Law amending the Law on firefighting

„Службен весник на РМ“ бр. 81 од 28.06.2007 година Врз основа на член 75 ставови 1 и 2 од Уставот на Република Македонија, претседателот на Република Македонија и претседателот на Собранието на Република Македонија издаваат У К А З ЗА ПРОГЛАСУВАЊЕ НА ЗАКОНОТ ЗА ИЗМЕНУВАЊЕ НА ЗАКОНОТ ЗА ПОЖАРНИКАРСТВОТО Се прогласува Законот за изменување на Законот за пожарникарството, што Собранието на Република Македонија го донесе на седницата одржана на 18 јуни 2007 година. Бр. 07-2825/1 18 јуни 2007 година Скопје Претседател на Собранието на Република Македонија, Љубиша Георгиевски, с.р. Претседател на Република Македонија, Бранко Црвенковски, с.р. ЗАКОН ЗА ИЗМЕНУВАЊЕ НА ЗАКОНОТ ЗА ПОЖАРНИКАРСТВОТО Член 1 Во Законот за пожарникарството ("Службен весник на Република Македонија" број 67/2004), насловот на Главата VIII се менува и гласи: "ПРЕКРШОЧНИ ОДРЕДБИ". Член 2 Во членот 54 став 1 воведната реченица се менува и гласи: "Глоба во износ од 2.000 до 5.000 евра во денарска противвредност ќе му се изрече за прекршок на правното лице, ако:". Во ставот 2 зборовите: "ќе се казни со парична казна од 30.000,00 до 50.000,00 денари и" се заменуваат со зборовите: "ќе му се изрече глоба во износ од 800 до 1.200 евра во денарска противвредност и на". Член 3 Во членот 55 став 1 воведната реченица се менува и гласи: "Глоба во износ од 1.200 до 2.000 евра во денарска противвредност ќе му се изрече за прекршок на правното лице, ако:". Во ставот 2 зборовите: "ќе се казни со парична казна од 10.000,00 до 30.000,00 денари и" се заменуваат со зборовите: "ќе му се изрече глоба во износ од 550 до 700 евра во денарска противвредност и на". Член 4 Во членот 56 зборовите: "Со парична казна од 10.000,00 до 30.000,00 денари ќе се казни" се заменуваат со зборовите: "Глоба во износ од 550 до 700 евра во денарска противвредност ќе му се изрече за прекршок на". 1 од 2 www.pravdiko.com „Службен весник на РМ“ бр. 81 од 28.06.2007 година Член 5 Во членот 57 став 1 воведната реченица се менува и гласи: "Глоба во износ од 550 до 700 евра во денарска противвредност ќе му се изрече за прекршок на физичко лице, ако:". Член 6 Овој закон влегува во сила осмиот ден од денот на објавувањето во "Службен весник на Република Македонија". 2 од 2 www.pravdiko.com