоци направени од страна на Инспекторатот при спроведување на постапките при вршење на инспекцискиот надзор и истите се сопствени приходи. Висината на надоместокот од ставот 10 на овој член на предлог на директорот ја пропишува министерот на кој согласност дава Владата на Република Македонија.“ Член 4 По членот 12 се додава нов член 12-а, кој гласи: “Член 12-а Инспекторот е должен во рок од три работни дена од денот на добиените резултати да издаде уверение за квалитет-сертификат. “ Член 5 Во членот 21 став 2 зборовите: „Државната комисија за одлучување во управна постапка и постапка од работен однос во втор степен”, се заменуваат со зборовите: „Државна комисија за одлучување во втор степен од областа на инспекцискиот надзор и прекршочната постапка”. Член 6 Во членот 23 став 2 по зборот „непознати” се додаваат зборовите: „или познати”. 2 од 4 www.pravdiko.mk Службен весник на РМ, бр. 88 од 28.05.2015 година Член 7 Во членот 24-б став 3 точка 3) зборовите: ,,Управа за ветеринарство-Одделение за државна ветеринарна инспекција” се заменуваат со зборовите: ,,Агенција за храна и ветеринарство”. Член 8 По членот 24-б се додава нов член 24-в, кој гласи: “Член 24-в Субјектите од членот 15 од овој закон кои подлежат на контрола од Инспекторатот се должни телефонскиот и бесплатниот телефонски број на Инспекторатот за пријавување на неправилности да го истакнат на видно место на влезот на објектот.“ Член 9 Во членот 33 став 1 пред точка 1) се додава нова точка 1), која гласи: “1) дава неточни податоци увезува и пушта во промет пратки без издадено уверение за квалитет-сертификат (член 12 став 5 и 7)“. Точките 1), 2), 4) и 5) стануваат точки 2), 3), 4) и 5). Член 10 По членот 33-а, се додаваат два нови члена 33-б и 33-в, кои гласат: “Член 33-б Глоба во износ од 1.500 евра во денарска противвредност ќе му се изрече за прекршок на правното лице, ако по прва опомена не го истакне телефoнскиот број на Инспекторатот (член 24-в). Глоба во износ од 600 евра во денарска противвредност ќе му се изрече на одговорното лице во правното лице за прекршокот од ставот 1 на овој член. Член 33-в Глоба во износ од 7.500 до 10.000 евра во денарска противвредност ќе му се изрече за прекршок на инспекторот ако не издаде уверение за квалитет-сертификат во предвиден рок (член 12-а). Глоба во износ од 15.000 евра во денарска противвредност ќе му се изрече на Директорот за прекршокот од ставот 1 на овој член.” Член 11 По членот 34-а се додава нов член 34-б, кој гласи: “Член 34-б Прекршочна постапка се води и се изрекува прекршочна санкција за прекршоците предвидени со овој закон пред надлежниот суд. Пред поднесување барање за поведување на прекршочна постапка пред надлежен суд, за прекршоците од овој закон инспекторот спроведува постапка на порамнување согласно со овој закон.” Член 12 Прописите предвидени со овој закон ќе се донесат во рок од триесет дена од денот на влегувањето во сила на овој закон. 3 од 4 www.pravdiko.mk Службен весник на РМ, бр. 88 од 28.05.2015 година Член 13 Овој закон влегува во сила осмиот ден од денот на објавувањето во „Службен весник на Република Македонија“. 4 од 4 www.pravdiko.mk