Skip to content
Nelum
Laws of Greenland

Regulation No. 32 on home assistance

Made 1994-07-26 · Text as of 2026-10-01

Public law and official guidance, published as research. Not legal, tax or financial advice.

About this law

Original title
Angerlarsimaffimmi ikiorteqartitsisarneq pillugu Namminersornerullutik Oqartussat nalunaarutaat.
Language
Greenlandic
Kind
Regulation
Organisation
European Union
Country
Greenland
Subjects
Food and nutrition, General
Keywords
social protection, local government, fees/royalties, food security

Where to read it

Text

The law's own text, section by section, as held. Each section has its own link.

  1. § 1 — Angerlarsimaffimmi ikiorteqartitsineq inooqatigiinnikkut peqqissutsikkulluunniit atukkat

    § 1. Angerlarsimaffimmi ikiorteqartitsineq inooqatigiinnikkut peqqissutsikkulluunniit atukkat tunngavigalugit aallartinneqarsinnaavoq, sulisut uku innersuussuteqareernerisigut: a) Peqqinnissaqarfimmi sulisut b) isumaginninnermi oqartussani sulisut. Imm. 2. Angerlarsimaffimmi ikiorteqartitaanissaq inunnit ilaqutariinnilluunniit tamatuminnga pisariaqartitsillutik misigisimasunit aamma qinnuteqaatigineqarsinnaavoq. Kapitali 2 Inuit pineqartut

  2. § 2 — Utoqqarnut, annertuumik innarluutilinnut inunnullu sivisuumik napparsimasunut angerlarsimaffimmi

    § 2. Utoqqarnut, annertuumik innarluutilinnut inunnullu sivisuumik napparsimasunut angerlarsimaffimmi ataavartumik ikiorteqartitsisoqarsinnaavoq. Ilaqutariinnut innarluutilinnik meeralinnut ilaquttaminnilluunniit innarluutilinnik meeralinnut ilaquttaminnilluunniit innarluutilimmik imminni najugaqartitsisunut taamalu angerlarsimaffimmi suliassat nalinginnaasut suliarineqarnissaannut ilaanneeriarlutik oqilisaanneqarnissamik pisariaqartitsisunut angerlarsimaffimmi ataavartumik aamma ikiorteqartitsisoqarsinnaavoq. Imm. 2. Angerlarsimaffimmi ikiorteqartitsinikkut atuisut toqqissisimasumik atugaqarlutik angerlarsimaffimminniiginnarsinnaanissaat siunertarineqarpoq, taamalu paaqqinniffimmut inissinneqarnissaat pinngitsoortillugu.

  3. § 3 — Napparsimaneq, naartuneq, ernineq illoqatigiilluunniit akornanni napparsimanerup kingorna

    § 3. Napparsimaneq, naartuneq, ernineq illoqatigiilluunniit akornanni napparsimanerup kingorna peqqissartoqarnera pissutigalugit, angerlarsimaffimmilu inersimasumut nanertuutaavallaanngitsumik illumi suliassanik illersorneqarsinnaasumik sulisussaqartinnagu angerlarsimaffimmi utaqqiisaagallartumik ikiorteqartitsisoqarsinnaavoq. Imm. 2. Ikiorsiinissamut tunngatillugu iliuuserisassat pilersaarusiorneqarnerannut ilaatillugu angerlarsimaffimmi utaqqiisaagallartumik aamma ikiorteqartitsisoqarsinnaavoq, tamannalu isumaginninnikkut ikiorsiiniutinut allanut tapertaritinneqartutut isigineqassaaq. Imm. 3. Napparsimaruluttunut imaluunniit toqulersunut qanigisaasut angerlarsimaffimmi utaqqiisaagallartumik ikiortaatinneqarsinnaapput. Kapitali 3 Angerlarsimaffímmi ikiortegarnermiakiliuteqartarneq

  4. § 4 — Angerlarsimaffimmi ikiorteqarnissamik qinnuteqartoq angerlarsimaffimmi

    § 4. Angerlarsimaffimmi ikiorteqarnissamik qinnuteqartoq angerlarsimaffimmi ikiorteqartitsisariaqarnerup angerlarsimaffimmilu ikiorteqarnermi akiliuteqarnissap kommunimit naliliivigineqarnissaani paasissutissanik pisariaqartinneqartunik paasissutissiissaaq. Angerlarsimaffimmi ikiorteqartitsisarnermi akiliuteqartarneq pillugu malittarisassat Isumaginninnermut Suliffeqarnermullu Pisortaqarfiup aalajangersassavai. Imm. 2. Inunnut pensionit utoqqarnullu paaqqinniffiit il.il. pillugit Inatsisartut peqqussutaat nr. 8, 22. oktober 1990-imeersoq tunngavigalugu pensionisiaqartunut angerlarsimaffimmi ataavartumik ikiorteqartinneqartunut ikiorteqartinneqarnerminnullu akiliisanngitsunut pensioninut inummut tapitigut naleqqussaasoqassaaq. Imm. 3. §3, imm. 2 tunngavigalugu angerlarsimaffimmi utaqqiisaagallartumik ikiorteqartitsinermi akiliuteqartitsisoqassanngilaq. Imm. 4. Akiliutit amerlassusilerneqarneranni inoqutigiit akileraaruteqaataasussanik ataatsimoorlutik isertitaat tunngavigineqassapput. Imm. 5. Angerlarsimaffimmi ikiorteqartitsinermi akiliutit angerlarsimaffimmi ikiortigitinneqartup akissarsiaanit amerlanerussanngillat. Angerlarsimaffimmi ikiorteqartinneqartut ikiorneqarnertik uppernarsarlugu atsiortassapput. Kapitali 4 Angerlarsimaffimmi ikiortip suliassaqarfii suliassaalu

  5. § 5 — Angerlarsimaffiup ingerlaqqinnissaa siunertaralugu angerlarsimaffimmi ikiorti ilitsersuillunilu

    § 5. Angerlarsimaffiup ingerlaqqinnissaa siunertaralugu angerlarsimaffimmi ikiorti ilitsersuillunilu ikiorsiisassaaq. Angerlarsimaffimmi ikiorti angerlarsimaffimmi nalinginnaasumik suliassanut, soorlu eqqiaanermut, pisiniarnermut, atisanik errorsinermut, timikkut eqqiluisaarnermut, kiassarnermut kiisalu atisalersornermut atisaajarnermullu nalinginnaasumik ikiuuttassaaq. Imm. 2. Angerlarsimaffimmi ikiorteqartitsinermi oqartussaasut isumaqatigiissuteqarfigineqareersimanngippata angerlarsimaffimmi ikiorti errorsersuaarnermut illulluunniit tamakkiisumik eqqiarneqarneranut ikiuunnissamut pisussaaffeqanngilaq. Imm. 3. Angerlarsimaffimmi napparsimasunik paarsineq angerlarsimaffimmi ikiortip suliassarpiaanut ilaanngilaq. Imm. 4. Angerlarsimaffimmi ikiorti angerlarsimaffimmit ikiukkaminit aningaasarsinaniluunniit taarsigassarsissanngilaq, imminullu nerisaqartittussaalluni. Kapitali 5 Aqunneqarnera

  6. § 6 — Angerlarsimaffimmi ikiorteqartitsineq kommunimi isumaginninnermut ataatsimiititaliamit

    § 6. Angerlarsimaffimmi ikiorteqartitsineq kommunimi isumaginninnermut ataatsimiititaliamit ataavartumik aqunneqassaaq. Ulluinnarni aqutsineq pisortamit isumaginninnermut ataatsimiititaliamit ataavartumit toqqarneqarsimasumit ingerlanneqassaaq. Imm. 2. Ulluinnarni aqutsisoq qaammat ilivitsoq tikillugu angerlarsimaffimmi ikiortiliinissamut akuersissuteqarsinnaavoq. Imm. 3. Tamatuma kingorna isumaginninnermut ataatsimiititaliaq ataavartoq aalajangiissaaq ikiorteqartitsineq sivisunerusumik ingerlassanersoq, allatigullu ikiorsiinermik tapertalerneqassanersoq.

  7. § 7 — Angerlarsimaffimmi ikiorteqartitsinerup oqartussanik allanik atuisunillu suleqateqarnerata

    § 7. Angerlarsimaffimmi ikiorteqartitsinerup oqartussanik allanik atuisunillu suleqateqarnerata ataqatigiissaarivigineqarnissaa kommunip isumaginninnermut ataatsimiititaliaata ataavartup akisussaaffigaa. Kapitali 6 Naammagittaal1iorsinnaaneq

  8. § 8 — Nalunaarut manna tunngavigalugu aalajangikkat isumaginninnermut tunngasut siulersorneqarnerat

    § 8. Nalunaarut manna tunngavigalugu aalajangikkat isumaginninnermut tunngasut siulersorneqarnerat aaqqissuussaanerallu pillugit Inatsisartut peqqussutaanni malittarisassat nalinginnaasut malillugit naammagittaalliuutigineqarsinnaapput. Kapitali 7 Atortuulersitsineq

  9. § 9 — Nalunaarut manna 1. august 1994 aallarnerfigalugu atortuulersinneqarpoq

    § 9. Nalunaarut manna 1. august 1994 aallarnerfigalugu atortuulersinneqarpoq. Namminersornerullutik Oqartussat, 26. juli 1994 Henriette Rasmussen / Nukákuluk Kreutzmann Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut

Regulation No. 32 on home assistance · Nelum