Decree on implementation of measures for protection and rescue from fires, explosions and dangerous substances

Службен весник на РМ, бр. 100 од 23.07.2010 година 20101001869 ВЛАДА НА РЕПУБЛИКА МАКЕДОНИЈА Врз основа на член 50 став 3 од Законот за заштита и спасување („Службен весник на Република Македонија“ бр. 36/04, 49/04 и 86/08), Владата на Република Македонија, на седницата одржана на 13.07.2010 година, донесе УРЕДБА ЗА СПРОВЕДУВАЊЕ НА МЕРКАТА ЗАШТИТА И СПАСУВАЊЕ ОД ПОЖАРИ, ЕКСПЛОЗИИ И ОПАСНИ МАТЕРИИ I. ОПШТИ ОДРЕДБИ Член 1 Со оваа уредба се уредува спроведувањето на мерката заштитата и спасувањето од пожари, експлозии и опасни материи која се остварува во рамките на единствениот систем за заштита и спасување. Планирањето и подготвувањето на активностите за спроведување на заштитата и спасувањето од пожари, експлозии и опасни материи се врши од страна на органите на државната управа, единиците на локалната самоуправа (и Градот Скопје), трговските друштва, јавните претпријатија, установите и службите (во натамошниот текст: задолжени субјекти). Член 2 Заштитата и спасувањето од пожари, експлозии и опасни материи опфаќа мерки и активности од нормативен, оперативен, организационен, надзорен, технички, образовен, воспитен и пропаганден карактер. Член 3 Одредбите на оваа уредба се применуваат и на технолошките експлозии кои настануваат како последица при употребата на запаливи течности и гасови како и други горливи материи кои со воздухот создаваат експлозивни смеси, како и при пожари и експлозии во објекти во кои се користат или се сместени радиоактивни извори. II. ПЛАНИРАЊЕ И ПОДГОТВУВАЊЕ НА ЗАШТИТАТА И СПАСУВАЊЕТО ОД ПОЖАРИ, ЕКСПЛОЗИИ И ОПАСНИ МАТЕРИИ Член 4 Заштитата и спасувањето од пожари, експлозии и опасни материи опфаќа планирање и подготвување на активности за спроведување на заштитата и спасувањето од пожари, експлозии и опасни материи. а) Планирање на активности за спроведување на заштита и спасување од пожари, експлозии и опасни материи Член 5 Планирањето на активностите за спроведување на заштита и спасување од пожари, експлозии и опасни материи, опфаќа процена на можните загрозувања на животот и здравјето на луѓето, утврдување на потребна организација за спроведување на заштитата и спасувањето од пожари, експлозии и опасни материи, планирање на пропагандните

1 од 5 Службен весник на РМ, бр. 100 од 23.07.2010 година активности и донесување на Стандардни оперативни процедури за заштитата и спасувањето од пожари, експлозии и опасни материи. Член 6 Активностите и постапките учесниците во организираното спроведување на заштитата и спасувањето од пожари, експлозии и опасни материи ги преземаат согласно стандардните оперативни процедури донесени од страна на директорот на Дирекцијата за заштита и спасување. Член 7 Заштитата и спасувањето од пожари, експлозии и опасни материи како образовен и воспитен процес се планира и спроведува во согласност со Правилникот за содржината и начинот на спроведување на обучувањето за самозаштита во образовните институции. Член 8 Организацијата за заштитата и спасувањето од пожари, експлозии и опасни материи се утврдува согласно плановите за заштита и спасување, како посебен документ во плановите. При утврдувањето на потребната организација посебно се определуваат задачите на задолжените субјекти и задачите, големината и видовите на силите за заштита и спасување кои ќе учествуваат во заштитата и спасувањето од пожари, експлозии и опасни материи, отстранување на причините за настанување на пожари, откривање, спречување на ширењето и гаснењето на пожари, утврдување на причините за настанувањето на пожари, како и давање помош при отстранување на последиците предизвикани од пожар. б) Подготвување на активности за спроведување на заштитата и спасувањето од пожари, експлозии и опасни материи Член 9 Подготвувањето на активностите за заштитата и спасувањето од пожари, експлозии и опасни материи опфаќа организациски и оперативни мерки и постапки со кои се обезбедуваат потребни предуслови за спроведување на планираните активности за заштитата и спасувањето од пожари, експлозии и опасни материи. За реализација на активностите од став 1 на овој член, задолжените субјекти кои спроведуваат заштита и спасување од пожари, експлозии и опасни материи, во рамките на развојното и оперативно планирање посебно предвидуваат: - временски рокови за пополнување на силите за заштита и спасување; - временски рокови за едукација, обука и вежби; - временски рокови за обезбедување на материјални ресурси за потребите на заштитата и спасувањето од пожари, експлозии и опасни материи; - временски рокови за проверка и сервисирање на обезбедените материјални ресурси; и - временски рокови за склучување на потребни договори.

Член 10 Со подготвувањето на активностите за спроведување на заштитата и спасувањето од пожари, експлозии и опасни материи од страна на задолжените задолжените субјекти се обезбедуваат потребните средства за успешно и ефикасно спроведување на заштитата и спасувањето од пожари, експлозии и опасни материи утврдени во нормативите и стандардите за заштита и спасување. 2 од 5 Службен весник на РМ, бр. 100 од 23.07.2010 година III. СПРОВЕДУВАЊЕ НА ЗАШТИТАТА И СПАСУВАЊЕТО ОД ПОЖАРИ, ЕКСПЛОЗИИ И ОПАСНИ МАТЕРИИ Член 11 При заштита и спасување од пожари, експлозии и опасни материи задолжените субјекти и силите за заштита и спасување постапуваат според нормативите и стандардите за постапките и начинот на отстранување на причините за настанување на пожари, откривање, спречување на ширење и гасење на пожари и начините и постапките за утврдување на причините за настанување на пожар и давање помош при отстранување на последиците предизвикани од пожар. Член 12 Спроведувањето на заштитата и спасувањето од пожари, експлозии и опасни материи опфаќа активности во функција на превенција и оперативни функции. а) Активности во функција на превенција Член 13 Во функција на превенција задолжените субјекти за спроведување на заштитата и спасувањето од пожари, експлозии и опасни материи ја воспоставуваат потребната организација од членот 6 на оваа уредба. Во рамките на активностите од став 1 на овој член задолжените субјекти ги обезбедуваат пропишаните потребни персонални и материјални ресурси за функционирање на воспоставената организација, спроведуваат едукација, обука и вежби со персоналот на задолжените субјекти и силите за заштита и спасување, ги одржуваат и сервисираат материјалните средства наменети за заштита и спасување од пожари, експлозии и опасни материи, предлагаат имплементирање на мерките за заштита и спасување од пожари, експлозии и опасни материи во просторното и урбанистичко планирање и проекти и ги склучуваат потребните договори утврдени со прописите за заштита и спасување. б) Оперативни функции

Член 14 Од страна на задолжените субјекти, за спроведување на заштитата и спасувањето од пожари, експлозии и опасни материи, во рамките на оперативните функции се спроведуваат активности и мерки во случај на непосредна опасност, за време на траење на опасноста и во отстранување на последиците. б-1) Активности и мерки во случај на непосредна опасност Член 15 Кога надлежниот орган ќе утврди и извести за постоење на можност за настанување на непосредна опасност, надлежните и одговорните лица во задолжените субјекти ја зголемуваат готовноста за спроведување на заштитата и спасувањето од пожари, експлозии и опасни материи. 3 од 5 Службен весник на РМ, бр. 100 од 23.07.2010 година б-2) Активности и мерки за време на траење на опасноста Член 16 Во рамките на активностите и мерките за време на траење на опасноста Дирекцијата за заштита и спасување ги активира надлежните и одговорни лица за спроведување на заштитата и спасувањето од пожари, експлозии и опасни материи кои превземаат организациски, стручни, безбедносни и други мерки за извршување на задачите во спроведувањето на заштитата и спасувањето од пожари, експлозии и опасни материи, согласно стандардните оперативни процедури. Член 17 Во зависност од природата на горивото и местото на настанување на пожарот, за времетраење на опасноста, задолжените субјекти за спроведување на заштитата и спасувањето од пожари ги спроведуваат следните активности и мерки: - Општините, односно градот Скопје учествуваат во спроведување на заштитата и спасувањето од пожари, експлозии и опасни материи со противпожарните единици во гасење на пожари, спасување на животот на граѓаните и заштита на имотот според утврден начин за нивно ангажирање; - Министерството за внатрешни работи го одржува јавниот ред и мир, забранува пристап на неповикани лица и го обезбедува местото на настанот; - Дирекцијата за заштита и спасување учествува во планирањето, координацијата и следењето на спроведувањето на заштитата и спасувањето од пожари, експлозии и опасни материи со тимовите за брз одговор и специјализираните единици за заштита и спасување од пожари, експлозии и опасни материи; - Министерството за земјоделство, шумарство и водостопанство учествува во гасење на пожар на отворен простор; - Министерството за здравство учествува во пружање прва помош, идентификација на загинати и умрени и прифат и лекување во здравствените установи и - Дирекцијата за радијациона сигурност учествува во координација на активностите при настанување на пожари во објекти во кои се користат или се сместени радиоактивни извори.

Член 18 Во спроведувањето на заштитата и спасувањето од пожари,експлозии и опасни материи силите за заштита и спасување првенствено се употребуваат за спречување на ширење и гасење на пожар. б-3) Активности и мерки во отстранување на последиците Член 19 Во давањето помош при отстранување на последиците предизвикани од пожар, експлозии и опасни материи учествуваат службите и силите за заштита и спасување на задолжените субјекти, како и тимовите за брз одговор. Член 20 Раководниот персонал во задолжените субјекти и командниот персонал на силите за заштита и спасување врз основа на водената евиденција за спроведување на активностите на заштитата и спасувањето од пожари, експлозии и опасни материи најдоцна четири часа по завршувањето на активностите, го анализираат своето учество во спроведувањето на заштитата и спасувањето од пожари, експлозии и опасни материи. 4 од 5 Службен весник на РМ, бр. 100 од 23.07.2010 година Извештајот за извршената анализа и евиденцијата за употребата на службите и силите за заштита и спасување во случај на непосредна опасност, за време на траење на опасноста и во отстранување на последиците од страна на раководниот персонал во задолжените субјекти се доставува до Дирекцијата за заштита и спасување најдоцна два дена по завршувањето на активностите. IV. ПРЕОДНА И ЗАВРШНА ОДРЕДБА Член 21 Со денот на влегувањето во сила на оваа уредба престанува да важи Уредбата за спроведување на заштитата од пожари („Службен весник на Република Македонија“ бр. 98/2005). Член 22 Оваа уредба влегува во сила наредниот ден од денот на објавувањето во „Службен весник на Република Македонија“. Бр.51-3533/1 Заменик на претседателот 13 јули 2010 година на Владата на Република Скопје Македонија, м-р Владимир Пешевски, с.р. 5 од 5