Regulation No. 14 on the protection and capture of foxes

Allaf�ssornikkut najoqqutassiat Nr. 14 18. oktobari 2019 Atuuttut Namminersorlutik Oqartussat terianniat illersugaanerat piniagaanerallu pillugit nalunaarutaat Piniarneq aallaaniarnerlu pillugit Inatsisartut inatsisaanni nr. 12, 29. oktober 1999-imeersumi § 2, imm. 4, § 8, § 9, imm. 2, § 12, § 13, imm. 2 aamma 3, § 17, imm. 2, § 18 kiisalu § 21 kingullermik Inatsisartut inatsisaat nr. 1, 16. maj 2008-meersukkut allanngor tinneqartoq aamma Pinngortitamik illersuineq pillugu Inatsisartut inatsisaanni nr. 29, 18. december 2003-meersumi § 5, § 35, § 36, imm. 2 kiisalu § 60, imm. 2 naapertorlugit aamma piniarneq pillugu siunnersuisoqatigiit tusarniaaf�gereerlugit aalaja - ngersarneqarput: Atuuf�i § 1. Nalunaarut manna Kalaallit Nunaanni issittumi terianniat (Vulpes Lagopus) illersugaanerannut piniagaanerannullu atuuppoq. Nassuiaatit § 2. Issittumi terianniat nalunaarummi matumani teriannianik taagorneqarput. Eqqissisimatitsineq aamma piniarneq § 3. Terianniat Kalaallit Nunaata Avannaani Kangianilu Nuna allanngutsaaliukkatut Immikkoortitami eqqissisimatitaapput. Imm. 2. Terianniat Kalaallit Nunaata sinnerani pif�ssami 15. maajimiit 15. septembari ilanngullugu eqqissisimatitaapput, taamaattoq imm. 3 takuuk. Imm. 3. Imm. 2-mi aalajangersagaq tunngaviginagu terianniat nalunaarutip uuma atuutilerneraniit inoqar�it, savaateqar�it aamma qimmeqar�it eqqaanni ukiuni tallimani inunnit atuuttumik inuussutissarsiutigalugu imaluunniit sunngif�mmi piniarsinnaanermut allagartalinnit ukioq kaajallallugu piniaqqusaapput. Piniariaatsit § 4. Teriannianik piniarnermi taamaallaat qoorortuut atoqqusaapput, sulloqqortussutsit akuerisat minnerpaaf�at .17-iuvoq. Imm. 2. Qoorortuut eqiinnartakkat eqittaannartakkallu atornissaat inerteqqutaavoq. Imm. 3. Qoorortooq sunaluunniit imm. 1 malillugu teriannianik piniarnermut atoqqusaasoq nakersarneqarsimassaaq paarilluagaallunilu. Imm. 4. Toqunartut, nammineq seqqortussiat, kiisartut, nigarsiniutit, teriannianilluunniit uninngatitsiniutitut teknikkikkut atortut allat atoqqusaanngillat, taamaattoq § 12 takuuk. Assartuutinik motoorilinnik atuineq § 5. Timmisartut, qulimiguullit assartuutillu motoorillit, soorlu qamuteralaat aamma ATV-t, teriannianik piniarnermi malersuinermilu atornissaat inerteqqutaavoq, taamaattoq § 12 takuuk. Pisanik tunisineq aamma tunniussineq § 6. Terianniat inatsit malillugu pisarineqartut tuniniarneqarsinnaapput. Taamaattorli terianniat unioqqutitsisumik pisarineqartut imaluunniit unioqqutitsilluni pisarisat neqaat, amii, kigutaat taakkuluunniit ilaat tuninissaat tunniunnissaallu inerteqqutaavoq. Terianniamik pissatamik toqutsineq § 7. Terianniamik aallaannittup terianniap eqqorneqarnermi kinguninnguagut toqusimanera qulakkiissavaa. Imm. 2. Terianniaq pissanneqarsimappat piaarnerpaamik toqunneqassaaq. Imm. 3. Terianniaq pissanneqartoq toqunneqanngippat, piniarnerup naammassineqarnerata kinguninnguatigut Aalisarnermut, Piniarnermut Nunalerinermullu Naalakkersuisoqar�mmut imaluunniit piniarnermik nakkutilliisumut qaninnerpaamut nalunaarutigineqassaaq. Imm. 4. Terianniamik pissanneqarsimasumik takunnittoqarpat, ajornanngippat toqunneqassaaq kingornalu Aalisarnermut, Piniarnermut Nunalerinermullu Naalakkersuisoqar�mmut imaluunniit piniarnermik nakkutilliisumut qaninnerpaamut nalunaarutigineqassaaq. Imm. 5. Terianniamik toqungasumik siumuisoqarpat nikisinnagu qimanneqassaaq kingornalu Aalisarnermut, Piniarnermut Nunalerinermullu Naalakkersuisoqar�mmut imaluunniit piniarnermik nakkutilliisumut qaninnerpaamut nalunaarutigineqarluni. Kommunimi ileqqoreqqusat § 8. Kommunimi ileqqoreqqusaliornikkut kommunalbestyrelsi killiliisinnaavoq aamma kommunip iluani nunaminertani aalajangersimasuni terianniarnermut malittarisassanik atuutilersitsisinnaavoq. Imm. 2. Kommunimi ileqqoreqqusat Aalisarnermut, Piniarnermut Nunalerinermullu Naalakkersuisumit aalajangersarneqassapput. Pisanik nalunaaruteqartarneq § 9. Teriannianik pisat aamma pissatat tamarmik ukiut tamaasa PINIARNEQ-mi ukiumoortumik immersuif�ssaq atorlugu imaluunniit www.sullissivik.gl-kkut nalunaarutigineqartassapput. Imminut illersortariaqarnermi imaluunniit iliortariaqarnermi nalunaaruteqarneq § 10. Pinerluttulerinermi inatsimmi maleruagassat malillugit imminut illersortariaqarluni imaluunniit iliortariaqarluni terianniamik toqutsisoqarpat, terianniamik toqutsisup tamanna kommunimi Sullissivik aqqutigalugu Aalisarnermut, Piniarnermut Nunalerinermullu Naalakkersuisoqar�mmut piaarnerpaamik nalunaarutigissavaa, taakkulu suliaq pillugu allassimasumik nassuiaasiussapput sumiif�k, ulloq aamma terianniap suiaassusaa ilanngullugu. Imm. 2. Aalisarnermut, Piniarnermut Nunalerinermullu Naalakkersuisoqar�k terianniat, perlerortut ilanngullugit, inoqar�nnut qaninngoortut imaluunniit inoqar�nnut pisut pillugit maleruagassanik allassimasunik atuutilersitsissaaq. Uumasuuteqarneq § 11. Terianniat, piaqqat ilanngullugit, Naalakkersuisut akuersiseqqaarnagit uumasuutigineqaqqusaanngillat, taamaattoq § 12 takuuk. Immikkut akuersissuteqarneq piniarnermullu piumasaqaatit sukumiinerusut § 12. Aalisarnermut Piniarnermut Nunalerinermullu Naalakkersuisoqar�k ilisimatusarnermut, terianniaqatigiit naleqqussarnissaannut imaluunniit Kalaallit Nunaata piniagassatigut pisuussutaasa nalunaarsorneqarnerannut atatillugu nalunaarummi malittarisassat atuutsinneqannginnissaannik immikkut akuersissuteqarsinnaavoq. § 13. Aalisarnermut Piniarnermut Nunalerinermullu Naalakkersuisoqar�k terianniarnermut atatillugu piumasaqaatinik aalajangersaasinnaavoq, tassunga ilanngullugu terianniat ilaannik ilisimatuussutsikkut nappaatinillu misissuinernut atugassanik tunniussisarnissamut. Pineqaatissiissutit § 14. Nalunaarummi matumani § 3-mik § 4-mik, § 5-mik, § 6-mik, § 7, imm. 2-4-mik, § 10, imm. 1-mik kiisalu § 11-mik unioqqutitsineq piniarneq aallaaniarnerlu pillugit inatsit malillugu akiliisitsinermik pineqaatissiissutigineqarsinnaavoq. Imm. 2. Nalunaarummi matumani § 3, imm. 1-mik, unioqqutitsineq pinngortitamik illersuineq pillugu inatsit malillugu akiliisitsinermik pineqaatissiissutigineqarsinnaavoq. Imm. 3. Pinerluttulerinermi inatsimmi arsaarinnissut pillugu § 166 assingusumik atuuppoq. Imm. 4. Terianniat taakkuluunniit ilaasa arsaarinnissutigineqartut qanoq atornissaat Aalisarnermut, Piniarnermut Nunalerinermullu Naalakkersuisoqar�mmit imaluunniit Naalakkersuisoqar�mmiit tamatumunnga piginnaatitaasumit aalajangiivigineqartassaaq. Imm. 5. Nalunaarummi imaluunniit nalunaarut malillugu ileqqoreqqusani atuutilersinneqartuni akiliisitsinermik aalajangiinermut tunngaveqarpat, ingerlatseqatigiif�k inatsisitigut inuttut pisinnaatitaaffeqartoq pinerluttulerinermut inatsimmi maleruagassat malillugit akiliisinneqarsinnaavoq. Imm. 6. Akiliisitsissutiniit, imm. 1 malillugu aalajangersarneqartuniit, isertitat Nunatta Karsianut nakkartinneqassapput. Atuutilersitsineq § 15. Nalunaarut manna 18. oktober 2019-imi atuutilerpoq. Imm. 2. Peqatigalugu Kalaallit Nunaanni teriannissat eqqissisimatitaanerat pillugu Namminersornerullutik Oqartussat nalunaarutaat nr. 20 ulloq 17. Maj 1989-imeersoq atorunnaarsinneqarpoq. Imm. 3. Namminersornerullutik Oqartussat nalunaarutaat nr. 20 ulloq 17. Maj 1989-imeersoq malillugu ileqqoreqqusat atuutilersinneqartut atuutiinnassapput, allanik ileqqoreqqusaliornikkut atorunnaarsinneqarnissaasa tungaanut. Namminersorlutik Oqartussat, ulloq 18. oktober 2019 Jens Immanuelsen / Jørgen Isak Olsen Namminersorlutik Oqartussat Imaneq 4 3900 Nuuk E-mail: nsninatsit@nanoq.gl Linkit iluaqutaasussat Kalaallit Nunaanni inatsisinut nalunaarutit Namminersorlutik Oqartussat inatsisinut toqqorsiviat Naalakkersuisut